رواية القدر الفصل التاسع 9 بقلم نجلاء عبد الظاهر حصريه في مدونة قصر الروايات
رواية القدر الفصل التاسع 9 بقلم نجلاء عبد الظاهر حصريه في مدونة قصر الروايات
مريم بصدمه : يززززززن
محمد خرجها بسرعه العربيه علشان فقدت الوعي ودخل بسرعه سند يزن علشان الرص*اصه جت فى صدره وسليم كان واقف مصدوم من ال حصل
محمد بغ*ضب : ماشى ياسليم مش هسيبك
اخد يزن فى العربيه وركب العربيه وساقها بأقصى سرعه علشان يوصل المستشفى
عند سليم قعد على الأرض ودموعه نزلت بانهيار وقال : ايه ال أنا عملته ده من أمتي وانا كده قلبي اتعمي لدرجة يخليني أقت*ل وأذى اكتر واحده وقفت جنبي انا عقلى فين انا ايه ال حصلى ده ايه ال حصل
وصلوا المستشفى واخدوا يزن اوضة العمليات ومريم ابتدوا يفوقوها
بعد وقت
مريم بدموع وخوف : يزن كويس طمني عليه
محمد بقلق : لسه الدكتور عنده جوه أن شاء الله خير ادعيله
مريم بدموع : يارب احميه يارب
الدكتور خرج وهما جريوا عليه : خير يادكتور طمنا
الدكتور : الحمد لله الرصاصه كانت سطحيه هو بخير دلوقتي
مريم : طيب اقدر اشوفه
الدكتور : لما يخرج من العمليات هتشوفيه وتطمني عليه كمان
قال كلامه ومشي
محمد طبطب عليها وقال بحنان : الحمد لله ياحبيبتى بخير اهو متعيطيش بقا
كان بيقول كلامه وهو بيعيط بندم وانهيار
مريم مسحت دموعها وقالت : مكنتش هسامح نفسي لو حصله حاجه
محمد بابتسامه : حبتيه !!!
مريم بحزن : أيوه حبيته جدا يزن عوضني عن كل حاجه فى حياتي عمره ماحسسني أي إحساس وحش أو بس اتسبب فى دموعي انا مديونه ليه بعمرى كله
محمد : ربنا يخليكم لبعض ياحبيبتى ويقومه بالسلامه بس يلا هنطلع عند الدكتوره ال فى المستشفى تطمن على البيبي على لما يزن يخرج بالسلامه من العمليات
مريم بتردد : بس
قاطعها محمد وقال : مفيش بس يلا ياحبيبتى
سمعت كلامه وطلعت معاه
سليم دخل البيت وحبيبه شافته وجريت عليه وقالت بخوف : سليم مالك متبهدل كده ليه ايه ال حصل انت كويس
ناهد خرجت من الأوضه على الصوت شهقت بصدمه وقالت : عملوا فيك ايه يابني منك لله يا حبيبه انتي السبب انتى ال قولتلهم على مكان أخوكي اهم بهدلوه
حبيبه بدموع : سليم رد عليا انت كويس
ناهد زقت*ها بعيد وقالت بدموع : ابعدي عنه انتي السبب فى ال هو فيه
سليم قام وقف وقال : مش هي السبب انتي السبب يا أمي
ناهد بصدمه : انا يابني سليم بدموع : أيوه انتي السبب دم*رتي حياتي كلها ربيتي فيا الغ*ضب والعصبيه ضيعت كل حاجه من ايدي بسبب كلامك ليا طول الوقت انا حاسس ان ضيعت حبيبه مغلطتش هي طول عمرها صح واحنا غلط انا بسببك قت*لت النهارده
حبيبه اتصدمت وقربت منه وقالت بدموع ورعشه : قت*لت مين ياسليم
ناهد : يامصيبتي السوده قت*لت ياسليم قت*لت
سليم بسخريه : اه قت*لت يزن جوزها الله أعلم عايش ولا لاء ولو حتي عايش هيعترف عليا انا مبقتش خايف من اي حاجه أنا عايز أخد جزائي
حبيبه مسكت أيده بدموع وقالت : سامحني ياسليم علشان خاطرى انا كنت خايفه عليك سامحني
سليم ضم حبيبه وقال : انتي ال سامحيني يا حبيبه انا ظلمتك كتير وعمرى ماحسستك بحنان ابدا من وقت لما عمر أخوكي سافر وانا معملتش معاكي نص ال كان بيعملوا معاكي سامحيني انتي
حبيبه اترمت فى حضنه وهي بتعيط بشده
ناهد كانت دموعها نازله ومصدومه من ال بيحصل
سليم قرب منها وقال : انا اسف يا امي على طريقتي معاكي بس هي دي الحقيقه سامحينى انتي كمان
ناهد بدموع : اهرب ياسليم اهرب يابني قبل مايقبضوا عليك
سليم بتنهيده : مفيش فايده من الهرب انا غلطت ولازم أتعاقب يزن خرج من العمليات وكان فاق ومريم اطمنت على البيبي وبعدين راحتله ودخلت عنده وجريت عليه
مريم بقلق : انت كويس طمني عليك عامل ايه دلوقتي
يزن بابتسامه : الحمد لله ياحبيبتى متقلقيش أنتي اهم حاجه كويسه والبيبي كويس
مريم : الحمد لله محمد : حمد الله على السلامه يابو نسب
يزن : الله يسلمك يامحمد
محمد : متخافش حقك هيرجع والله ماهسيبه
يزن بهدوء : مش عايزين مشاكل يامحمد ال زي سليم ده عايز يت*عالج مش يتس*جن لأن عنده مرض التملك وده هيوديه فى داه*يه
محمد بصدمه : انت بتهزر ده الظابط جاي كمان نص ساعه علشان ياخد أقوالك اكيد لازم تقول إن هو ال عمل فيك كده خليه يتعاقب
يزن بهدوء : انا هتصرف بس بعيد عن الحكومه
محمد بقلة حيله : ماشى بس مش خايف يأذيك انت ومريم تاني
يزن : معتقدش يعملها تاني زي ما قولتلك هو مريض وعايز يت*عالج انا دكتور وعارف
مريم بصتله بفخر وابتمست
يزن : ياريتني كنت من زمان علشان تبصيلي كده علطول مريم خبطته على كتفه وقالت بغيظ : بعد الشر متقولش كده تاني
يزن أالم : يابت لسه واخد رص*اصه بالراحه
مريم بخضه : وجعتك انا اسفه
يزن بحب : طالما منك يبقا خلاص
مريم اتكسفت ومحمد قال : تيراراراارا اجيبلكم اتنين لمون
يزن بغيظ : بس يارخم
محمد بضحك : حاضر
محمد رجع البيت ولسه هيدخل سمع ملك بتتكلم فى التلفون مع امها وسمع كل حاجه والمؤامرة ال عايزه تعملها فى مريم دخل بصدمه وهي اتخضت ورمت التلفون
ملك بتوتر : م محمد انت جيت امتي انا
محمد حاول يتمالك أعصابه وقال : لمي هدومك علشان هتروحي عند اهلك انتي متلزمنيش
ملك بصدمه ودموع : محمد ايه ال انت بتقوله ده انا
قاطعها محمد بغضب وقال : اخرررسي مش عايز اسمع صوتك عايزه تم*وتي اختي وال فى بط*نها انتي شيطانه هي عملتلك ايه انتي طول عمرك بتك*رهي*ها ليه يا شيخه منك لله
ملك بدموع : علشان واخداك مني طول الوقت ومش عارفه اعمل حاجه محمد بعصبيه : انتي مجنونه دي اختي يعني حته مني انتي متلزمنيش هي كلمه واحده هتلمي هدومك وهت*غورى من هنا انا ماسك نفسى بالعافيه ومش عايز أض*ربك علشان ال فى بط*نك
ملك بدموع : طب انا اسفه علشان خاطرى سامحني مش هعمل كده تاني بس متسبنيش يامحمد انا بحبك انا
قاطعها محمد بعصبيه وقال : قولت يلااااااااا
اترعبت من صوته وكانت بتعيط وعرفت انها دم*رت حياتها بإيديها
بعد مرور يومين
مريم راحت تفتح الباب واتصدمت لما شافت سليم وخافت
مريم بخوف : عايز ايه
سليم بتعب : فين يزن !!!
مريم : عايزه ليه
سليم : متخافيش انا عايزه اشوفه بس
يزن خرج وقال : اتفضل ادخل
مريم دخلت على جوه وهي قلقانه على يزن من سليم
يزن بهدوء : خير
سليم بإح*راج : انا مش عارف أبدأ ازاى بس انا عايزكم تسامحوني انا معرفش انا عملت كده ازاى انا عمرى ماكنت كده عمرى ماتسببت فى أذى حد ابدا انا استغربت اكتر لما انت مبلغتش عني لحد دلوقتي
يزن : بص انا هقولك نصيحه انت لازم تت*عالج ال عندك ده مرض وهيتس*بب فى بعد الناس عنك
وهي*كرهوك أكتر كمان إنما مبلغتش عنك ليه ده علشان مش عايزه مشاكل وكمان مش عايز اضيع مستقبلك بس صدقني لو فكرت تقرب من مريم تاني مش هيكفيني رقبت*ك
سليم : أوعدك مش هقرب من مريم ولا منك تاني وكمان هعمل بنصيحتك وهسافر أتع*الج بره انا صادق فى كلامي والله
يزن : ربنا يوفقك سليم بتوتر : ممكن تخلى مريم تسامحني هي كمان و
قاطعه يزن وقال : ادعي ربنا يسامحك وقرب منه وصدقنى حياتك هتتعدل كلها
سليم بابتسامه : أن شاء الله
بعد مرور شهرين
مريم بفرحه : الولد قمر خالص يايزن شبهك
يزن بضحك : لاء انا مش حلو كده هو شبهك انتي
مريم بتذمر : لاء انت
محمد واقف شايل البيبي بنته وقال بمرح : خلاص ياجماعه شبهي انا
يزن ومريم ضحكوا عليه
محمد بحب : مبارك ياحبيبتى يتربى فى عزكم ياب
مريم بابتسامه : حبيبي الله يبارك فيك هو انت مش ناوي ترجع ملك برضوا و
قاطعها محمد جديه وهو بيلاعب بنته وقال : موضوع مريم اتقفل خلاص انا كده مرتاح بعد لما طلق*تها وكمان هي هتشوف البنت كل فتره بس مقدرش اأمنلها على البنت دي ست مش أمينه
مريم بابتسامه : ربنا يسعدك ياحبيبي
محمد : يارب ياحبيبتى
يزن قالها بحب : مبسوطه يامريم
مريم بسعاده : جدا يايزن انا كده سعادتي اكتملت بيكم انتوا بس انتو عيلتي الصغيره انت ومحمد وانس ونور حبيبة عمتوا حياتي كلها
يزن ضمها وقال بحنان : ربنا يفرح قلبك دايما ياحبيبتى
مريم بابتسامه : يارب
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا