رواية عشق طاغي الفصل الاول 1للكاتبة حنان حسن (حصريه وجديده وكامله في مدونة قصر الروايات)

 رواية عشق طاغي الفصل الاول 1للكاتبة حنان حسن

(حصريه وجديده وكامله في مدونة قصر الروايات)

رواية عشق طاغي الفصل الاول 1للكاتبة حنان حسن

(حصريه وجديده وكامله في مدونة قصر الروايات)

عشق طاغي الجزء الاول 

  انا وانتي هنتقاسم راجل واحد.. و سرير واحد .. و اوضة واحدة..  لمدة اسبوع الكلام الي فات د...

عشق طاغي

الجزء الاول

للكاتبة..حنان حسن 

انا وانتي هنتقاسم راجل واحد.. و سرير واحد ..

و اوضة واحدة..

 لمدة اسبوع

الكلام الي فات دا

كان بمثابة امر من صابرين بنت عمي 

انا طبعا ساعتها مقدرتش استوعب الكلام الغريب الي صابرين بتقولة

فا سالتها بدهشة

وقلتلها...

هو الي انا سمعتة دا بجد ؟

 ولا انتي بتهرجي معايا؟

فا ردت صابرين بضيق

وقالتلي...

من امتي الشغل كان فيه تهريج ؟

بتكلم جد طبعا

 لان دا طلب الزبون الثري

الي كلمتك عنة قبل كده

والراجل شرط عليا

وقالي  ..

 انه  عايز  بنتين   ..

يعمل معاهم علا&قة ساخ&نة 

والكلام دا هيبقي لمدة اسبوع

ودا في مقابل انه هيدفع مبلغ كبير لكل بنت منهم

وبصراحة بقي

انا لقيتها شغلانة عنب ...

واحنا الاتنين ممكن نطلع منها بقرشين حلويين

وخصوصا ان

الزبون دا فلوسة كتيرة

عشان كده انا عرضت نفسي عليه

ولما لقيتة وافق

 قولتلة ...

 اني هجيب معايا بنت عمي

 فا وافق برضوا

بعدما سمعت الهبل الي بتقولة صابرين

لقيتني تنحت.. وفضلت اسمع كلامها بدون ما ارد

فا غمزتني صابرين وهي بتبتسم ابتسامة مستفزة

وقالتلي..

 عايزين بقي نثبت كفاءة ونوجب مع الزبون .. 

عشان بعد كده يطلبنا تاني بالاسم

بعدما اتأكدت ان صابرين بتتكلم جد

حسيت انها بتورطني معاها في شغلها الشمال  

وخصوصا اننا في اللحظة دي 

كنا قطعنا سكة سفر طويلة بالاتوبيس السياحي 

واحنا متجهين للبلد الي فيها الزبون اياه

 وبعدما نزلنا من الاتوبيس ركبنا تاكسي 

عشان يدخلنا جوه البلد...

 والتاكسي كان ماشي علي اللوكيشن الي بعتة الزبون لصابرين

للكاتبة..حنان حسن

المهم...

كظمت غيظي...

وتجاهلت كلامها عن رغبات الزبون المريض بتاعها

ورديت عليها بهدوء

وقلتلها...

انا عايزة ارجع القاهرة تاني يا صابرين

فا ردت صابرين بحسم

وقالتلي..خلاص مبقاش ينفع رجوع يا عيون صابرين

احنا  تقريباوصلنا خلاص

 ولازم ننفذ اوامر الزبون بدل ما نتأذي

للكاتبة..حنان حسن

في اللحظة دي

ثورت عليها ...

وقلتلها...

اسمعي يا بت انتي

 انا مليش دعوة برغبات الزبون بتاعك

ومش مجبرة اني انفذ اوامر حد

وكان مفروض ان صابرين ترد علي توبيخي ليها

لكن..

قبل ما صابرين ترد عليا

سمعت صوت سواق التاكسي بيكلمنا بصوت تخين

وبيقولنا.. 

احنا كده خلاص وصلنا للمكان الي في اللوكيشن

 اتفضلوا انزلوا

فا رفضت انزل من التاكسي

وطلبت من السواق انه يطلع علي محطة القطار

لكن السواق مرضيش يتحرك 

بالعربية

وقالي..اسف..

انا اخدت اوردر  جديد ..

وفي شخص بينتظرني

 ولازم اروحلة حالا

فا يلا اتفضلوا انزلوا

وللاسف اضطريت فعلا اني

 انزل من العربية 

وبمجرد ما نزلت

فضلت اتلفت حواليا

عشان اشوف اي وسيلة مواصلات توديني المحطة

لكن للاسف

المكان الي نزلنا فيه

مكنش زي المناطق الشعبية الي عندنا 

لا... دا كان مكان هادي وراقي

ومكنش فيه اي وسائل مواصلات

وكانت المباني المحيطة بينا عبارة عن فيلل  بتفصل بينهم مساحات خضراء 

زي الي بتيجي في اعلانات التلفزيون

لكن للاسف انا مكنتش شايفة  بني ادم واحد ادامي 

 فا قلت لنفسي يمكن عشان احنا  بليل 

فا الناس هنا بيناموا بدري ؟

للكاتبة..حنان حسن

المهم..

انا ساعتها كل الي كان شاغلني 

هو...انا هرجع القاهرة ازاي؟

وفي اللحظة دي

مسكت موبيلي بسرعة

وحاولت اتصل ب اي عربية

تيجي لغاية عندي و توصلني للمحطة عشان اركب القطر و ارجع القاهرة

لكن...للاسف

 اكتشفت ان موبيلي فاصل شحن

فا فكرت اني استلف موبيل صابرين واعمل منه مكالمة لاوبر...

 او اي مواصلة 

لكن...قبل ما اطلب منها الموبيل بتاعها

سمعت صابرين بتكلمني

 وهي باصة علي موبيلها هي كمان

وبتقولي...

يلهوي دنا موبيلي فصل شحن

 ولسؤ الحظ الموبيل فصل قبل  ما اقول للزبون اننا وصلنا

ومدت صابرين ايديها ليا

وقالتلي..

هاتي موبيلك لما اتصل علي الزبون 

عشان يجي ياخدنا من الحتة المقطوعة دي

فا رديت عليها 

وقلتلها

انا كمان موبيلي فصل شحن

فا ردت صابرين

وقالتلي ..

خلاص تعالي معايا نشوف حد نشحن عنده الموبيلات بتاعتنا

عشان نقدر نكلم الزبون ونقولة اننا وصلنا

في اللحظة دي

صرخت فيها

وقلتلها...

هي البعيدة غبية؟ 

ولا انتي مبتفهميش عربي ؟ 

يابنتي بقولك انا خلاص  مش هشتغل معاكي

 ولا هروح معاكي عند زباينك

وقررت ارجع القاهرة حالا

يعني من دلوقتي انتي من طريق وانا من طريق

في اللحظة دي

وقفت صابرين تعيط

وتقولي...

ارجوكي تلغي فكرة الرجوع للقاهرة وتيجي معايا للزبون

بدل ما نتأذي احنا الاتنين

فا رديت عليها بغضب

وقلتلها..ايه حكاية نتأذي الي كل شوية تقوليها دي

هو الراجل دا ماسك عليكي فيديوهات ولا ايه

فا ردت صابرين وهي بتقعد علي الارض

وقالتلي..

يظهر اني كان لازم اعترفلك بالحقيقة من الاول

عشان تقدري خطورة الامر

فا سالتها بغضب

وقلتلها..

هو لسة في حقايق تانية

خير اتحفيني؟

فا بدات صابرين في سرد الحقيقة الجديدة

وقالتلي..

انا طبعا قولتلك قبل كده اد ايه انا كنت  معجبة بالزبون الي احنا رايحينلة دلوقتي

اصلة راجل شيك ووسيم وفيه شبة كبير من شاروخان

 وانتي عارفة اني بعشق شاروخان

دا غير مستواه الاجتماعي والحياة المريحة الي كنت بشوفها عنده

عشان كده كنت بسعي اني اعلقة بيا باي طريقة عشان افضل ديما معاه

المهم اني فضلت اسعي ورا الهدف ده

لغاية ما واحدة صاحبتي شارت عليا بفكرة

والفكرة هي اني اروح لساحر

 صاحبتي كانت تعرفة ومجرباه

وقالتلي انه

ساحر شاطر مخاوي للجن وبيعمل كل انواع الاعمال ومن ضمنها جلب الحبيب وما شابة

وفعلا روحت للساحر الي قالتلي عليه صاحبتي

 والساحر لما سمع شكوتي طمني 

وقالي انه ممكن يسخرلي جني

 والجن دا هيخلي الزبون مجنون بيا

فا وافقت طبعا ودفعت للساحر مقابل  انه يسخرلي الجن

و الساحر وعدني ...  وقالي...ان الجن هيسيطر علي الزبون

وهيتجسد في صورتة كمان

وساعتها الزبون هيكون زي الخاتم في صباعي

لكن دا مش هيحصل قبل ما

 اوقع علي الوثيقة 

للكاتبة..حنان حسن

في اللحظة دي

وقفت الساحر عن الكلام

وسالتة

وقلتلة...وثيقة ايه

الي هوقع عليها؟

فا رد الساحر

وقالي...لازم توقعي علي وثيقة بالدم 

والوثيقة دي هتكون بينك وبين الجن الي هسخره ليكي

بصراحة لما سمعت موضوع الوثيقة دا  خوفت

ورجعت سالت الساحر تاني

وقلتلة...فهمني اكتر

الوثيقة دي هنوقع عليها ازاي انا والجن؟

اذا كان الجن مش موجود هنا اصلا

فا رد الساحر

وقالي..

بمجرد ما هتجيبي كام نقطة من دمك وتحطيهم علي كف ايدك

ساعتها الجني هيتجسد في صورة الزبون

وبمجرد ما تلمسي ايد الزبون

وتحنيها بالدم

هتكوني ساعتها وقعتي مع الجني معاهدة بالدم

فا استغربت من الهبد الي بيهبده الساحر

وبصراحة خوفت لا يكون الساحر دجال

فا قمت من ادامة ومشيت

وكنت هلغي فكرة العمل خالص

لاني خوفت من موضوع المعاهدة الي  بالدم دي

وكان مفروض اني انسي الموضوع خالص

لكن لما روحت البيت 

لقيتني بفكر تاني

وقلت لنفسي

 اني ممكن انفذ كلام الساحر بدون ما اوثق بالدم بتاعي انا

وفكرت اني اسحب عينة دم من اي شخص واوثق بيها المعاهدة

 لكن المشكلة ساعتها بالنسبالي ...كانت

 هجيب دم مين ؟

وفجاءة...

 مشكلتي اتحلت بمجرد ما اختك قالتلي انك مغمي عليكي

 ساعتها نهلة اختك طلبت مني اني اطلع معاها شقتكم عشان افوقك

للكاتبة..حنان حسن

في اللحظة دي

فكرت اني اسحب منك عينة دم

 وانتي فاقدة الوعي 

وبالفعل..بعت اختك تعملك كوباية ليمون واخدت العينة منك بدون ما تشعري

 وبعدها وضعتها في كيس صغير

وروحت بيها  للساحر 

وبدون ما الساحر ياخد بالة ثقبت كيس الدم  

ووهمته باني جرحت نفسي

ووريتة الدم علي كفي

فا طلب مني الساحر اني اغمض عنيا

وامد ايدي للامام

وبالفعل غمضت عنيا

وكنت فاكراه هيحضر العفريت

لكن الي حصل

ان الساحر مسك كف ايدي 

وفاجئني وغرز دبوس في كفي علي غفلة

فا اختلط دمي ودمك في ايدي

وساعتها لقيت الساحر

 بيقولي ..

شوفتي بقي الد&م بعد نغزة الدبوس سال بغزارة ازاي

وبمجرد ما الدم سال من كف ايدي

لقيت الساحر بيشاورلي علي الكرسي الفاضي الي ادامي وبيقولي

يلا ..غمضي عنيكي

ومدي ايدك عشان تلمسي ايد طاغي

فا سالتة

وقلتلة... طاغي ؟

رد الساحر

وقالي..ايوه مهو الجني اسمة طاغي

فا غمضت عنيا 

وفعلا ..لما مديت ايدي الي فيها الدم شعرت بايد بتلمس ايدي

فا خوفت وفتحت عنيا تاني بسرعة

عشان اشوف مين الي لمس ايدي

وفي اللخظة دي

  اتفاجئت بالزبون قاعد ادامي 

اقصد ...طاغي

 و لازق كفة بكفي وبيحني ايده بدمي

وساعتها اتأكدت ان الساحر سخرلي جني فعلا

والجني اتجسد في صورة الزبون

وبقي حلو وامور وشبة شاروخان اقصد....بقي شبة الزبون

بس الصدمة بقي

ان الجني مطلعش مطيع وكيوت زي ما الساحر فهمني 

دا  طلع طاغي وظالم كمان

 والمصيبة ان من ساعة ما طاغي ظهر

الزبون اختفي

وكل ما اروح الزبون فجاءة الاقية اختفي

ومش كده وبس

وكل شوية يطلب مني طلبات غريبة وصعبة 

وبخاف اعترض لا يأذيني 

و المشكلة الاكبر 

 ان الدم ربط بينا احنا الثلاثة

يعني...طاغي (الجني) عشقنا انا وانتي

 ووقع في حبنا احنا الاتنين

ودلوقتي الجني طالبني انا وانتي نقضي معاه اسبوع

 وهو متجسد في صورة الزبون

وطبعا مكنش ينفع اصارحك بالحقيقة دي قبل ما نيجي هنا

لسببين

اولا...لان طاغي حذرني من اني افتش السر بتاعنا

وثانيا

لانك مكنتيش هتوافقي تسافري معايا

لكن دلوقتي لازم تعرفي  الحقيقة 

عشان تقدري حجم الكارثة الي احنا فيها

  وتساعديني علي تنفيذ اوامر طاغي بدون نقاش

بس يا ستي

 هي دي الحقيقة 

كلها

بعد ما استمعت لرواية صابرين للنهاية

مصدقتش ولا كلمة منها

بالعكس دنا زاد غضبي وعنادي وقلتلها.. 

بصي يا عاشقة شاروخان

انتي بت كدابة وبتاعة حوارات

والزبون بتاعك استحالة يختفي لانه اخطر من مية عفريت

دا لو مكنش هو الي بيمثل عليكي دور العفريت اصلا

فا ردت صابرين

وهي بتتوسلي عشان اصدقها

وقالتلي...صدقيني  يا مي

العفريت موجود فعلا واسمة طاغي

ومتجسد في صورة الزبون

بس انا بعرف اميز بين طاغي وبين الزبون

لان طاغي عينة بتلمع في الضلمة وبيعرج برجلة

لكن الزبون مش كده

ارجوكي  يا مي تعالي معايا عشان.....

في اللحظة دي

قاطعتها

وقلتلها...مش هاجي معاكي في حتة

انا هرجع القاهرة حالا  

حتي لو عملتي ايه

في اللحظة دي

بصتلي صابرين بيأس

ورجعت تقولي

خلاص براحتك

 لو عايزة ترجعي القاهرة ارجعي

بس ارجوكي  متسبينيش هنا لوحدي 

 في مكان زي دا  بالليل 

 وخصوصا وانا محتاسة بالشنط دي كلها ..

لا والموبيل  فاصل شحن كمان

فا رديت عليها

وقلتلها..يعني عايزاني اعملك اية؟

فا ردت صابرين

وقالتلي...

كل الي انا عايزاه منك..

 انك تفضلي  واقفة جنب الشنط  لانها ممكن  تتسرق 

 لغاية ما انا اشوف اي حد ساكن هنا واطلب منه يشحن لنا الموبيلات

في اللحظة دي

رجعت ابص حواليا تاني

ولقيت ان مفيش حل غير اني انتظر جنب الشنط لغاية ما صابرين تروح تتصرف و تشحن الموبيلات من اي مكان

عشان اقدر اتصل باي عربية توصلني للمحطة

 فا قلتلها..ماشي

انا هنتظرك هنا بس انجزي بسرعة

فا ابتسمتلي صابرين

 وهي بتعطيني شنطة ايديها و بتشد من ايدي شنطتي

وبعدها قالتلي ..

خلي شنطتي معاكي عشان حجمها كبير وهتلخمني

انا هاخد شنطتك 

عشان شنطتك صغيرة وخفيفة

 ويادوب هتاخد الشواحن والموبيلات  فقط

فا رديت عليها وانا بحاول استرد شنطة ايدي منها 

وقلتلها ...لا متخديش شنطتي دي فيها فلوسي و بطاقتي الشخصية 

فا ردت صابرين وهي بتبعد

وقالتلي..احسن عشان اضمن انك مش هتسيبي الشنط وتمشي قبل ما ارجع

وبالفعل

اخدت صابرين شنطتي ووضعت فيها الموبيلات والشواحن

وتركت شنطة ايديها معايا

وفضلت ماشية  تدور علي حد يشحنلها الموبيل

وفضلت صابرين تبعد وتبعد

لغاية ما اختفت عن عينيا تماما

وفي اللحظة دي

وقفت ابص علي المكان الي انا واقفة فية لقيتة مكان هادي و راقي وجميل

لكن عيبة الوحيد انه مفيهوش بني ادم واحد

ودا كان مخوفني بصراحة

فا فضلت ادعي واقول يارب صابرين ترجع بسرعة

لكن يظهر ان دعوتي مكنتش مستجابة

لان الوقت عدي 

وصابرين مرجعتش 

وانا مش عارفة هي راحت تشحن الموبيلات في انهي بيت من البيوت دي بالظبط

يعني من الاخر

 مش  هعرف اوصلها 

المهم...فضلت انتظر وانتظر وبردوا صابرين مجتش

وفجاءة دخل الشك قلبي

وقلت لنفسي

يالهوي...

  تكونش صابرين عملت حوار الشنط دا عشان تاخد شنطتي وتسيبني هنا لوحدي بدون بطاقة ولا فلوس

ودا معناه انها بتستندل معايا 

عشان تادبني

وعشان اتأكد من ظنوني

فتحت شنطتها

عشان اشوف ان كانت اخدت البطاقة الشخصية بتاعتها واورقها من شنطتها الي معايا ولا لا

وبالفعل فتشت في شنطتها

لكن الغريبة اني لقيت البطاقة الشخصية بتاعتها ولقيت كل حاجتها في شنطتها

لكن طبعا ملقتش اي فلوس 

لان صابرين بتحتفظ بفلوسها في صدرها وجيوبها  كا نوع من الامان

المهم

رجعت تاني لحيرتي

وفضلت اسال نفسي

واقول...

ياتري راحت فين البت دي

وفين الزبون بتاعها

مجاش يسال عليها ليه؟

ورحعت اقول لنفسي

يعني هو انا لو شوفت الزبون هعرفة؟

دا لو الزبون فكر يجي عشان يدور عليها

  مش هعرفة 

لاني معرفش شكلة ايه لغاية دلوقتي

طبعا زمانكم بتسألوا

وبتقولوا...ازاي متعرفيش شكل الزبون  ولا شوفتية 

امال كنتي شغالة معاها ازاي؟

هقولكم  ايه موضوع  شغلي مع صابرين

وهسردلكم حكايتي كلها با اختصار

لكن الاول هعرفكم بنفسي

انا اسمي..مي

المؤهل .دبلوم تجارة

الحالة الاجتماعية..انسة

عندي ٢٣ سنة

علي قدر كبير من الجمال

مصرية وعايشة في القاهرة

امي مريضة

وعندي اخت اصغر مني اسمها نهال

ودلوقتي هقولكم حكايتي

انا فتحت عنيا علي الدنيا لقيتني عايشة مع ابويا وامي واختي الصغيرة

بابا كان موظف صغير 

وكان مرتبة يادوب مكفينا اكل وشرب

وكانت ماشية بالعافية

لكن تعب ماما هو الي ضيق الدنيا علينا 

وخلي بابا يستلف من طوب الارض

ويظهر ان بابا كل من متحمل مسؤليتنا

عشان كده قرر يختفي من حياتنا 

ومن كام شهر صحينا لقيناه اختفي و ملقناش له اي اثر

ومن ساعتها وانا بخبط و بحاول اشتغل اي حاجة 

عشان اجيب علاج امي

ومؤخرا لاحظت ان صابرين بتكسب كويس من شغلها

فا طلبت منها انها تشغلني معاها

في الاول صابرين كدبت عليا وفهمتني انها بتشتغل فتاة اعلانات 

واحيانا بترقص في النوادي اليلية

وعرضت عليا اني اشتغل عندها لبيسة واساعدها في لبسها ومكياجها مقابل راتب كبير

وانا وافقت طبعا عشان كنت محتاجة الفلوس جدا

وفي يوم لقيتها بتقولي ان عندها حفلة خاصة في مدينة خارج القاهرة

و ادعت انه عيد ميلاد واحد من الزباين

ولازم نسافر فورا

فا وافقت طبعا وسافرت معاها

وجيت معاها علي هنا

وانا فاكرة ان الشغلانة الي هشتغلها مجرد لبيسة مش اكتر

لكن اول ما وصلنا لقيتها بتقولي اني هشتغل شغلانة تانية خالص 

وطبعا انتوا عرفتوا نوعية الشغلانة الي هي تقصدها

 وعرفتوا كمان اني رفضت اني اكمل معاها في الشغل 

يعني دي كانت اول شغلانة واول سفرية ليا مع صابرين

ودلوقتي انا منتظرة الست صابرين 

لما تيجي عشان اسلمها الشنط بتاعتها واخد منها شنطتي وموبيلي  وارجع علي القاهرة

ودي كانت حكايتي با اختصار

ودلوقتي بقي نكمل في الي جاي

الي جاي...؟

تصدقوا اني شايفة حد جاي من بعيد

يظهر ان صابرين شحنت الموبيل وجت اخيرا

لا استنوا انا مكنتش شايفة كويس اصل الدنيا ليل

لا لا لا الي جاي عليا دا  مش صابرين

الي بيقرب مني دا 

راجل 

 ايوه انا شايفاة حتي بالامارة   راجل بيعرج و عنية بتلمع في الضلمة

لحظة معلش

راجل بيعرج وعنية بتلمع في الضلمة....  ؟

.....احية

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا