رواية الطفلة والوحش الفصل الخامس 5 بقلم نورا السنباطى حصريه في مدونة قصر الروايات
رواية الطفلة والوحش الفصل الخامس 5 بقلم نورا السنباطى حصريه في مدونة قصر الروايات
# رواية الطفلة والوحش
الفصل الخامس❤
بارت طويل اهو معلش معييش نت والله
بعد مده وقفت سيارة يزن قدام الشركة ونزل الحراس حاوطوه من كل مكان وفتحو الباب ليهم يزن نزل بكبرياء المعهود بس استغرب عشان آرين منزلتش انحني قليلا وبص في العربيه وقالها
انزلي يا ارين ..!
آرين بخوف ـ يزن انا خايفه
ابتسم يزن بحنان ومشي راح الناحيه التانيه ومد ايده ليها وقال بحنان
هاتي ايدك ومتخافيش طول منا معاكي
اترددت لحظات لكن وثقت به بالاخر ومسكت ايده وشدت عليها بخوف شدها بهدوء ونزلها من العربيه ووقفها جنبه وقعد يتكلم معاها ويطمنها وهيا نست خوفها اول مشافت الشركة
بحماس ـوااااو دي كبيره اوي
ابتسم بهدوء وشد علي ايدها ومشي وهيا جنبه متجهين للداخل
...........
بسرعه بسرعة كل واحد علي مكانه الوحش جه
حصل هرج ومرج في المكان كل واحد راح مكانه وكلهم عيونهم علي الكمبيوتر وفجآة كلهم رفعو راسهم مره واحده بصدمة
مين دي ..؟
وازاي ماشيه جنب الوحش كده ..؟
لا وماسكه ايده كمان ..؟
آرين بصراخ وحماس كبير ـ واااو يزن بص كده كانت بتشاور علي التحفة الفنيه الكبيره اللي موجوده علي الحيطة
آرين بسعادة ـ تعرف انا بحب الرسم جدا وشاطره فيه
يزن وكان هو ناسي هو فين ابتسم بهدوء وقال
ده بجد ..؟
آرين بكبرياء مصطنع وهيا بترفع كتفها
طبعا يبني
كلهم بصوت واحد بصدمة
يبني ..؟
اتخضت آرين من صوتهم المفاجئ واستخبت ورا يزن بسرعة
نظر لهم يزن بغضب كبير لاخافتها وقال بصوت جهوري غاضب
كل حيو*ان يركز في شغلة
كلهم ركزو في شغلهم بسرعة ويزن مسك ايدها وراح بيها ناحيه الاسانسير الخاص بيه فقط
الكل تحت كان في حاله صدمة كبيره
واحدة بغيره ـ مين البنت اللي معاه دي
صحبتها التانيه ـ يمكن اختة ..؟
قال زميلهم التالت ـ لا انا عارف اخواته كلهم انا اول مره اشوف البنت دي معاه لا وماسكه ايدة وبتتكلم معاه ب أريحيه خالص وبعدين قال بصدمة اكتر ده كمان كان مبتسم
واصبحت آرين حديث الشركة بأكملها والكل عنده فضول عايز يعرف مين البنت اللي الوحش بيعاملها بحنيه كده
********
في مكان تاني
ب إستغراب ـ انت بتتكلم عن الوحش ..؟
مساعدة ـ يا فندم والله هو الوحش انا شوفته بعيني كان بضحك مع بنت قدام الشركة وماسك ايدها كمان ودخل بيها والبنت اللي معاه دي محدش يعرفها خالص وبقت حديث الشركة كلها
بشرود ـ يمكن حد من اخواته
بسخرية ـ هه علي اساس انت متعرفش الوحش بيتعامل ببرود مع الكل حتي عيلته بس البنت دي الكل مصدوم من تعامله معاها
بخبث ـ اممم اسكان كده لا احنا لازم نتعرف علي البنت دي ونشوف فيها اي مميز خلي الوحش يعاملها بالطريقه دي
بتوتر ـ انت ناوي علي اي
بمكر ـ جهز العربيات هنروح شركة يزن الصياد ونشوف فيه اي
بخوف ـ بس
ـ سمعت ..؟
اتنهد بيأس وقال ـ امرك يا فندم وطلع
ـ خلينا نشوف مين دي يا يزن يا صياد ههههه ده شكله اللعب هيحلو اووي
٠٠٠٠٠٠
في قصر يزن الصياد
الكل كان متجمع في الصاله
نادين بفرحة ـ آرين دي حلوه اوي شوفتو يزن كان بيعاملها ازاي
فهد بمرح ـ والله احنا داخلين علي أيام عنب
رؤوف بضحك ـ بس يا ولاد ونظر ناحيه أيمن اللي ساكت بس مبتسم
رؤوف ب ابتسامة ـ بتفكر في اللي انا بفكر فيه
أيمن بتنهيدة ـ هتتعب معاه اوي يزن متملك وعصبي بس انا انهارده مشوفتش يزن الصياد شوفت يزن .. يزن وبس
رعد بإبتسامة ـ هي دي اللي هتوقع الوحش
مرفت ب إبتسامة ـ انا كنت مصدومة اوي كانت بتتكلم علي السفرة كتير واكتر حاجه بيكرهها يزن هو الكلام وقت الاكل بس .. وسكتت شويه وقال دي كان بيقولها كملي انا سامعك
لؤي ب إبتسامة ـ جات اللي تغير الوحش .. ومعاه هتغير حاجات كتير .. كتيره اوي
الكل ابتسم
............
عند آرين والوحش بتاعنا
وصلو للدور الخمسين
كانو متجهين نحو المكتب الخاص بيزن لكن وقف لما سمع صوت المساعد بتاعه
يزن بية
نظر له ببرود وقال فيه اي يا مجدي ..؟
مجدي بحرج ـ احم ..كنت عاوز حضرتك في حاجه
اوما يزن بتفهم ونظر لارين اللي كانت بتبص حواليها ب اعجاب واضح جدا ابتسم عليها وقال
عجبتك ..؟
نظرت له آرين ببراءة وقالت
اه اوي والديكور حلو اوي كمان
غمغم بهدوء وقال طيب روحي المكتب بتاعي هناك اهو وشاور عليه وقال
استنيني هناك وانا دقيقتين وجاي
آرين بتذمر وطفوله
اي ده انا هقعد هناك لوحدي لحد متيجي طب هات تلفونك طيب
يزن ب استغراب وهو بيطلع تلفونة من جيب البنطلون
تلفوني عايزاه ليه ..؟
تاففت آرين بضجر وهيا بتاخد التلفون منه وبتمشي وقالت بصوت عالي
عشان الدقيقتين عندك ب ساعتين يا أستاذ
ومشت
كان يزن ينظر لها بصدمة فلم يجرا احد علي الكلام معه بتلك الطريقة من قبل ولكن ابتسم
ونظر لمجدي وقد عاد لبرودة وقال
في اي يا مجدي خير
مجدي بخوف وحرج ـ كنت ..احم انا
يزن بهدوء ـ اتكلم يا مجدي فيه اي
مجدي بحرج ـ كنت عاوز اخد جزء من مرتبي عشان والدتي محتاجه عملية وانا معييش فلوس
اومأ يزن بهدوء وقال ـ الف سلامة عليها استني هكلم مؤمن ولكن افتكر انو تلفونة مع آرين وقال تلفوني مع آ.. وسكت بغيرة هو مش عاوز حد يعرف اسمها وقال تلفوني مع الهانم الصغيره هات تلفونك
اداله مجدي تلفونه ويزن اتصل علي مؤمن وقبل ميرن ساله وقال
عملية والدتك بكام يا مجدي
مجدي بتوتر ـ 5000
اومأ بهدوء وقال
الو
.......
مجدي هيجيلك دلوقتي اديله 7000 جنية
.....
تمام وقفل التلفون واداه ل مجدي تاني وقال بهدوء
عندك اجازه مفتوحه وابقي طمني علي والدتك واه المرتب بتاعك زي مهو يلا روح
مجدي بدموع ـ شكرا شكرا يا يزن بيه ربنا يفرح قلبك يارب ومتشوفش حزن في حياتك ويوعدك ببنت الحلال اللي تغير حياتك كلها
ابتسم يزن بهدوء ومشي ومجدي مشي بفرح وهو بيدعيله من قلبه
عند ارين في نفس الوقت
كانت داخله المكتب وهي بتبص في التلفون بتاع يزن
وقفت لما سمعت صوت بنت
البنت بعجرفة وقرف وهيا بتبص ليها من فوق لتحت
عندك انتي راحه فين يا شاطرة
آرين ببراءة وهيا بتشاور علي المكتب
داخله جوه لحد م يزن يجي
البنت بغضب
اولا اسمة بشمهندس يزن هو مش بيلعب معاكي في الشارع ثانيا انتي عندك ميعاد
نفت آرين براسها وقالت لا
اتفضلي اطلعي بره هيا وكاله من غير بواب اي الاشكال المقرفه علي الصبح دي
رفعت آرين حاجبها ب إستغراب وقالت
انتي عندك خال اهبل ..؟
السكرتيره بصدمة
نعم
آرين ببرود
انا ب إشارة واحده مني ممكن اطلعك بره الشركة اللي انتي فرحانه انك شغاله فيها دي وفي بدالك عشرة علي فكره الدنيا مش هتقف عليكي وبعد كده احترمي نفسك وانتي بتتكلمي مع الناس ويزن عارف كويس اني داخله المكتب بتاعه واظن انا مش محتاجه اذن من سلعوة زيك عشان اخش مكتب يزن وخليكي في شغلك وكانت هتخش بس رجعت تاني وقالت ب استفزاز
علي فكره انتي نسيتي تلبسي هدومك يا قطة وسابتها واقفه في صدمتها ودخلت وقفلت الباب وراها بقوة
آرين اول مدخلت انفجرت في العياط ورمت التلفون علي الكنبه الكبيره وراحت قعدت في ركن وضمت رجليها ليها وعيطت بحرقه كبيره
برة
جه يزن ووقف قدام السكرتيره وقال بجمود
بعد عشر دقايق تجبيلي قهوتي وكاس عصير توت وهاتيلي ملف شركة القاضي
اومات السكرتيره بتوتر
دخل يزن ودور بعينه علي طفلته كما اسماها ولكن صعق عندنا سمع صوت بكاؤها
يزن بخوف عليها ـ آرين انتي فين ..؟
جاء صوت من ركن بعيد
انا هنا يا يزن
ذهب بسرعه بإتجاهها وقال بقلق
انتي بتعيطي ليه ..؟
متكلمتش
فضلت تعيط بس
مسك ايدها بحنو وقال
مالك بس يا حبيبتي في حاجه وجعاكي
نفت براسها وهيا لسا دافنه وشها في ايديها وبتعيط
اتنهد بحزن علي بكاءها وشالها بهدوء وقعد علي الكنبه وقعدها علي رجله
قوليلي مالك عشان اعرف اتصرف
رفعت آرين رأسها وقالت ببكاء
انا غلطت غلط كبير
يزن بحنو انتي تعملي اللي انتي عاوزاه وانا هصلح وراكي بس قوليلي عملتي اي
مسحت آرين دموعها بكف ايدها وحكت ليه كل اللي حصل وهيا غافلة عن عيونه اللي احمرت من الغضب
آرين ببكاء انا غلطت مكنش ينفع اكلمها ب الطريقه دي بس والله هيا اللي غلطت فيا الاول وقالت عليا اشكال مقرفة وزعقت فيا
ضمها إلي قلبه بحنو وقالت ـ انتي مغلطيش يا آرين هيا اللي بنت و..وسكت عشان مش عاوز يشتم قدامها وقال المهم متعيطيش انتي مغلطيش في حاجه هيا اللي غلطت ولازم تتعاقب قال اخر جملة بغضب
لاحظت أرين انها قاعدة في حضنه حاولت تقوم ب إحراج
يزن بخبث ـ راحه فين محنا كنا حلوين دلوقتي
عضت علي شفايفها بحرج وقامت بسرعه وراحت قعدت علي الكنبه وعملت نفسها بتتفرج علي الديكور
ضحك عليها وعلي طفوليتها وقام خليكي قاعده هنا شويه وجاي اومات ب إحراج كبير
كانت السكرتيرة قاعده وهيا هتموت من الغيظ بسبب آرين
وقف قدامها يزن وهو وشه ميبشرش بالخير ابدا
انتفضت بخوف وقالت ـ ي ..يزن بيه .انا
سكتت بفزع لما يزن قبض علي رقبتها يخنقها بقوة وقال
اول واخر مره فااهمه اول واخر مره دي خط احمر
اومات بخوف
سابها وخبط علي وجنتها وقال انا عديت المرة دي المرة الجايه متلومنيش علي اللي هيحصل فاهمه
وقال اخر جمله بتحزير شديد
سابها ودخل ل أرين من تاني
دخل كانت أرين قعدت مربعه علي الكنبه وماسكه تلفون يزن بتلعب فيه وهيا مش واخده بالها من يزن اللي كان بيبصلها بإبتسامة
سابها وراح قعد علي الكرسي الخاص فيه ووفتح الابتوب بتاعه والقي نظره علي ارين قبل ان ينكب علي عملة
بعد عشر دقائق
دخلت السكرتيره وهيا بتعدل من هياتها نظرت لها أرين بغيظ كبير فيا تتعمد ان تظهر جسدها امام يزن نظرت إلي يزن بغضب فرأته يعمل وغير مهتم بوجود تلك الحرباء
السكرتيره بدلع ـ القهوة بتاعت حضرتك يا يزن بيه
قامت آرين بغضب وقالت بصوت عالي ـ يلعن
نظرو لها ب استغراب
وقال يزن
مالك يا آرين ..؟
نظرت آرين إلي السكرتيره بغيظ وقالت
مفيش حاجه انت طلبت قهوة ..؟
يزن ب إستغراب
أيوة فيه اي
نظرت له أرين وقالت
القهوة غلط عليك علي الصبح كده اشرب حاجه تانيه غيرها
يزن ب إبتسامة وقد راي نظرات الغيظ في عيونها
اشرب اي يعني ..؟
نظرت أرين إلي عصير التوت وذهبت ب اتجاه السكرتيرة وخدت عصير التوت وقالت
بعد كده متجيش الشركة بشكلك ده انتي في شركة محترمة مش راحه كباريه فاهمه
كانت ان ترد عليها بعصبيه لكن لمحت يزن يقف خلفها وينظر لها بتحدي ان تعترض علي كلامها
اومات وقالت
حاضر يا ..هانم
آرين وهيا ماشيه في اتجاه يزن وقالت بضيق
شاطره اتفضلي روحي يلا
مشت بغيظ من قدامها
ويزن قعد مكانه ينظر لها ب استمتاع
آرين بتوتر من نظراته
اي مالك بتبصلي كده ليه
مردش عليها اكتفي فقط بهز كتفيه
تأففت وقالت اووف طب امسك خود اشرب ده
قال بحنو
لا اشربيه انتي انا مش بحب العصاير
أرين ببراءة
بس ده غلط عليك يا يزن
غمض عينه بنافذ صبر هو مش عارف اللي بيحصل ليه لما بتقول اسمه او تتكلم ببراءه حاسس انو عاوز يخبيها عن عيون الكل
كشرت حاجبيها ونظرت إلي المكتب حطت كوب العصير وزاحت اللي علي المكتب كله علي جنب وسندت وطلعت قعدت قدامه علي المكتب وهيا مربعه رجليها وبقوله
هاا يا سيدي قولي بقا مالك
نظر لها يزن ب إستغراب
مالي
شاورت عليه وقالت الجو اللي انت عايش فيه ده انت فيك حاجات كتيره وموجوع وبتتالم كل يوم بس بتخبي ده كله ورا قناع الجمود اللي انت لابسه
رفع حاحبه وقال بإبتسامة
حلو الكلام ده
آرين بضحك
عيب عليك دا انا آرين احكيلي بقا
يزن بضحك
مفيش حاجه يبت
آرين وهيا بتحط عينها في عينه وتقول
والله طب بص في عيني كده
تاه يزن في عيونها وقال
انتي طلعتيلي منين بس
ابتسمت ومتكلمتش
قطع السكوت ده فتح باب المكتب بقوة ويطل منه صديقه
ـ ياااا بشر ..ياااا يز..يالهووي
مين دي ياض ..؟
تنهد يزن بياس
انت يبني مش هتعقل بقا
نظر عز إلي آرين وبعدين ل يزن وغمز وقال
اي النظام
شهقت آرين بخجل ونظرت إلي يزن بحرج وحاولت تنزل من علي المكتب بس اتكعبلت ووقعت في حضن الوحش ومن شدة احراجها دفنت وشها في عنقه ومسكت طرف القميص بتاعه بخجل
اما هو حاوطها بإبتسامة وأشار لصديقه بمعني روح دلوقتي وهفهمك بعدين
عز بضحك
رايح يا شقي وطلع وهو بيضحك
يزن بحب
خلاص يا آرين مشي اهو
قامت ارين بسرعه من حضنه ودخلت الحمام وقفلت الباب وراها وهيا محرجه اوي واكثر ما ذادها احراج ضحكات يزن العاليه
بعد مرور اسبوع
فاق يزن الصبح علي رن هاتفه
مسكه وشاف اسم المتصل ورد
الو يا عز
............
انتفض من مكانه وقال بغضب
نعم
..........
قفل الخط في وشه وفتح التلفون وشاف الاخبار صور ليه هو وآرين وهو داخل الشركة وماسك ايديها
وتحتها
أخيرا ظهرت أميرة الوحش والتعليقات كلها اللي بيحسده عليها واللي بيشكر في جمالها واللي بيقوله ياريت كنت مكانه واللي بيقول دي جام*دة ودي مز*ه واللي بتقول دي معاه عشان فلوسة ودي مش من مستواه ودي بتضحك عليه
وانتو عارفين باقي الكلام بقا
يزن بغضب ـ ود*يني مهرحمكم
سمع صوت خبط علي الباب قال بغضب وصوت عالي
مييييين
الخدامة بخوف
يزن بيه تعالي انزل تحت بسرعة الصحافة تحت وعايزين يخشو
مسح علي شعرو بغضب وقال
غووري
لبس التيشرت بغضب ونزل بسرعه
طلع برا لقي الصحافه كلهم عمالين يسألوه ويصورو
مين البنت اللي معاك دي ..؟
وازاي ماسك ايديها كده ..؟
دي حبيبتك ..؟
بنت مين هيا اكيد شخص مشهور ..؟
وعايشة معاك ليه ..؟
يزن بغضب وصوت جهوري
اخرسووووو
سكت الكل بخوف
يزن بغضب
دقيقه واحده قدامكم دقيقه لو لقيت حد قدامي محدش يلوم غير نفسه
وفي اقل من دقيقه كان الكل مشي
دخل يزن القصر تاني ومشافش آرين
طلع وراح ناحيه غرفتها ودخل لقاها قاعده علي السرير ومنزله رأسها لحت
قعد علي ركبه ونص قدامها ورفع راسها لفوق وقال بحنو
آرين
رفعت رأسها وقلبه وجعه جامد لرؤيه دموعها مسح دموعها بحنان وقال
بتعيطي ليه
أرين بحزن وشهقات
انا مش بضحك علي يا يزن ولا بحاول اقرب منك عشان فلوسك
يزن بنفس النبره
ومين قال انك بتضحكي عليا
آرين ببكاء
الكل بيقول كده وانت هتصدقهم وتبعد عني انت كمان
يزن بحب
هشششش متعيطيش بس سؤال بس ..انا قولت كده ..؟
نفت بدموع
ابتسم وقال وهو بيمسح دموعها
انتي تزعلي لما انا اقول كده او حد من العيلة انما متسمعيش كلام الناس اللي مفيش وراهم حاجه غير انهم يتكلمو وبعدين احنا مش قولنا منديش ودننا للناس صح ولا لا
آرين بشهقات
صح بس انا ..انا
يزن
عايزه تقولي ايه قولي ومتخافيش
آرين بحزن
انا هرجع واروح اعيش في دار الايتام تاني انا مش عاوزه اكون سبب في مشاكل
حس يزن بغصه في حلقة ووجع في قلبه مش قادر يتخيل فكره انها تبعد عنه مع انها معاه بقالها اسبوع بس ..بس هو اتعلق بيها ب اهتمام اتعود علي كلامها وثرثرتها علي الفطار الصبح علي خوفها لما يتاخر اتعود يشوفها علطول قبل مينام وحاجات كتيره كل ده هيروح يا يزن لا تتصرف آرين عايزه تمشي وتسيبك تاني لوحدك في وحدتك في العالم المظلم اللي كنت فيه عالم كله كره وعذاب وقسوه ..... والم ووجع بس محدش قدر يشوف الالم والوجع اللي جواك غيرها وبعد ده كله هتسيبك ..مستحيل
رفعت آرين راسها لما شافته ساكت بس انصدمت لقت دموع متحجره في عينه وهو بيبصلها وكانه بيتمني تقوله انا بعمل فيك مقلب زي مكانت بتعمل فيه مقلب كل يوم تقوله انا معاك ومش همشي تقوله انا عايزه افضل معاك يا يزن
حضنته وعيطت بكسره
مفيش حاجه حلوة بتكمل في حياتي يا يزن وانت من الحاجات الحلوة دي انا حسيت معاك ب الامان اللي كنت مفتقداه بقالي كتيره وكنت عارفه انو هيجي يوم وامشي من القصر ده عشان دي مش عيشتي انا مش قد العيشه دي انت مستواك عالي جدا وانا معنديش مستوي اصلا انا اتعلقت بيك جامد والله وغصب عني بس انا لازم اروح عشان متواجهش مشاكل ومفيش حد يتكلم عليا انا اضعف من اني الاقي الناس كلها بتتهمني بكلام انا عمري مفكر اعمله انت عيشتني احلي اسبوع في حياتي كله شكرا عشان ادتني مكان في بيتك وشكرا علي كل حاجه شكرا شكرا شكرا وشددت علي احضانه جامد وهو حضنها بقوه وقال
هتسبيني يا آرين
عيطت بحرقه ودفنت وشها في عنقه وهو دموعه نزلت نعم الوحش يبكي الان لا يريدها ان تتركه يريدها معه يجب ان يفعل شي..!
دخلت نادين بسرعة وقالت ببكاء
أبيه في ناس هجمو علي الحراس اللي تحت وبيحالو يخشو القصر
يتبع .....
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا