رواية جمعتهم الأقدار الفصل السادس 6 بقلم فريدة احمد (حصريه في مدونة قصر الروايات)

رواية جمعتهم الأقدار الفصل السادس 6 بقلم فريدة احمد (حصريه في مدونة قصر الروايات)

رواية جمعتهم الأقدار الفصل السادس 6 بقلم فريدة احمد (حصريه في مدونة قصر الروايات)

مرر صباعه علي شفا، يفها برغبة وقال وهو بيحاول يتحكم في نفسه... انا بمسك نفسي عنك بالعافية يامرام

هزت كتفها وقالت بغمزة .. عجل انت بس بمعاد الفرح 

وهي بتمد ايدها تعبث في فتحة قميصه وبقت تمرر اصابعها بإغواء 

و بتكمل بطريقة مثيرة وتقول... ووقتها. هكون. ملكك 

بص علي ايدها وقال... يابت.. انا مش قد دلعك ده...ماسك  نفسي عنك بالعافية.. لو اتهورت عليكي هخليكي بعد نص ساعة حامل في اتنين.. 

شالت ايدها بسرعة وقالت بضحك...خلاص. انا بعيدة خالص اهو... مش هتحرش بيك تاني..

بقي يبص علي جسمها بوقاحة وقال وهو بيتوعدلها....هتكوني بين ايديا قريب.وساعتها مش هرحمك

ضحكت اوي وقالت... وقح اووي

في اللحظة دي رن تليفونها اللي اول ما زين بص علي شاشته واخد بالو من المتصل. بصلها بشك وقال.... بيكلمك ليه

ارتبكت جدا و بلعت ريقها برعب و 

انتفضت من صوته لما قال بغضب.... رددي. انتي لسه علي تواصل مع العيال السيس دول 

بلعت ريقها وقالت بسرعة.... لا اقسم بالله.. والله مابقتش اكلم حد فيهم.. ومش برد علي حد فيهم 

: امال بيكلمك ليه؟ 

قالها وهو بيحاول يتحكم في اعصابه لترد بسرعة وتقول ... مش عارفة.. بس والله انا مش برد وقاطعة معاهم كلهم.

من يوم ما وعدتك اني هبطل اسهر وانا ما بقتش اعرفهم. حتي صحابي البنات قطعت معاهم هما كمان.. صدقني يازين انا مش.. 

قاطعها وقال بنبرة خطيرة ... انا مش هقبل مراتي ان اي شاب يتكلم معاها.حتي لو علي سبيل القرابة او المعرفة . دا مرفوض بالنسبالي مش في قاموسي 

قالت بسرعة.... انا فعلا ما بقتش اعرفهم... صدقني يازين 

انا مبقتش اتكلم مع اي حد ولا بقيت اخرج ولا اسهر.. حتي لبسي. غيرت استايلي علشانك.. بطلت البس عر، يان او اي لبس انت رافض اني البسه.. بطلت اعمل اي حاجة تضايقك..

مسكت ايده وقالت... زين انا اتغيرت علشانك.. ووافقت اغير نظام حياتي كله علشان ارضيك. علشان بحبك يازين. بعشقك.. انا بنفذ اوامرك بدون تفكير.. بنفذها كمان باقتناع ورضا. ودا دليل ان حبي ليك فاق كل شئ.. انت متعرفش انت عملت فيا ايه. زين انا بحبك بجنون وعندي استعداد اعمل اي حاجة عشانك.. ابيع الدنيا كلها واتنازل عن اي حاجة. بس انت تبقي معايا

كان ساكت.. كان في حيرة بين حبه ليها وبين ماضيها اللي مش قادر يتقبله واللي يعتبر جرم في عرفه مفيهوش غفران

كانت بتبصله بقلق وترقب من صمته، فقالت ... زين انت مش بترد ليه..  انت مش واثق فيا... زين رد عليا 

رد عليا ارجوك 

بصلها وقال بهدوء.... انا بحبك يامرام.. لا وبحبك اوي كمان 

ابتسمت بفرحة واطمئنان لكن تلاشت ابتسامتها لما كمل... بس ماضيكي قدامي.. مش قادر اتقبله

بصتله بحزن شديد وقهر 

وبدون ولا كملة نزلت من العربية 

وهو مسح علي وشه بضيق واتنهد بخنقة 

.......... 

مساءا 

عاصي رجع من برا، طلع علي اوضته بهدوء لكن قبل ما يدخل وقف قدام اوضة حلا يتطمن عليها، لكنه رجع تاني واتنهد ودخل اوضته 

......

صباحا

كانت قاعده سميحة والدة زين وهي بترتشف الشاي بتاعها ببرود وقدامها بنت اختها اللي كانت بتاكل في نفسها وتقول بجنون.. يعني ايه يا خالتي.. يعني هيخطبها بجد.. وفين وعدك اللي وعدتهولي وان زين هيتجوزني انا.. اهو رايح يخطب غيري وانتي بنفسك رايحة معاه 

اتنهدت سميحة بملل وحطت الشاي علي الترابيزة وبصتلها وقالت بعصبية.... ماتخرسي بقا يابت المخبولة انتي.. بقالك ساعتين عمالة تهري وتاكلي في نفسك.. اهدي شويه 

كملت وقالت بهدوء مصطنع... انا في ايدي ايه .. هو مصمم عليها. وبعدين هو مش عيل صغير هفرض رأيي عليه 

بصتلها سهي وقالت بوهن... يعني ايه. خلاص.. بقي امر واقع.. يعني خلاص هيتجوز البت الملزقة بتاعت البندر 

اتنهدت سميحة وقالت... مش هقدر امنعه 

لكن كملت بخبث وقالت بشر.... بس اقدر ابوظ الجوازة من غير ما ابني يشك فيا 

ابتسمت سهي بفرحة وسألتها بفضول... بجد.. ازاي يا خالتي 

قاطعهم نزول حلا من علي السلم اللي قالت بهدوء.. صباح الخير 

بدون ماتقف وخرجت للجنينة 

لوت سها فمها وهي بتبص عليها بضيق وقالت... مالها دي كمان متنكة علينا ليه.. انا عارفة عاصي هو كمان لقاها في انهي بلوة.. كنا ناقصينها مش كفاية ابنك، 

رجعت بصت لخالتها وقالت بحماس... المهم ناوية تعملي ايه يا خالتي 

....

في مكتب زين 

كان قاعد في مكتبه مرجع ظهره علي الكرسي ومغمض عينه وهو بيفكر فيها،، بيحبها،، بيعشقها،، الوحيدة اللي خطفت قلبه ، بس مش قادر يتقبل الماضي بتاعها.. حياتها المتحررة اللي قبل ماتعرفه، حتي وهو متاكد انها شريفة ومغلتطش وده بحكم شخصيتها.. ف مرام برغم حياتها المتحررة بس واضح من شخصيتها انها محافظة علي نفسها وده اللي واضح جدا لاي حد مش ل زين بس ، لكن في الحقيقة؟؟؟!!!!! 

قام  سحب سجايره واتحرك ناحية الشباك، وقف قصاده وهو بيولع سيجارة، بقي ينفث دخانها بشرود وهو بيحاول يقنع نفسه انها اتغيرت بجد وانه لازم ينسي ماضيها، بقي يقنع نفسه بإنها بنت كويسة وان حياتها دي بسبب تربيتها اللي مكانش فيها قيود وبسبب حياتها الاجتماعية و البيئة اللي نشأت فيها.

مسح علي وشه وهو بيتنهد بحيرة،، اتحرك ناحية المكتب طفي السيجارة في الطفاية وهو بينادي علي العسكري 

اللي دخل فورا وقال بعد ادي التحية ... اؤمر يا زين باشا 

بصله وقال.... في واحد اسمه ايهاب الخطيب.. في ظرف ساعة تجيبه قدامي هنا 

: تمام يازين باشا 

قالها بعد ما ادي التحية مرة تانية وخرج

.... 

في بيت عم حلا 

كان وائل الغضب مسيطر عليه وهو بيقول.... وحياااة امي لاجيبها وما هرحمها 

ليقول والده بتعجب من حاله... ما تسيبها تغور في داهية. انت مش خلاص الفلوس وكل حاجة بقت في ايدك. بعد ما مضيتها علي التنازل.. يبقي خلاص تغور متلزمناش.. 

لتقول والدته هي الاخري بضيق... انا كمان بقول كده.. مش عارفة ماسك فيها علي ايه..هو اللي خلقها مخلقش غيرها. دانا اجوزك ست ستها من بكرة. بس انت طلعها من دماغك 

واهو زي ما ابوك قال.... فلوس ابوها كلها بقت بتاعتك

وائل بإصرار...انا مش هتنازل عنها 

كمل بضيق وقال...وبعدين فلوس ايه.. الفلوس دي كارت بضغط عليها بيه. لكن انا بحبها 

ليكمل بإصرار ويقول بغضب ... ومش هسيبها لحد غيري 

وبشر.. ولو اتضطريت هاقتلـ، ها. بس متبقاش لغيري

... 

عند زين 

كان قاعد رافع رجليه فوق المكتب وهو بيتأمل 

ايهاب ببرود وسخرية 

ليقول ايهاب... ممكن اعرف سيادة الباشا عاوزني في ايه 

اظن انا مش متهم عشان تبعت العسكري بتاعك يجبني بالطريقة دي

قام زين من علي كرسي المكتب وقرب عليه 

ليكمل ايهاب ويقول بغضب.... انت عارف انا ابن مين كويس. يعني مش انا اللي اتجاب بالطريقة دي حتي لو متهم

كان زين واقف قباله. تجاهل كلامه وقال بتجبر... انا هقولك كلمتين هتسمعهم كويس.. عشان اقسم بالله ماعرف انك حاولت تكلم مرام تاني بأي شكل..صدقني هخفيك من علي وش الارض.. مرام تبعد عنها فاهم ياروح امك. لو شوفتها ماشية في مكان تلف وتمشي الناحية التانية.. عينك ماتترفعش فيها 

مش هعيد كلامي تاني.. حصل وخالفت.. هنفذ تهديدي وانت عارف اني في لحظة امحيك 

...... 

بعد يومين 

في داخل احدي الڤلل الراقية ب المقطم 

كانت مرام في اوضتها حزينة،، لتدخل اختها فجأة وتقول بتعجب... مرااام، انتي قاعدة وزين واهله تحت؟!! 

لتمسح مرام دموعها بدهشة وتقول... اييه.

قامت قربت عليها بسرعة... انتي بتتكلمي بجد 

لتقول اختها.... وهكذب عليكي ليه يابنتي.. 

كملت باستغراب وقالت... وبعدين انتي ليه متفاجاة ومش مصدقة.. هو مش النهاردة الخميس ودا المعاد اللي كان متفق عليه مع بابا.. جالك زهايمر ولا ايه.. ولا حبك للباشا اثر علي ذاكرتك.. بس مش لدرجة تنسي المعاد اللي جاي يتقدملك فيه 

ابتسمت مرام بسعادة لما اتاكدت ان حب زين ليها اكبر من ان اي حاجة عن ماضيها تأثر فيه، لكن فجأة ملامحها اتحولت لشر وهي بتتوعدلو وقررت ترد حقها منه حتي لو بتعشقه

بصت لاختها وقالت.... شكلي حلو 

سالي.. قمر 

لكن كملت بتعجب... بس هو انتي هتنزلي كده؟؟!! 

مرام وهي بتظبط شعرها قدام المرايا، قالت... اه 

وبدون ما تدي اختها فرصة تتكلم فتحت الباب ونزلت وهي مش ناوية علي خير ابدا

قربت عليهم كانو متجمعين باباها ومامتها وزين واهله 

والدها اول ما شافها قال... تعالي ياحبيبتي.. انتي اكيد عارفه. زين واهله جايين ليه 

لترد مرام وتقول بجمود... امم. عارفة

وبصت ل زين بتحدي وقالت... بس انا مش موافقة.. طلبك مرفوض يا زين باشا

..... 

في اوضة حلا كانت بتتحرك في الاوضة بممل لحد ما اتفاجأت باللي جي من وراها وكتم بوقها 

فتحت عيونها بصدمة علي اخرهم لما قال.... كنتي فاكرة هسيبك.

وده طبعا بيكون وائل اللي بمجرد ما سمعت صوته ايقنت انها خلاص اجلها قد حان

بقت تحاول تخلص نفسها منه بس هو كان كاتم فمها ومقيدها

وطلع بخاخة ونثر علي وشها منها وبعد لخظات كانت فقدت الوعي بين ايديه.. شالها و

....... 

في بيت اهل مرام 

والدها ووالدتها بصو ل بعض بإحراج ووالدتها قالت.. ايه اللي بتقوليه ده يا مرام 

لترد بجمود وتقول مرة تانية... مش موافقة.. اسفين يازين باشا. معندناش بنات للجواز

يتبع....... 

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا