رواية فى حضن جلادى الفصل الثاني 2 بقلم نرمين حمدى حصريه في مدونة قصر الروايات
رواية فى حضن جلادى الفصل الثاني 2 بقلم نرمين حمدى حصريه في مدونة قصر الروايات
#في_حضن_جلادي
في قصر عائله الجارحي
زينه بنت عم رحيم بتجري ناحيه أوضه رهف أخت رحيم: رهف بت يارهف
رهف كانت لسه صاحيه من النوم: إية يازينه
زينه: عندي ليكي خبرين واحد وحش والتاني حلو
رهف: ابدأي بالوحش
زينه: رحيم قالب البلد برا وموقفها علي رجل
رهف بخضه: يانهار إسود ومين الي هيتقتل المره دي
زينه: حد من عيله النمر وأخوكي التاني في المستشفي وجدي تحت قالب الدنيا علي رحيم
رهف وقفت بخضه: يالهوووووي اية حصل لكل دا دي باينلها هتولع حريقه انهارده.. سليم أخويااااااا
زينه: هنعرف كل حاجه دلوقتي اهدي، مش عايزه نسمعي الخبر الحلو؟
رهف: انتي بعد الي قولتيه ده حد بقي ليه نفس يسمع حاجه
زينه: ماشي بس ع العموم جاد أخويا جاي انهارده بعد غربه 8 سنين
رهف فتحت عنيها وفاقت من نومها لما سمعت اسمه... اسمه نساها كل الاخبار الوحشه الي لسه سامعاها كانت مبسوطه جدا بس تظاهرت بانه عادي: بجد أبيه جاد جاي انهارده؟
زينه وهي عارفه الي جواها: أيوة ياختي جاي انهارده لسه سامعه جدي بيكلمه
رهف غصب عنها الابتسامه ظهرت علي وشها ولكن سرعان ما اخفتها: اااا يوصل بالسلامه... يلا بقي ننزل خلينا نشوف المصايب الي هلت فجأه دي
دول بقي رهف وزينه اقرب اتنين لبعض مبيخبوش عن بعض حاجه الاتنين من سن بعض... هما صغيرين في السن في عمر سجده
رهف بنت رقيقه جدا وعيوطه.. بتعيط من اقل حاجه.. متربيه علي إيد جاد ابن عمها بس هو سافر بقاله 8 سنين بيدرس الهندسه عشان يمسك شغل العيله ومعاهم برضو في تجاره السلاح وسنه من سن رحيم... طبعه عصبي جدا، مبيحبش الغلط، طويل، ذو شعر اسود وبشره قمحاويه، وعيون بنيه حاده
اما زينه بقي دي غير رهف... شخصيتها قويه شويه، محدش يعرف يهزها بسهوله، تربيه رحيم ودياب جدها بقي كانت تقعد معاهم كتير.. ولكن هي آيه في الجمال، شخصيتها بتجذب اي راجل رغم صغر سنها
&&&&&&&&&&&&&&&
في الصالون
دياب الجد: وبعدييييييين في ابن ال****الي مبيردش ديه قالب الدنيا برااااا وموتني
دلال أم رحيم: اصبر شويه ياعمي يمكن يجي دلوقتي
دياب: الواد دا هيجننني كل تصرفاته من دماااااغه عناااده ده هيوديه ويودينا في داهيه
عديله أم جاد: رحيم عمل الصح ياعمي لازم واحد من العيله دي يتقتل عشان يحرموا يمسوا حد من عندنا
دياب بزعيق: ومن متي الحر*يم هتدخل في الحاجات دي معايزش اسمع صوت مخلوق في البيت ديه
دياب دا كبير العيله وكلمته تمشي علي الكبير قبل الصغير وهو الوحيد المتحكم في رحيم وجاد والبيت كله عامه...
رهف وزينه كان فوق علي السلم وبيتابعوا وهما بترعشوا من زعيق دياب هو اول مره يكون عصبي كدا
معداش ثواني ورحيم دخل البيت سلاحه في ايده
دياب بغضب: اهلاااا بالي ناوي يجيب اسمي الارض
رحيم: في اية؟
دياب: في اية؟! انت لحد متي هتفضل تتصرف كديه.. تصرفاتك دي هتودينا في داهيه
رحيم: تصرفاتي؟! عيل طايش انا يعني ولا اية؟
دياب: قووووولت ميت مره الحكومه مفتحه عينهااااا عليك... هتبقي مبسوط لو اتحبست وانت هتقتل؟
رحيم ضحك بسخريه: اية يادياب انت لسه هتعرفني اول امبارح ولا اية؟! دا انا قتلت ناس قد شعر راسي وفي كل مره مبتحبسش يوم... رحيم مش سهل كديه
دياب: مقولناااش حاجه بس برضو خد حذرك
رحيم: ع العموم انا لسه مقتلتهوش... عندهم حته تلزمني
دياب: وانت عفيت عن الي عمل في اخوك كديه عشان الحته الي تلزمك
رحيم: عفيت؟!! انا اعفو جرالك اية يادياب اومال لو مكنتش تربيتك ياراجل... البت دي هي السبب في الحوار كله اما خليتها جاريه هنيه وخليت مرته تندب عليه هو... مبقاش انا رحيم الجارحي
عديله بتهمس لدلال: انتي خلفتي شيطاااان مش بني أدم
دلال: غلطتي اني سبت جده يربيه
عديله: ربنا يستر ع البت الي جايه دي
دياب: رحيم اهدي وخد حقك بعقل بلاش التهور ديه... وبعدين بكلمك من الصبح مش بترد ليه.. عايزين نعرف وديت سليم انهي مستشفي ونطمن عليه
رحيم: سليم بخير بس هو في غيبوبه دلوقتي ومش عارفين هيفوق امته
دلال بخضه: يامررررري ياولدي
دياب: اسكتي يادلال عيال الجارحي ميأثرش فيهم غيبوبه ولا رصاصه... بس وديني لاخلي الي عمل كديه يركع قدامي
رحيم بشر: سيبلي الموضوع ديه... تار اخوي انا هعرف اجيبه
دياب: ماشي... المهم انا رايح اطمن عليه تعالي معايا
لتنزل رهف وزينه بسرعه
زينه: واحنا كمان ياجدي عايزين نطمن عليه
رحيم بصلها بنظرته المرعبه ثم قال بهدوء مرعب: تروحي فين؟!!
زينه: والنبي يارحيم عايزه اروح قوله ياجدي
دياب: زينه اسمعي الكلام خليكي هنيه واحنا هنبقي نطمنك
دياب زعق في الستات فجأه: وانتو هتتفرجوا علي اية روحوا شوفوا الخدم خلصوا الوكل ولا الواد هياجي وميلاقيش أكل
دلال بخوف: حاضر ياعمي... يلا ياعديله
دياب همس لرحيم وهما ماشيين: حتتك دي مش هتخلص ياااد
رحيم: وهي الحياه اية غير دلع... البت صاروخ
دياب: انت داخل في الجوازه ال20 ولا وحده من دول عجبتك وقررت تستقر
رحيم: البت منهم تشوفها تقول هي دي... تبقي معاك لوحدها أدائها ميعجبنيش
دياب: طلاق التربيه معدت عليك
رحيم وهو ماشي: تلميذك
&&&&&&&&&&&&&&&&&
في المطبخ
رهف باستعباط: ماما هو انتوا مهتمين اوي بالاكل انهارده ليه
عديله بتضحك: اصله مش لاي حد ياعين مرات عمك
رهف: ليه هو في حد جايلنا ولا ايه
دلال: جاد ياحبيبتي جاي انهارده
رهف باستعباط: بجد... ربا يوصله بالسلامه
الكل سكت
رهف: ألا صحيح أبيه رحيم هيتجوز تاني
دلال: روحي اسأليه هو ادري بجوازاتو
&&&&&&&&&&&&&&&&
في قصر عائله النمر
دخل عاصي وهو غضب الدنيا في وشه: اية الي سمعته ده أختي انا تتجوز رحيم الجارحي
فرحه: اهدي ياعاصي احنا اعصابنا بايظه من ساعتها
حسام: مش هيحصل صدقني مش هيحصل
صفيه مرات عاصي: ياجماعه البت مش قد رحيم وعمايله دا جبروت وهي متعرفش حاجه في الدنيا غير مذاكرتها
فرحه: جواز سجده من رحيم الجارحي مش هيفيد حد غيرنا
الكل سكت واستغرب من رد فرحه
عاصي: انتي بتقولي اية... انتي اتجننتي؟
فرحه بصت لعاصي اخوها: افهم ياعاصي البت دي لو كملت دراستها اضمنلها الهندسه... ولو دخلت هندسه انت عارف هيحصل ايه نص التركه هتبقي ليها واحنا هنطلع بالمولد بلا حمص، ودي وصيه ابوك الي هيدخل الهندسه يتكتبلو نص التركه لوحده
صفيه: واية دخل الهندسه بجوازها من رحيم
فرحه: افهمي ياغبيه لو سجده اتجوزت رحيماكيد مش هيخليها تكمل تعليمها.. هو اصلا متجوزها عشان ينتقم.. مش حبا فيها وبكدا سجده مش هتكمل واحنا قدام جدي يعقوب برءاه
عاصي: هههه.. انتي متعرفيش ان رحيم الجارحي بيطلق كل يومين ولا اية... يعني بعد يومين سجده هترجع والوضع هيرجع ذي مكان
حسام: شكلك انت الي ناسي ان الي بيتجوزها مبيخليهاش تتجوز بعده ولو فكرت بيقتل الي هيتجوزها وممكن يقتلها هي شخصيا
عاصي وهو لسه بيفكر: هو احنا هنعمل فيها كديه صوح
فرحه: عندك حل تاني؟ وبصراحه كديه انا مش هضحي بحياه جوزي عشان جوازه
حسام: انا شايف ان الحل دا زين وهي كدا مش هتتأذي يعني، وفي نفس الوقت محدش فينا يموت
عاصي: انتو بتقولو اية بس، دي عيله كيف هنرميها كديه لرحيم... رحيم دا ديب
صفيه: فيه اية ياعاصي هو احنا هنموتها مثلا مهي جوازه ذي اي جوازه ولو طلقها ع الاقل نضمن انها متتجوزش واحنا الي نبقي متحكمين في الشركات
عاصي: لاااااه انا مهعملش في سجده كديه دي بنتي مش أختي
فرحه: طيب انا بقي مش هسمح ان
جوزي يروح ضحيه في كل الحكايه دية
حسام: انا مش فاهم انت معترض علي اية
عاصي: مهي لو اختك عمرك مهتقول كديه
حسام: ياحبيبي مش هتتأذي رحيم مبيأذيش ستات... كل الحوار انها تستحمل اليومين الي هتتجوزوا فيهم وخلاص
عاصي: سيبوني اتكلم معاها الاول هي كلمتني وهي بتعيط وحكتلي...
فرحه بتمسكه من ايده قبل ميتحرك: هروح معاك ونقنعها ياعاصي بالله عليك متعترض دي فرصه وجات لحد عندنا
عاصي تنهد: ماشي.. ماشي يافرحه
فرحه ابتسمت بخبث وطلعوا هي وعاصي لسجده.. كانت قاعده علي السرير ضامه رجليها ليها وبتعيط واول مشافت عاصي جريت عليه وحضنته وهي بتشنق: الحقني ياأبية والنبي انا انا مش عايزه اتجوز
عاصي طبطب عليها وهو بيبص لفرحه بأسف: اهدي ياقلب عاصي اهدي.
فرحه شدت سجده بهدوء: بصي ياحبيبت قلب أختك هما يومين بس هتتجوزي فيهم رحيم الجارحي وخلاص
سجده: لا يافرحه انا خايفه منه والنبي لا
عاصي قعد علي الكنبه وسحبها ليه: سجده ياروحي انتي متخافيش.. رحيم مش هيأذيكي، بس لو متجوزكيش هيقتل حسام
سجده عيطت اكتر: بس هو شرير ياأبيه وفي ايده مسدس ممكن يقتلني انا
عاصي دمعته نزلت: لا ياعيوني مش هيقتلك... انتي بس اسمعي الكلام وهو مش هيعملك حاجه
فرحه: سجده ياحبيبتي يعني يرضيكي حسام الي مربيكي يموت كدا وانتي تقدري تنقذيه وتتجوزي رحيم يومين بس
سجده ببرائه: يعني انا لو اتجوزته مش هيقتل ابيه حسام
فرحه: ايوة ياحبيبتي... وبعدين انتي تتطلقي منه وخلاص كل واحد يروح لحاله
سجده: طيب تعالي معايا اليومين دول عشان انا خايفه منه اوي
عاصي: مينفعش ياسجده هنبقي نيجي بعد اليومين عشان ناخدك
سجده حضنت عاصي وهي بتعيط وهو كمان حضنها جامد: هستناك تيجي تاخدني ياأبيه
عاصي: حاضر... حاضر ياقلب أبيه
فرحه: أهم حاجه ياسجده ياحبيبتي متبينيش انك مش عايزه الجوازه دي.. عشان ممكن رحيم يضايق ويغير رأيه ويقتل أبيه حسام قدامنا كلنا ومنشفهوش تاني
سجده برعب كل متسمع اسمه: حاضر.. حاضر... حاضر
فرحه: يلا ياروحي قومي خدي شاور وغير هدومك، هو ممكن يجي في اي لحظه
&&&&&&&&&&&&&&&&&&
بعد مرور بعض الوقت وكلهم نجحوا انهم يقنعوا سجده تتجوز رحيم من غير ميبان عليها اي رفض، ورحيم جيه ومعاه جده والمؤذون
دياب دخل قصر عائله النمر راسه مرفوعه ومحدش عارف يكلمه
رجاله النمر واقفين مستغربين هدوئه
دياب بنبره رجوليه: العروسه فين؟!
نزلت فرحه وفي ايديها سجده لابسه فستان بسيط وفي ايديها رجفه، عنيها محمره من كتر العياط، بتحاول تتماسك عشان ميبانش عليها حاجه
رحيم اقترب اليها حتي وقف امامها مباشره ثم يقول وهو ينظر لها: يلا يامولانا عايزين نخلص
المؤذون: العروسه موافقه؟
سجده بصت علي عاصي ثم قالت بصوت واطي ممزوج برجفه: موافقه...
رحيم مهتمش بأي حاجه.. وقع العقد بسرعه وكأنه عقد بيع مش جواز.. وبمجرد م المؤذون خلص، لف ناحيتها ومد ايده ليها وهو يقول: يلاا
سجده بصت لفرحه وهي بتعيط من غير دموع، وفرحه هزت راسها ليها بمعني اعملي الي يقولك عليه، مسكت ايده بخوف
رحيم لرجالته: هاتولي الحلو ده يقصد حسام
عاصي بغضب: اية الغدر ديه.. احنا متفقناش علي كديه
رحيم: اتفقنا مقتلهوووش لكن الكل*ب ده هيفضل تحت يدي لحد مضمن ان اخوي فاق
حساب بغضب: ولا انتتتت ولا عشره ذيك يارحيم يقدروا يعملوا حاجه
رحيم ضحك بسخريه ودياب كمل: مش عيله الجارحي الي تسيب حقها
سجده وهي في ايد رحيم: سيبوه سيبووووو ابيه حسااام يافرحه متخليهومش ياخدوني والنبي انا خايفه متسبنيش ياأبيه عاصي
عاصي: رحيم متلعبش معايا وخليك قد كلمتك
رحيم: وهو انا خلفت في كلمتي؟!... ابن عمك عايش قدامك ولحد دلوقتي مبعتهوش للي خلقه ودا كان كلامي غير كديه حلال اي حاجه اعملها فيه
يعقوب: شيطاااااان بس مش هستغربك تربيه دياب الجارحي لازم يبقي شيطان
دياب: الي خايف من الشيطان ميلعبش معاه وانتو الي بدأتو يبقي لازم تبقوا قدها
رحيام للرجاله: يلااا
فرحه بصريخ: ياجدييييي حساااام ياجدي هيعمل فيه اية
وسجده بصالها وبتعيط.. فرحه مش فارق معاها اختها قد مفارق معاها جوزها
رحيم أخد سجده وهي بتعيط علي عربيته ودياب ركب عربيته وحسام مع الرجاله ومشيوا
بمجرد موصلوا البيت البيت رحيم رمي سجده علي الارض وقال
رحيم: اسمعي بقي كلامي دا مش هكرره تاني... انتي هنا طول النهار جاريه شغلك مع الخدامين وبليل بقي شغلك معايا انا عايز اشوف ست قدامي مش حتت عيلة
دلال جريت عليها: حرام عليك ياولدي زنبها اية دي
رحيم: محددددددش يتدخل.... كل مشوفهاااااا قدامي افتكر أخووووي الي في المستشفي بين الحيا والمووووت
ياترا حيات سجده هتبقي عامله ازااااي... وهتعيش مع رحيم ازاااي🥲
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا