سكريبت مجرد تهديد كامل بقلم زينب مجدي
سكريبت مجرد تهديد كامل بقلم زينب مجدي
دي سابع واحده اخطبها وبعدين تفشكل الخطوبه يا أحمد أنا بقيت حاسس إني فيا حاجه غلط ومش عارف إيه هي.
احمد...ياعم دول ما يستهلوش فكك منهم
دي آخر واحده هتقدملها ولو الموضوع ما تمش أنا هشيل موضوع الجواز من دماغي نهائي
احمد.... إنت هتروح امتي
انهارده بعد المغرب.ادعيلي الموضوع ده يتم على خير علشان خلاص اتعقدت
احمد...يارب
بعد المغرب في منزل شهد
والد شهد....نورتنا ياشهاب يابنتي
.شهاب...دا نورك ياعمي والله
هنادي شهد تقعد معاك رقيه شرعيه وأنا قاعد جمبكم اهه
دخلت شهد وخطفت عين شهاب رغم جمالها الطبيعي البسيط
ظل ينظر لها ما يقارب ال10دقائق بدون كلام حتي انتبه لحاله
شهاب...احم . أنا شهاب رشدي عندي29سنه عندي شركه صغيره
وعندي عمارتين وعندي 3عربيات وعندي ...
شهد.....بمقاطعه ... أنا كل ده ميهمنيش المهم إنت بتصلي الفروض في مواعدها
شهاب بإحراج واضح .. آه طبعاً
شهد حست إنه بيكذب سألته
طيب الفجر بيأذن الساعه كام
شهاب بإحراج أكبر .... مش عارف بصراحه بس بصلي لما اقوم من النوم . المهم إني بصلي
شهد ظلت تنظر له وتفكر كيف ترتب الكلام قبل أن يخرج من فمها
بصراحه بقي يا أستاذ شهاب . أنا مواصفاتي في زوجي المستقبلي إنه يكون إيمانه اقوى مني لما أنا اتساهل في فروضي يقومني
يكون خناقنا بسبب إني مقرأتش الورد بتاعي
أو إني قصرت في النوافل
يقيم بيا الليل ولو يوم كسلت يزعل مني
عايزاه يفكرني بالجنه واننا هنكون سوا مع بعض
عايزاه لو أي حاجة هتقربني من النار لو خطوه يبعدني عنها
فاهمني
أنا أسفه أوي لو كلامي زعلك بس أنا حبيت تكون عارف سبب رفضي
شهاب ....طيب بعد اذنك استأذن أمشي
شهد... اتفضل
خرج شهاب من منزلهم وظل يمشي بدون هدف ترك عربيته أمام منزل والد شهد
واخذ يتمشي في الشوارع هذه أول فتاه ترفضه دائما كانت الفتيات يوافقن عليه من أول مقابله وبعد الخطوبه بفتره يعتذرون له . ..............
في منزل شهد.
والدها....الراجل مشي على طول ليه كده يا شهد
شهد. ...يا بابا دا طلع مش بيصلي الفجر في معاده ومش مهتم بفروضه . فأنا قولتله إني مش موافقه
والد شهد.... طيب مش موضوع الفروض ده كان ممكن تظبطيه معاه وتحاولي تساعديه وتاخدي ثواب إن واحد التزم بسببك
شهد.... طيب أنا ليه أخد واحد كده ما أنا أخد واحد ملتزم من الأول
والدها....يا بنتي اتقدملك فوق العشر عرسان ده اكتر واحد أنا استريحتله وحسيته نضيف من جواه وكان باين علي وشه الزعل وهو ماشي .جاهدي شويه يا شهد حاولي إنك لما تلاقي حاجه مش صح لو بإيدك تغيريها غيريها وخدي ثوابها
شهد... يعني إنت شايف إيه يا بابا إن شهاب ده كويس
لو إنت شايف كده أنا موافقة أنا بثق في نظرة حضرتك جدا
وأثناء حديثهم رن الهاتف
الوالد .... أيوه يا شهاب يابني
....... ...
لأ يا إبني اتفضل البيت بيتك أنا مستنيك ماشي
شهد .... في إيه يا بابا
شهاب بيقول إنه جاي وعايز يتكلم معاكي تاني وأنا من رأيي تعيدي نظر في الموضوع ده
شهد ..ماشي يا بابا
وصل شهاب وجلس مع شهد مرة أخري
.شهاب....بصي أنا خطبت سبع مرات قبل كده وكل مره بعد فترة من الخطوبه ألاقي إللي أنا خطبتها تفشكل بدون أسباب
وكل مره بصراحه كنت بزعل
بس بعد ما قعدت واتكلمت معاك عرفت إن ربنا بعدهم عني لأنه رايد ليا الخير فوقتيني من غفلة عايش فيها بقالي سنين
بخطب وأنا مش عارف هدفي إيه من الجواز
بس بعد ما شوفت أهدافك عرفت إن حساباتي كلها غلط
ممكن توافقي عليا
ممكن تكوني إنتي السبب إللي يقربني من ربنا .
شهد.... موافقه
شهاب... إنتي بتتكلمي بجد
شهد... آه والله
والد شهد..بما إن شهد وافقت يبقي إحنا نعمل كتب كتاب الخميس الجاي
وفترة الخطوبه تكون سنه على ما تاخدو على بعض
وافق شهاب واتفق مع والد شهد على كل شئ
وعاد إلى المنزل سريعاً ليخبر أخاه بهذا الخبر السعيد
فرح له احمد وهنئه
يوم كتب الكتاب
بارك الله لكما وبارك عليكما وجمع بينكما في خير
بعد سماع هذه الجمله تعالت الزغاريد في البيت
وظل يحتفلون طوال الليل ة
مجهول....كتب الكتاب انهارده عايزك تعمل زي كل مره
مجهول 2....انفذ انهارده
مجهول 1.... لأ بكره
في صباح اليوم التالي استيقظت شهد على صوت الهاتف رأت رقم لا تعرفه لم ترد وجعلته صامت ونامت مره اخرى
وعندما استيقظت رأت أكثر من عشرين مكالمه ظنت أنه شهاب فأعطت الهاتف لوالدها وعندما سمع المتصل صوت والدها أغلق الهاتف
مجهول2...رنيت عليها كتير مردتش وبعدين راجل إللي رد
مجهول 1.. ابعتلها رسايل
أمسكت شهد الهاتف عندما سمعت صوت رساله
لو مبعدتيش عن شهاب وطلبتي الطلاق منه هتجيلك جثة ابوكي
فزعت شهد كثيرا من هذا التهديد
ولكنها حاولت أن تبعد الموضوع عن رأسها ظلت تستغفر الله وتصلي على النبي
جاءت لها رساله أخري في الليل
الموضوع لسه منتهاش آخر فرصة ليكي انهارده
قلب شهد كاد يخرج من موضعه وظلت تفكر طوال الليل هل تخبر والدها
أو تخبر شهاب أو
تستسلم للأمر الواقع وتطلب الطلاق .رغم أن قلبها لم يعد ملكها الآن
ظلت طوال الليل تصلي وتضرع إلي الله أن يلهما الصواب ويحفظ والدها وزوجها
استيقظت في اليوم التالي وانتظرت قدوم والدها فلم يأتي حتى الآن من عمله اتصلت عليه ليقول لها شخص م
. صاحب التليفون ده عمل حادثة كبيرة جداً وانتقل على المستشفى
اتتها رساله في نفس الوقت
ابوكي عمل الحادثة ولسه عايش بس لو الموضوع ده منتهاش انهارده هيبقي انهارده آخر يوم في عمره
يتبع..مجرد تهديد
طلقني ياشهاب
نطقت بهذه الجملة شهد وهي تري والدها في حالة سيئة للغاية
شهاب....ليه إيه إللي حصل .
شهد...من غير ليه. كل شيء قسمه ونصيب وياريت تسرع في إجراءات الطلاق
شهاب... إنتي بتهرجي إحنا لسه كاتبين الكتاب امبارح وجايه تقوليلي طلقني انهارده
أنا هراعي إن اعصابك تعبانه علشان والدك وهقفل الموضوع دلوقتي
شهد.... بالله عليك تطلقني انهارده أبويا هيموت
شهاب.. ياشهد فهميني في إيه إنتي مش طبيعيه انهارده
اضطرت شهد أن تحكي كل شئ لشهاب
الذي صدم وبشدة
مين بيك*رهني أوي كده وبيتمنالي الش*ر
شهد.... معرفش بس إنت لازم تطلقني انهارده أبويا هيم*وت
شهاب...اهدي إنتي بقي خالص وأنا هتصرف
شهد....يا شهاب أبويا مليش غيره في الدنيا دي بالله عليك تطلقني
شهاب.... اقسم بالله يا شهد ما حد هيقدر يلمس شعره من أبوك حتي لو فيها موتي أهدي إنتي علشان اعرف أفكر
أجري شهاب عدة اتصالات
وجاءت سياره اسعاف نقلت والد شهد إلي مستشفي خاصه
وقام شهاب بتعيين حراسه خاصه على غرفته
شهد... إنت فاكر كده مش هيقدرو يوصلو ليه
شهاب...دي خاصه بيا أنا بقي أنا هعرف أوصل للشخص إللي بيهددك ده
وعلى فكره إنتي مش هينفع تروحي تباتي لوحدك في خطر عليكي أنتي
هتباتي هنا مع والدك أنا ظبطتلك الدنيا
شهد... طيب أنا محتاجه حاجات من البيت وعايزه اروح اجبها
شهاب.... تمام هروح اوصلك تجيبي إللي إنتي عايزاه
شهد....خليك إنت مع بابا لحد يأ*ذيه
شهاب....يا بنتي مش شايفه الحراسه دي كلها محدش يقدر يقرب نحيته متخافيش
شهد..... أنا مش خايفه أنا مرعوبه
شهاب.....متبقيش جبانه بقي أدخلي اطمني علي والدك
وأنا هنزل أشوف حاجه في الحسابات
دخلت شهد غرفة والدها وبكت كثيرا عندما رأته في هذه الحالة وظلت تدعو الله أن يحفظه لها وأثناء ذلك اتتها رساله أخري
روحتي قولتيله متندميش بقي على إللي هيحصل فيكي إنتي وابوكي
فزعت شهد وجرت خارج الغرفة ورأها شهاب
مالك يا شهد في إيه والدك جراله حاجه
ترددت شهد كثيرا تحكي له أم لا وفي النهاية حسمت أمرها وحكت له
شهاب وقد وصل إلي ذروة غضبه هاتي الرقم إللي بيتبعتلك منه الرسايل
شهد.... أنا خايفه أوي
شهاب... والله ماتخافي أنا هتصرف
اتصل شهاب واتي بطقم حراسه آخر
بصي أنا لازم أمشي علشان اظبط شويه حاجات كده
وإنتي متقلقيش خالص
مفيش دكتور هيخش على والدك غير دكتور مصطفى والممرضه نسرين ودول أنا ضامنهم برقبتي
وأنا عرفت طقم الحراسه إن محدش يدخل غيرهم
وإنتي خدي راحتك في الاوضه ومش عايزك تخافي أنا افديكي برقبتي إنتي ووالدك
شهد.... أنا خايفه عليك برده ياشهاب
متقلقيش عليا خالص أدخلي نامي واستريحي وإن شاء الله أنا هخلص إللي ورايا واجي على طول
خرج شهاب وتوضأت شهد وظلت تصلي وتدعو الله أن يحفظ والدها وزوجها واتتها رساله أخري
جوزك العزيز خبطته عربيه قدام المستشفى
خرجت شهد بسرعه خارج المستشفى لتري زوجها لتتفاجئ بشخص يضع منديل على وجهها وغابت عن الوعي
يتبع...
مجرد تهديد
فاقت شهد وجدت نفسها على كرسي ويديها ورجلها مربوطه بقوه في ذلك الكرسي
شهد.... أنا فين ياللي هنا حد يرد عليا
ظلت شهد تذكر الله وتستغفر وتصلي على النبي
ودعت بدعوة سيدنا يونس وهو في بطن الحوت
لا إله إلا أنت سبحانك إني كنت من الظالمين
دخل عليها الغرفة رجل ضخم في هيئة مرعبه له ويلبس قناع
الرجل.....مش قولتلك تسبيه بالزوق عجبك إللي إنتي فيه إنتي ووالدك ده
شهد..... إنت مين وعايزني اسيب شهاب ليه
الرجل.....متنطقيش الإسم ده قدامي علشان هتندمي
شهد.....طيب أنا عايزة أعرف أنا مخطوفه ليه
الرجل..... علشان مش بتسمعي الكلام
في سبعه قبليكي سمعو الكلام وعايشين حياتهم كويسين دلوقتي بس إنتي غبيه وعنديه
شهد....هو اذاك في إيه عرفني
الرجل.....ميخصكيش ومش عايز أسمع صوتك ومفيش أكل ولا شرب لحد ما اعرف هعمل مع زوجك العزيز ايه
........... .............. ........... ...................
في المستشفى
شهاب..... بعصبية شديدة إنتو إزاي متخلوش بالكم
حضرتك إحنا لقيناها بتجري بعت اتنين وراها بس شافو وهو حد بيسحبها على العربيه حاولو يحصلوه ومعرفوش تاه منهم
أثناء ذلك جاء اتصال لشهاب
مجهول... ..لو عايز مراتك شنطه فيها 5مليون هتقف علي النيل وترمي الشنطه
شهاب..... إنت مين ومراتي فين
مجهول.........هتصل بيك بكره واعرفك الميعاد
شهاب.....الو الو الو
ياابن التييييييييت . ماشي
حضر احمد أخوه في إيه ياشهاب لسه معرفتش حاجه
شهاب.....حد اتصل عليا وقالي هات خمسة مليون ارميهم في النيل وبرن على الرقم اتقفل
احمد..... مين إبن التييييييييت ده هتعمل ايه
شهاب.....مش عارف أنا كلمت حضرة الظابط محمود وجاي في الطريق .بس لسه هقوله على موضوع الفلوس ده
وعايز اكلم شوكت المحامي بتاع الشركة وأعرفه
احمد......هو أبوها فاق ولا لسه
شهاب.....لسه مفاقش ومش عارف لو فاق هعمل ايه
جاءت الممرضة......المريض فاق وطالب يشوف واحده إسمها شهد
شهاب.....هعمل ايه دلوقتي يا احمد هقوله إيه
احمد.....قوله إنها راحت تجيب حاجات من البيت
ولا اقولك قوله إن هي متعرفش لسه وإنت مش عايز تقولها علشان متتخضش عليه
......... ............ ............؟ ..............
عند شهد دخل عليها ذلك الرجل
شوفتي جوزك الا*هبل هيدفع فيكي 5مليون وكمان هيرميهم في النيل .والله أنا لو مكانه مدفعش فيكي 5جنيه ههه ههههه هههههههههههه
شهد.....كل ده علشان الفلوس طيب إنت مش خايف من ربنا
ربنا مش بيسيب حق حد وهياخد حقي وحق أبويا وحق كل حد إنت ظلمته
في اليوم التالي
كان شهاب رن على المحامي ونصحه أن يعطي لهم المال وأن يبعد البوليس عن الموضوع حتي لا تتأذي زوجته
وعمل شهاب بنصيحته ولكن خطرت له فكره عظيمه وجهز لتنفيذها
في المساء رن عليه الرجل وقال له يخرج حالا ويرمي الشنطه
شهاب....وشهد هستلمها إزاي
الرجل..... هترمي الشنطه وتروح المستشفى هتلقيها هناك
فعل شهاب مثلما قال له الرجل وعاد إلى المستشفى
ولكنه لم يجد شهد وانتظر ساعه وأكثر وهو علي آحر من الجمر أتته رساله
تعيش وتاخد غيرها يا شهاب بيه ودي لسه البدايه
شهاب....ياابن التييييييييت
عند شهد......
كان ذلك الرجل يضحك بهستيريه اخافت شهد وكأنه حقق انتصارا عظيماً
الرجل..... هههههههههههه لو شوفتي جوزك دلوقتي وهو قايد نار هتموتي من الضحك
شهد ببكاء..... إنت ليه بتعمل فيه كده وهو عملك إيه لكل ده
الرجل.....ملكيش فيه وياريت مسمعش صوتك علشان محطش لزقه على بوقك .أو أأذيكي بطريقة تانيه
شهد..... استودعتك نفسي وابويا وجوزي يارب
استودعت الله الذي لا تضيع ودائعه اللهم احفظنا سالمين يارب
واصرف عنا كيد الكائدين يارب
يارب احفظ شهاب من شر الراجل ده
الراجل....قولتلك متجبيش إسمه قدامي علشان مقومش اقت*لك
شهد..... ربنا يصرف اذاك عنه
قام الرجل ومعه قماشه قام ببلها ووضعها على فم شهد
يتبع....
مجرد تهديد
وضع منديلا مبللا على فم شهد
وعندما وجدها كادت أن تل*فظ أنفاسها الأخيرة قام بإبعاد المنديل عنها
الرجل.....قولتلك متستفزنيش
وجلس مكانه مرة أخري كأنه لم يفعل شئ
واتاه اتصالاً جعله كاد يم*وت فرحا
الرجل.... إنت بتتكلم بجد المناقصه رسيت علينا
......
.. تمام تمام واغلق الهاتف
الرجل.....تعرفي إن وشك حلو أوي أوي عليا
يعني أنا عرفت أذل عدوي وانت*قم منه .بسببك
تعرفي المناقصة إللي رسيت عليا دي هتنقلني نقله تانيه خالص . وخسرت جوزك كتير جدآ
أنا كده ماشي خطوات سليمه وصح جدا
شغلته بيكي وخليته مش منتبه لشغله ولا للمناقصه لغاية المناقصة ما رسيت عليا
وكمان خسر 5مليون جنيه
آه صحيح شوفتي جوزك الاهبل حاططلي جهاز تتبع في شنطه الفلوس علشان يعرف مكانك
بس دي حركه متفوتش عليا برده
وبسبب الأخبار السعيده دي خدي اشربي بقالك يومين مشربتيش مايه وكمان هجبلك تاكلي
دا علشان وشك حلو عليا بس
......... ......... ........ .
في المستشفى
والد شهد....بنتي فين يا شهاب يا إبني
شهاب.... والله قلبت الدنيا عليها ومش هسكت غير لما اجبها
دخل احمد عليهم بعد السلام استأذن أن يكلم شهاب
احمد......لقيوالعربية إللي الحرس عرفو ارقامها
شهاب....طيب تمام نروح يلا بينا
احمد...... استني المحامي جه اهه
المحامي..... أيوه يا استاذ شهاب مينفعش إنت تروح
شهاب.....يا أستاذ إنت قولتلي متبلغش البول*يس واديهم خدو إللي هما عايزينه وفي الآخر مراتي مرجعتش
المحامي....يا أستاذ شهاب إنت عارف إني قولت كده علشان احتمال يكون تليفونك الشخص ده مراقبه . وإنت بالفعل كنت مبلغ البول*يس
شهاب.... ومحدش عملي حاجه ولا فادني بحاجة
علي العموم هما وصلو لمكان العربية وعرفو إن في حد كان مأجرها من اجانس عربيات وجابو بيانات الشخص ده ودلوقتي بيستجوبوه في القسم
شهاب.... أنا لازم احضر التحقيق
......... .......... ...............
وصل شهاب إلي القسم برفقة احمد أخوه والمحامي
وجلس مع الظابط
وعندما سمع منه مواصفات الرجل الذي أتفق مع صاحب العربية على خط*ف شهد .هب واقفاً
شهاب.....دي مواصفات معتز أكبر عد*و ليا في السوق
ازاي مجاش في دماغي إن واحد وس*خ زيه يقدر يعمل كده
يلو بينا نروحله
احمد... أكيد يعني مش خاط*فها في بيته ياشهاب اهدي علشان نعرف نفكر ممكن يكون خاط*فها فين
الظابط......معاك أرقام تليفوناته
احمد...... أنا معايا
أخذ الظابط أرقام التليفونات وقامو بتحديد مكانه وجهزو قوه للهج*وم عليه
.... ...... . .......... .............
عند شهد
الرجل. شوفتي بقي البول*يس عرف مكانا وجايين على هنا
قومي يلي بينا قبل البول*يس ما ييجي
جاءت القو*ه ومعها احمد وشهاب ولكنهم وجدو الشقه فارغة ولم يجدو فيها أحد
عادت القوه كما جاءت
وعاد احمد وشهاب إلي المشفي ولكن شهاب كان مح*طما تماما فهو يخسر في عمله خساره مستمره
وزوجته مخطو*فه ولا يعرف مكانها
وحماه في المستشفى .وكل ذلك بسببه هو
وهو لا يستطيع فعل شئ
دخل إلي غرفة حماة في المشفي وتفاجئ كثيرا عندما وجد شهد في غرفة والدها
شهاب..... شهد إنتي جيتي هنا إزاي
شهد....وهي تبكي ولا تستطيع الوقوف على قدمها من قلة الطعام . الراجل إللي خط*فني جبني هنا
شهاب...هو مين ده إنتي تعرفيه
شهد.... لأ معرف......
ولم تكمل شهد جملتها ووقعت مغش*ياً عليها من كثرة الإجهاد
جاءت الطبيبة كشفت عليها وقامت بوضع محاليل مغذيه لها
نامت شهد وفي صباح اليوم التالي
دخل احمد علي شهاب الغرفة
احمد......شوفت إللي حصل
شهاب....في إيه
احمد.......أفتح التليفزيون وإنت تعرف
فتح شهاب التلفاز وصدم كثيراً
وجد صوراً له هو وأحمد وهم يقتحمون شقه معتز والمذيعه تقول
اقتحم أمس رجل الأعمال شهاب الشاذلي وأخوه احمد الشاذلي . شقه رجل الأعمال معتز مسعود
وقد صرح معتز أن شهاب يهدده دائما
وعندما فاز معتز بالصفقه أمس حاول شهاب الشاذلي وأخوه اقت*حام شقته ليق*تلوه ولكن لحسن حظه لم يكن بالداخل
أغلق شهاب التلفاز ومازالت معالم الصدمه على وجهه
......... ........ ............
عند معتز كان يتحدث في الهاتف ويضحك عاليا
إيه رأيك في لعب الحرفيين ده
يشوف بقي الخسارة إللي هيخسرها من ورا الموضوع ده
وضحك مرة أخري
يتبع .....
مجرد تهديد.. الأخير
شهاب.....بص بقي يا احمد عايزك إنت تركز في الشغل وتشوف الخساير إللي عمالين نخسرها وأنا بقي افضي لأستاذ معتز
احمد....مش عايزك تودي نفسك في داهيه بسبب واحد زي ده مشيه كله مش نضيف
شهاب....ماهو علشان مشيه مش نضيف هعرف أخلص منه بسرعه
المهم أنا رايح المستشفى لشهد . شهد وأبوها اتأذو كتير بسببي يا أحمد
احمد.....ربنا يصلح حالكم عايزك تتجدعن كده وتحددو ميعاد فرحكم علشان تخلصو من المشاكل دي
شهاب.....لما أبوها بس يقوم بالسلامه وبعدين نتكلم في الفرح . وبعدين أنا خايف لابوها يفسخ الخطوبه بعد إللي حصلهم بسببي . أكيد مش هيآمن على بنته معايا
احمد.....متقولش كده هما هيلاقو واحد بجدعنتك فين ولا في احترامك
شهاب..... علشان إنت بس اخويا بتقول كده على العموم أنا رايح لهم المستشفى . سلام
........... ............. ......... .
في المستشفى
كانت شهد تفتح المصحف وتقرأ منه ودخل عليها شهاب
شهاب....... السلام عليكم ازيك يا شهد وازي صحتك
شهد.....الحمد لله بخير
شهاب . بحزن بادي علي وجهه وينظر إلى الأرض
شهد أنا آسف جدا على كل المشاكل إللي حصلت بسببي .ولو يا بنت الناس بعد إللي حصل عايزه تعيدي نظر في موضوع الجواز . رغم إنك هتكسري قلبي بس أنا مش همانع كفايه عليا إني أحس إنك مبسوطه
شهد..... عارف يا شهاب قبل ما تدخل عليا أنا كنت بقرأ إيه
بسم الله الرحمن الرحيم
ولنبلونكم بشئ من الخوف والجوع ونقص من الأموال والانفس والثمرات وبشر الصابرين
صدق الله العظيم
يعني أنا في ابتلاء وربنا كمان باعتلي البشري لو صبرت
تتخيل كده أصبر ولا اجزع
شهاب..... والله يا شهد لأخليكي أسعد واحدة في الدنيا وهعملك كل إللي نفسك فيه .اصبري بس عليا أخلص من موضوع معتز ده
شهد...... بالله عليك ملكش دعوه بيه دا شكله بيكرهك أوي دا حتي مش بيطيق يسمع أسمك . إنت عملتله ايه علشان يكرهك كده
شهاب..... أنا واحد ماشي بما يرضي الله وأحب المكسب البسيط فتلاقي كل التجار يحبو يتعملو مع شركتنا
وهو واحد بيحب يكسب الطاق عشره فمحدش بيحب يتعامل معاه غير مشيه إللي كله غلط في غلط
المهم متشغليش بالك بيه أنا هروح اطمن علي عمي
الدكتور كتبله على إذن خروج انهارده يلي جهزي نفسك وحاجتك علشان نمشي من هنا
دخل شهاب إلي غرفة والد شهد وباس دماغه
شهاب.... ألف سلامة عليك ياعمي وأنا آسف على إللي حصلك بسببي
والد شهد.....يا إبني دا نصيب متحملش نفسك فوق طاقتها
إحنا مكتوبلنا يحصل معانا كده
شهاب... والله أنا لو لفيت الدنيا كلها ما هلاقي حد في احترامكم .حاسس إن ربنا عوضني بيكم
والد شهد..... أنا اعتبرتك زي إبني من ساعة ما دخلت بيتنا
وأنا شايف إن معدنك كويس
شهد..... بمرح طيب كفايه حب في بعض ويلو علشان جهزت الشنط
خرجو من المستشفى ووصلو إلي منزل والد شهد وعين شهاب طقم حراسه علي منزلهم وأكد على شهد ألا تخرج أبدا من المنزل وعاد شهاب إلي منزله
........ ............. .............
في منزل شهاب
كان يجلس شهاب برفقة رجلين
شهاب.....بصو بقي أنا عايزكم تمشو علي معتز وتصورولي كل إللي بيعمله لحظه بلحظه
أحد الرجلين......طيب إحنا كده هنحتاج ناس معانا والفلوس هتكتر . إحنا كده هنزود كمان اتنين
شهاب....... إحنا متفقين على مليون هخليهم 2مليون المهم محدش يشوفكم وتصورولي أكبر قدر ممكن
الرجل..... تمام إحنا هنمشي وإن شاء الله نعملك شغل نضيف
شهاب... .. أتمني ذلك
بعد مرور أسبوعين كان والد شهد بدأ يتعافى كليا من تعبه وشهد اصبحت نفسيتها أهدي
وشهاب عاد إلى عمله وبدأ يعمل بجد من جديد وبجواره أخوه الذي يسانده دائما
.............. ................. .........
عند معتز
وصل إليه مجموعة من الفيديوهات
أول فيديو وهو مع مجموعة من الرجال وهو يعطيهم اسل*لحه .وهم يعطونه المال
وفيديو آخر وهو يعطي رجال فلوس
وهو يعطيهم ذلك المسحوق الابيض اللعي*ن
وفيديو آخر وهو يعطي رجال مهمه رشوه
رن عليه شهاب بعدما رأي الفيديوهات
شهاب...... إيه رأيك في الفيديوهات دي هتوديك ورا الشمس
معتز...... هو انت اقسم بالله لأندمك إنك فكرت تلعب معايا
شهاب.... أخرس خالص إنت إللي بدأت
شنطه فيها 8مليون وتترمي من نفس المكان إللي أنا رميت فيه ال5مليون
معتز...... أنا خدت منك 5مليون بس
شهاب...... إنت بتتكلم كتير ليه . الشنطه تترمي انهارده في النيل
معتز.... وهتبعتلي الفيديوهات دي
شهاب....... لما تبعت الفلوس الأول وبعدين نتكلم في الخطوه إللي بعد كده
نفذ معتز ما طلبه شهاب وجلس ينتظر أن يحدثه شهاب لكنه لم يفعل
فرن عليه هو
معتز.......هتبعتلي الفيديوهات أمتي
شهاب......يا وس*خ .حاططلي بو*دره في الشنطه
فاكرني من هفتش الشنطه كويس
علي العموم في مفاجأة عندك دلوقتي تكون وصلت
وصلت الشرطة وقامت بالقبض على معتز فقد أرسل شهاب الفيديوهات لهم
.............................................
عند شهاب
يا جماعه إحنا اتفقنا علي 2مليون بس بعد الشغل الجامد إللي إنتو عملتوه هتاخدو 3مليون وأنا هاخد ال5مليون بتوعي
الرجل..... إحنا تحت امرك يا شهاب باشا في أي شغل تحتاجه إحنا يشرفنا نشتغل معاك
شهاب..... متحرمش منكم يارجاله
............ .... . ......
تم الحكم على معتز بمؤبد ومازال لم يحكم عليه في قضايا أخري
وتم القبض علي الرجال الذين كانو معه في الفيديوهات
وتم تحديد موعد زفاف شهاب وشهد
وهو فرح إسلامي منفصل
يوم الفرح
طلت شهد بالفستان الابيض الجميل الذي جعلها بارعه الجمال وخطفت قلب شهاب الذي أصر ألا تنزل قبل أن يشتري لها نقابا
شهد ....طيب هلبس النقاب من بكره
شهاب..... أبدا محدش يشوف الجمال ده غيري بس
شهد.....الناس مستنيانا
شهاب...... عادي يستنو كمان شويه
شهد.... الفرح منفصل يا شهاب
شهاب...... حتي لو منفصل مش هتنزلي غير وإنتي لابساه
وعند إصرار شهاب وافقت شهد وارسلو أحدا يشتري لها نقابا
كانت شهد سعيده للغايه وهي تري الغيره في عيون زوجها
واعتبرتها بدايه مبشرة لها
اتو بالنقاب ولبسته شهد وكانت حقا ملكه
والد شهد...وهو يسلمه شهد
يا إبني إنت واخد حته من قلبي
أنا مش عارف اوصفلك إحساسي إيه دلوقتي وأنا بسلمك بنتي وتجمعت الدموع في عينيه
شهد دي أغلي حاجه في حياتي حطها في عنيك وحافظ عليها . اوعى في يوم تنيمها زعلانه
خلي بالك منها يا إبني
وباس والدها على دماغ شهد وسلمها لشهاب وبكي فرحا لها وحزنا على فراق أبنته في نفس الوقت
وكان فرحا منفصلاً جميلا بدأو حياتهم برضا ربهم
حتي يتم الله عليهم نعمته ويرضى عليهم
انتهت
بقلم...... زينب مجدي فهمي
إيه رأيكم فيها
رأيكم يهمني جدا يا بنات
تعليقات
إرسال تعليق
فضلا اترك تعليق من هنا