رواية بين طيات الماضي البارت1-2-3-4-5بقلم منة الله مجدي
رواية بين طيات الماضي البارت1-2-3-4-5بقلم منة الله مجدي
الشخصيات
مليكة امجد الراوي: فتاة تمتلك طباعاً نارية تشبه الي حد كبير خصلات شعرها النارية تلك...... فتاة جميلة في السادسة والعشرين من العمر....لديها طفل وحيد يدعي مراد -كتلة اللطافة-ليست متزوجة...... امضت معظم عمرها في اسبانيا...... توفيت والدتها في مراهقتها وتوفيت شقيقتها الصغرى تاليا مبكراً....... هي ايضاً شقيقة عاصم الراوي
سليم الغرباوي: اعتقد انكم قد توصلتم لقليل من شخصيته الحادة حقيقة من تلك الصورة شاب في الخامسة والثلاثين يعشق عمله بشدة ابتعد عن كل املاك العائلة وانشئ اسمه اولاً
سليم الغرباوي: اعتقد انكم قد توصلتم لقليل من شخصيته الحادة حقيقة من تلك الصورة
شاب في الخامسة والثلاثين يعشق عمله بشدة ابتعد عن كل املاك العائلة وانشئ اسمه اولاً...........يعشق عائلته وبشده ايضاً .......علي الرغم من نجاحه الهائل الا انه لا يكترث كثيراً لأمر الكثيرات من النساء واللاتي يلاحِقَنّه ُ........يمتلك نصفاً صعيدياً ونصفاً اسبانياً لذا فهو مزيج رائع بين الاثنين
يمتلك نصفاً صعيدياً ونصفاً اسبانياً لذا فهو مزيج رائع بين الاثنين
عاصم الراوي: شاب وسيم.... في الثلاثين من العمر
رجل اعمال ناجح للغاية .......لم يحب في حياته الا زوجته نورسين.....لا يمتلك الكثير من الاصدقاء.......يعشق عمله وبشدة ولا ابالغ حين اقول ان نورسين تعتبره زوجته الاولي .......من ام اسبانية واب صعيدي
من ام اسبانية واب صعيدي
نورسين: طبيبة عظام...... فتاه هادئة جميلة الملامح والطباع ايضاً.....في السادسة والعشرين........زوجة عاصم امجد الراوي وذلك بعد قصة حب مجيدة قد استمرت لاكثر من خمس اعوام.... لديها طفلان -ثمرة حبهما-ايهم عاصم وجوري عاصم
ياسر الغرباوي: اعتقد انكم قد كونتم صورة عن طباعه وشخصيته حتي من تلك الصورة
هو شاب لطيف.... في الرابعة والثلاثين من عمره..... يعشق زوجته قمر وبشدة ولم يحب غيرها.... يغار كثيراً علي زوجته وطفلته همس
يساعد والده في ادارة شئون الكفر وايضاً شريك لابن عمه سليم في ادارة املاك العائلة
يغار كثيراً علي زوجته وطفلته همس يساعد والده في ادارة شئون الكفر وايضاً شريك لابن عمه سليم في ادارة املاك العائلة
قمر: فتاة صعيدية...... في السادسة والعشرين من العمر تمتلك ملامح عربية رائعة للجمال وجميلة الطباع ايضاً
زوجة ياسر الغرباوي ......يحبان بعضهما كثيراً لديهما طفلة واحدة همس ياسر الغرباوي
فاطمة : ابنة عمة سليم وياسر الغرباوي فتاة جيدة الطباع ولكنها نشأت بصورة خاطئة
فاطمة : ابنة عمة سليم وياسر الغرباوي فتاة جيدة الطباع ولكنها نشأت بصورة خاطئة.... فاتنة الملامح..... في الثانية والعشرين من عمرها
حسام الراوي: شاب وسيم يمتلك ملامح عربية
حسام الراوي: شاب وسيم يمتلك ملامح عربية........ ولكنه يعشق الفتيات وبشدة فهل تراه سيتغير ام سيظل كما هو ..... هو ابن عم عاصم ومليكة الراوي .....في الخامسة والعشرين من عمره .....وحيد ابويه
لايك قبل القراءة وكومنت بعدها ❤😍
الفصل الاول
في أحد الأبراج السكنيه تحديداً في شقة يبدو عليها الثراء علي عكس حالة ساكنتها تماماً
إبتسمت مليكة للطفل الصغير الذي هدهدته حتي نام......مسحت علي جبهته البيضاء برقة و حنان فهو أهم ما لديها في الحياة ومن أجله يمكن أن تفعل أي شئ........وراحت تفكر أنها لم تعد تتحمل المزيد........ إذا أستمرت كلفة المعيشة بالإرتفاع فستصل لحائط مسدود فمراد يكبر وتزاد متطلباته ومدخراتها لم تعد تكفي حتي وإذا إستطاعا تدبر أمرهما فابالتأكيد ستنفذ بعد وقت قليل ولا تستطيع إيجاد عمل في هذه الأوقات يمكن أن يسد كافة إحتياجاتهما
وضعت وجهها بين كفيها وغلبتها دموع الإحباط ماذا ستفعل؟؟ وماذا يمكن أن تفعل؟؟ لو أن تاليا لا زالت حية!! لو أنها لم تمت وهي تلد صغيرها ؟؟
لكانا علي الأقل سعتا الأن لطلب مساعدة والد الطفل........ولكنها ماتت.... و حتي هذا لا تستطع فعله فهي لا تعرف من هو والد ابن شقيقتها
تنهدت في سخرية أ يعقل هذا ولكنها سخرية الحياة فقد قررت تاليا أن تجعل خبري زفافها وحملها مفاجأة لمليكة حينما تعود الي القاهرة
لو أن تاليا لم تترك إسبانيا وتعود بمفردها لأجل تلك الشركة اللعينة لو أنها بقيت بجوارها لما حدث كل هذا ولبقيت تاليا حية ولم تمت لو أن ؟؟..... لو أن؟؟ .....لو أن؟؟....
كم من المرات رددت هذا السؤال في السنوات القليلة المنصرمة وأين ااوصلها كل هذا؟؟؟ الي لا شئ......ولكنها لن تترك مراد مهما حدث
رفعت رأسها سريعاً لسماعها طرقات قوية علي الباب.....تطلعت بقلق ناحية مراد الذي بدأ يتحرك فلقد بذلت الكثير من الجهد لجعله ينام
وقفت قلقة لتفتح الباب قبل أن يقرر الزائر طرق الباب مرة أخري وهذه المرة بقوة أكبر
شاهدت مراد يتملل بين ذراعيها فربتت بهدوء علي رأسه ورددت بصوت طفيف
مليكة :مفيش حاجة يا حبيبي متخافش دا الباب
ولكن صوت صاحبة المنزل لعلع بخشونه عند الباب
رانيا : أنا عارفة إنك جوة يا مدام مليكة
توجهت مليكة الي الباب وفتحته غاضبة ووقفت تسده كي تمنعها من الدخول تلك السيدة المتطفله البالغة من العمر ال50
ومن أدب مليكة عدم دعوتها بالوقاحة ولكنها بالتأكيد كذلك وحقيقة أنها أما غير متزوجة لا تعني لها شئ بل لا تعني لأي شخص أخر
لو أنها تمتلك النقود لإستئجار منزل أخر لفعلت منذ زمن .....ولكن أين يمكنها أن تجد منزل كهذا وبهذا الثمن البخس في هذا الوقت
ولهذا يجب عليها أن تتحمل تلك السيدة المتطفلة في سبيل مراد
مليكة بأدب : حضرتك كنتي عاوزة حاجة؟؟!
نظرت لها تلك المرأة بسخرية شديدة واضحة في
عينيها .......عاقدة ذراعيها أمام صدرها تهز خصرها كعلامة للإستهزاء
رانيا : أيوة أنا جيت علشان أنا مضطرة أقولك إنك لازم تمشي
شعرت مليكة وكأن الأرض تميد تحت قدميها فهذا ما كان ينقصها الأن
صاحت مليكة بصدمة بعدما إتسعت حدقتاها
مليكة : ا... ااااا.... أمشي ....بس مينفعش أنا مش عندي أي مكان تاني أروحله
وبعدين أمشي ليه أصلاً الإيجار أنا بدفعه في الوقت
إختلت نبرة صوتها الواثقة وتخللها الإضطراب وهي تخفض رأسها
أنا عارفة إني إتاخرت شوية الشهر دا بس علشان المرتب إتاخر مش ذنبي والله
رفعت رانيا حاجبها الناقم وهتفت بسخرية
رانيا : وأنا مش فاتحاها سبيل يا ست مليكة .....اللي عندي قولته
زاغت عينا مليكة وشحب وجهها
مليكة : بس هروح فين؟؟!!! أنا معنديش مكان تاني أروحله !!!!!!
مصت رانيا شفتاها رافعة حاجبها بعدم إكتراث
رانيا : للأسف معرفش مش مشكلتي كلمي أبو المحروس إبنك خليه يساعدك
أومأت مليكة برأسها فهي لا تعرف ممن تستطيع طلب المساعدة
زفرت رانيا بحنق
رانيا : خليكي فاكرة إنك لازم تفضي الشقة قبل أخر الإسبوع
وإستدارت مبتعدة عنها
أغلقت مليكة الباب وأخذت تفكر ماذا ستفعل ؟!!
*************************
أمضت اليومين التالين في البحث عن مكان أخر للإنتقال إليه ولكنها لم تجد ما يمكنها تحمل نفقاته.........تذكرت في ذلك الوقت أيامها في إسبانيا تلك الايام التي لم تكن تحمل فيها أي هموم .......تذكرت رب عملها ذلك الرجل اللطيف البشوش الذي كان يعاملها كابنته وليست مديرة أعماله........تنهدت بأسي عندما تذكرته وترحمت عليه من قلبها
نظرت في ساعتها فعلمت أنها تأخرت كثيراً علي عملها الذي لا تحصل منه علي الكثير فتوجهت مسرعة كي لا تتعرض الي التوبيخ
أنهت مليكة عملها مبكراً في هذا اليوم فأخذت مراد وتوجها الي منزل عائشة رفيقتها التي تعاني هي وزوجها و ابنتها الصغيرة ندي ذات السبع أعوام مثل مليكة تماماً من مشاكل المعيشة وغلاء الأسعار فهذا مايعيطهما سبب مشترك للحزن مع تقارب عمريهما إلا أن عائشة حامل ومثقله بأعباء أكثر
وصلت الي المنزل المنشود بعد وقت قليل وطرقت الباب
سمعا صوت عائشة بإنهاك
عائشة : حاضر جاية
فتحت الباب فتهلل وجهها لرؤية صديقتها فهتفت بفرحة
عائشة : عاملين إيه ادخلوا إدخلوا
دخلت الفتاتان فحملت عائشة مراد وأخذت تداعبه
فتح مراد ذراعيه لعائشة وتمتم بسعادة
مراد : خالتو شوشو إزيك والنونو عامل إيه
إبتسمت بسعادة وتابعت بحماس
عائشة أنا الحمد لله يا روح خالتو من جوة والنونو الحمد لله
زمت عائشة شفتيها وتابعت بشفقة بعدما قرصت وجنته بلطف
عائشة : مالك يا دودو شكل ميمو مبتأكلكش
مالك خاسس كده ليه وإنتِ كمان يا ميمو شكلك مرهق جداً
قصت عليها مليكة ما حدث معها وأخبرتها بإنذار الرحيل
تنهدت عائشة بقلق وتابعت بحبور
عائشة : تعالي أقعدي هنا إنتِ ومراد لحد ما تلاقي مكان تقعدي فيه
مليكة بهدوء : مينفعش يا حبيبتي أنا إن شاء الله هلاقي حل
ثم تابعت باسمة
سيبك من كل دا أنا جبت شوية حاجات تعالي نعمل كيكة ناكلها مع الشاي
أجابت عائشة باسمة بحماس
عائشة باسمة : فكرة حلوة وسيبي مراد يلعب مع ندي
ذهبا سويا للمطبخ وبدأ في إعداد الكعكة
من الرائع أن تنسيا مشاكلهما لفترة تضحكان كطفلتان وقد إتسخ شعرهما
ضحكت مليكة ملئ شدقتيها ثم هتفت بسخرية
مليكة : عاملين زي الاطفال بالظبط
توقفت عائشة عن الضحك وإرتسمت الجدية علي ملامحها وهتفت بحزم
عائشة بجدية : ما إنتِ طفلة عمرك كام إنتِ يعني22
أظلمت عينا مليكة ألماً وتابعت بنبرة تخلوا من الحياة
مليكة : 27. أكبر من تاليا الله يرحمها بسبع سنين
عارفة يا شوشو دايماً بفكر لو كانت تاليا عايشة
كنت كملت شغلي في إسبانيا وجبتهم يعيشوا معايا وصرفت عليهم وكان مراد كبر هناك في ظروف احسن وجو أنضف موتها خبر صعب أوي.....كانت لسه صغيرة..... طفلة ولسه بتبدأ حياتها حتي ملحقتش تشوف مراد
أخفضت عائشة عيناها حزناً بعدما ترحمت عليها وتابعت متسائلة
عائشة : مجالكيش أي خبر من باباه
زفرت مليكة باسي
مليكة : معرفش عنه أي حاجة مفيش دليل علي وجوده أنا حتي مش عارفة هو مين ولا فين
تاليا الله يرحمها إتجوزته وكانت مستنية نزولي علشان تعملهالي مفاجأة
ثم تابعت باسمة بحبور تتطلع ناحية مراد
عارفة أعتقد إنه كان وسيم يعني لو بصينا لملامح مراد هو أه واخد لون عيني ولون بشرتي لكن ملامحه مش شبهي ولا حتي شبه تاليا أعتقد واخدها من باباه
سألت عائشة بتردد
عائشة : طيب دورتي في حاجة تاليا موبايلها واللاب توب بتاعها والصناديق اللي جات من بيتها
إبتلعت مليكة غصة ألم وتمتمت في خفوت
مليكة : لا مدورتش حاسة إني مش هقدر أعمل كده
صاحت بها عائشة بغضب لمصلحتها
عائشة : الكلام دا كان زمان يا مليكة إنما إنتِ دلوقتي محتاجة تعرفي مين والد مراد وعلي الأقل لازم هو كمان يعرف إنه عنده ولد وإنه لازم يصرف عليه
علمت مليكة بصحة قول عائشة فقد كانت تاليا تحتفظ بأوراقها ورسائلها المهمة في صندوق خشبي مزخرف ولكنها لم تجبر نفسها علي التفتيش فيها مطلقاً علي الرغم من معرفتها أنها ستعرف من هو والد الطفلة إذا فتحت ذلك الصندوق أو حتي هاتفها لظنها أنها لن تحتاج معرفته حتي فهي أيقنت بحدوث مشاكل بينهما حينما لم تراه في المستشفي أو حتي تسمع عنه حينما أقامت عزاء تاليا
وبعد إنقضاء عدة ساعات عادا مليكة ومراد الي المنزل توجهت مليكة الي الغرفة الموضوع فيها صناديق تاليا بعدما وضعت مراد في فراشه
أخرجت الصندوق الخشبي من أحد صناديق الكرتون اللاتي أحضرها محمد زوج عائشة من منزل تاليا وأخذت تحدق فيه عدة دقائق بألم وهي تتذكر كم كانت شقيقتها تعشق هذا الصندوق
ثم فتحت غطاؤه الخشبي المزخرف بالورود وترددت مرة أخري غير مرتاحة لأنها تنبش أسرار من الأفضل لو تبقي مطوية........ أخذت تنظر الي الأوراق وتلك الرسائل المكتوبة فعلي الرغم من تقدم وسائل الإتصالات إلا أن تاليا كانت دائماً تعشق الرسائل الورقية
أخذت يدها تقلب في الرسائل المكتوبة متجاهلة المحتوي تقرأ الإهداءات فكل أؤلئك الاصدقاء تعرف اسمائهم فهي تبحث شخص وحيد كل ما تعرفه أن اسمه حازم حتي وجدتها فتأكدت أنه والد مراد........أعادت باقي الرسائل الي الصندوق وترددت كثيراً متخوفة لحظة فتح تلك الرسالة
وأخيراً لم تعد تستطع الإنتظار ففتحت تلك الرسالة
وقرأت ببطء الكلمات الشاحبة قليلاً فقد بدا علي بعض سطور الرسالة بقع جعلت بعض الكلمات تتلاشي وكأن شخصاً ما كان يبكي وهو يقرأها
وهذا ما بدا لها حقيقياً عندما قرأت الرسالة
كانت تلك الرسالة من حازم الغرباوي
يقول فيها وبصراحة أنه سيرسل لها ورقة طلاقها ولم يذكر مراد فرجحت مليكة أن سبب الطلاق هو مراد
ثارت دمائها غضباً وحنقاً وهتفت ثائرة
حسنا قد أن الأوان أن يعلم هذا السيد بوجود ابنه
نهضت سريعا وقامت بإيصال هاتف شقيقتها بالكهرباء ليعمل حتي تستطع البحث فيه عن هاتف هذا السيد
وبالفعل وجدته وبسهولة
حاولت مهاتفته ولكنها وجدت أن رقمة غير موجود بالخدمة
فكرت في البحث عنه عبر موقع التواصل الاجتماعي
(الفيس بوك )ولكنها لا تعرف كيف يبدو
فأصبح هذا الأمر مستحيل
**************************
في صباح اليوم التالي
توجهت الي عملها باكراً وطلبت من أحد زملائها في العمل الذي يستطيع فعل مثل تلك الأمور أن يحضر لها عنوان هذا الرقم
وبالفعل بعد عدة ساعات كانت تملك العنوان
وبعد إنتهاء العمل عادت الي المنزل
سمعت صوت طفلها يهتف في سعادة بعدما طرقت علي باب جارتها إيمان وهي سيدة في العقد الرابع من العمر توفي زوجها منذ بضع سنوات وتزوج جميع أولادها فأصبحت وحيدة وقد طلبت من مليكة أن تترك لها مراد كي ترعاه ويسليها حتي عودتها من العمل
مراد : مامي جت يا نانا مامي جت
هتفت مليكة باسمة بأسف
مليكة : معلش يا طنط أسفة إني إتاخرت علي حضرتك
تمتمت باسمة بحبور
إيمان : لا يا حبيبتي مفيش حاجة دا مسليني والله
ثم تابعت بأسي
مانتي عارفة مليش حد
تابعت مليكة باسمة وهي تربت علي يدها في حبور
مليكة : ربنا يبارك في عمر حضرتك
عن إذنك
ثم تطلعت لمراد باسمة
مش يلا يا أستاذ مراد
قبل مراد إيمان بسعادة
مراد : باي باي يا نانا هكيلك بكرة
ضحكت إيمان بحب
إيمان: ماشي يا روح نانا
حملت مراد وصعدت الي منزلهما
مليكة : وحشتني يا ميمو يلا بقي علشان ناكل
قبلها مراد بسعادة
مراد : وإنتِ كمان يا مامي
إبتسمت بحبور وهي تفتح الباب
مليكة: قولي بقي عملت إيه في الحضانة
إبتسم مراد بحماس وتمتم في سعادة
مراد: النهاردة المس بتاعتي زعقت لياسمينا علشان ضايقتني
ضحكت مليكة لأنها تعرف كم يكره طفلها تلك الياسمينا
ومن ثم قبلته مليكة وضعته أرضاً للعب وإنغمست هي في تحضير الغداء ولكن عقلها كان مشتتاً.......أ تذهب هي لمقابلته أم ترسل له رسالة
إحتارت كثيراً فقررت أن تسأل رفيقتها
لم تكد تنتهي حتي وجدتها تتصل
أجابت بسعادة
مليكة : كنت لسة هكلمك
سألت عائشة في قلق
عائشة: خير مراد كويس
مليكة بهدوء : أه يا حبيبي مراد الحمد لله زي الفل أنا كنت عاوزة أقولك علي حاجة تانية
صاحت بحماس
عائشة : عرفتي حاجة عن باباه
مليكة بهدوء : أه
عائشة بحماس : قولي بسرعة
قصت عليها مليكة كل ما عرفته وطلبت إستشارتها أ تذهب أم تكتفي بإرسال رسالة
أجابت عائشة بهدوء
عائشة : لا متروحيش إبعتي رسالة أفرضي مثلاً العنوان إتغير ولا حاجة هتروحي تقعدي فين بقي....ومراد الغلبان دا هتدوخيه معاكي ليه
مليكة : تمام
*************************
بعد تناول الطعام جلست مليكة لكتابة الرسالة وبعد ذلك أخذت مراد وذهبا لوضعها في البريد
كانت تشعر بالخوف الشديد من رد فعل والده
تراه سيعترف به......هل ستجده من الأساس......أم أنه رحل مثلاً عن هذا العنوان وستعود الي نقطة الصفر مرة أخري
شعرت بأنها تكاد تختنق يأساً.......إحباطاً وخوفاً
ولكنها قررت التحلي بالصبر والدعاء فليس أمامها غيره ولا تقلقي بنيتي إنَّ يد الله وحدها هي القادره على إزاحة تلك الهموم من صدرك....
***********************
في صباح احد الايام
ذهبت الي عملها مبكراً وبعد إنتهاء الدوام ذهبت كعادتها في الأونة الأخيرة للبحث عن منزل لها ومراد فلا يمكنها الإعتماد علي والد مراد كلياً و هي أيضاً لا تدري إن كانت ستجده أم لا فقد مضي الي الأن ثلاث أيام علي إرسالها لتلك الرسالة ولم يردها أي رد مع أنها متاكدة أن تلك الرسالة قد وصلت الي منزل الغرباوي
ومع كل ذلك البحث لم تجد منزلاً أخر فازداد وضعها سوءً وكانت بالكاد تنام ليلاً وينتابها القلق طوال النهار............بعد فترة خلد مراد الي النوم في أحضانها فلم تحركه خشية إيقاظه ولكنها رفعت قدميها الي الأريكة وكورتهما أسفلها وأعادت رأسها الي الوراء فإستغرقت في النوم
إستفاقت فزعة بعد وقت قصير علي صوت طرقات علي باب المنزل
نظرت الي مراد في فزع فوجدته يتملل بين ذراعيها
كاد أن يستيقظ.....وضعته علي الفراش في هدوء
بعدما مسحت علي شعره لتطمئنه كيلا يستيقظ فزعاً
إرتدت إزدال الصلاة وإنطلقت مسرعة ناحية الباب قبل أن يطرق مرة اخري
فتحت الباب وإتسعت عيانها بصدمة وهي تري رجلاً طويلاً ضخماً عريض البنيه يقف متغطرساً ينظر إليها بكبرياء من خلف أنفه وقد بدت بذته الرمادية تناسبة تماماً
******************************
لايك قبل القراءة وكومنت بعدها مانجاتي❤😍
الفصل الثاني
أعادت نظرها الي الرجل مرة أخري فوجدته ينظر إليها بإزدراء جلي يتأمل قسماتها ويمعن النظر في عينيها الزرقاوتين وبعض النمش علي وجهها وكأنه يود أن يحفظ تفاصيلها ولكن عيناه كانت تعطيها شعوراً مختلف... شعوراً لم تفهمه...... كانت عيناه تناقض ملامح الإزدراء التي إرتسمت علي وجهه وكأنها تعبر عما إعتري قلبه..... تعبر عن شعوره وكأنها تخبرها أنها بِطَلتها تلك كانت كعاصفه هوجاء أحيت قلوب موات ملّت طول الإنتظار
أخجلتها نظراته وأخافتها أيضا فهو حقاً عملاق فتبدو أمامه كالفأر الصغير مما أضاف الرهبة لقلبها الصغير وأيضاً يوتر عقلها ويؤثر علي تفكيرها بشدة
كم أن حضوره طاغي.....يوقف الزمن......يأسر حواسها
تمتمت في توتر بغير وعي
مليكة : إتفضل
إبتسم بسخرية واضحة وإزدراءٍ جلي تماماً علي قسماته
سليم : واضح إنك بتثقي في الناس بسرعة
حاولت الخروج من سهادتها والتمتمة بأي شئ فجفلت حينما رفع قامته وأكمل متابعا بحزم إمتزج بثقة وفخر جعلاها تشعر بمدي عظمته علي الرغم من أنها لم يسبق لها أن سمعت به قبلاً
سليم : أنا سليم الغرباوي
دار اسم الغرباوي في عقلها ليعطيها النتائج سريعاً نعم إنها عائلة والد مراد مما جعلها تهتف بصدمة
مليكة : أه...
رفع يده ليصمتها وتابع بجمود وحزم مثبتاً عيناه عليها
سليم : في الأول لازم تعرفي إن حازم مات
شحب وجهها فلم يكن هذا ما توقعته إطلاقاً
كيف يمكن لهذا الرجل أن يقف هكذا ليقول ما قاله بكل قلب بارد فأملها الوحيد لمستقبل مراد قد دمره هذا الشخص البارد المتعجرف
كادت تتهاوي فقد شعرت بأن قدميها لا تقوي علي حملها أكثر........شعرت بأن دموعها تكاد تنساب من زرقاوتيها فهي الأن بالتأكيد ستخسر مراد ولن تستطيع فعل شئ حيال ذلك
كان ذاك الغريب ينظر اليها وكأنه يشرحها
فحتي في حزنها إستطاعت ملاحظة جاذبيته المدمرة..... وإن كان هناك شبه بين حازم وهذا السليم فلا يمكنها لوم شقيقتها علي تعلقها بحازم أبداً.......ودون أن ينتظر تكرار دعوتها إياه بالدخول دفع الباب ودلف للداخل وهو ينظر حوله بإزدراء
فهتفت هي بأسي ظهر واضحاً في نبرتها التي غلفها الإحباط واليأس
مليكة : أنا أسفة جداً البقاء لله
إستقام جزعها وتابعت في حزم
مليكة: في الحالة دي أنا أسفة جداً لأني عطلتك وضيعت وقتك لأنك للاسف مش هتعرف تساعدني
إرتفع حاجباه بغطرسة للهجتها وتابع بعجرفة
سليم: لا خليني أنا اللي أحكم علي الموضوع دا يا مدام رسالتك كانت باين منها إن الموضوع ضروري جداً وإلا مكونتش جيت أبداً
ألقي كلماته وهو يتطلع حوله بإزدراء
سليم: وبعدين إيه اللي يخليكي فاكرة إن حازم الله يرحمه ممكن يعمل حاجة أنا مش هعرف أعملها
همت بالحديث ولكنه رفع يده مرة أخري ليخرسها مُردِفاً بسخرية
سليم : إنتِ مش هتقعديني ولا إيه
لاحظت مليكة أنه لايزال واقفاً فهتفت بحرج
مليكة : أنا.......أنا أسفة جداً أكيد طبعاً إتفضل
جلست في هدوء وجلس هو مقابلها سائلاً بإزدراء
سليم : ممكن بقي تقوليلي إيه الشئ اللي اخويا هيعمله وأنا مش هقدر ولا الموضوع خاص أوي للدرجة دي
برقت عيناها للهجته الساخرة ونبرته المهينة في ذات الوقت وهتفت به بجراءة وثقة
مليكة : أعتقد يا أستاذ سيلم إنك متعرفش إزاي تتكلم بزوق
إعتدل في جلسته مستريحاً وهتف بسخرية
سليم : بجد؟؟؟
ثم تابع بحزم
أعتقد إنك غريبة يعني بعتي رسالة ضرورية وعاجلة وممكن نقول مُلِحة كمان ولما جيت أنا بدال حازم الله يرحمه رافضة تقولي السبب
أردفت بحزم
مليكة : فعلاً عندك حق أسفة لأني ضيعت وقتك ووقتي
غلبت علي نبرته الشوق والحنان وبعض التوتر
سليم: الطفل الي قولتي عليه دا يبقي ابن حازم مش كدة
أومأت راسها بهدوء
ضيق عيناه متابعاً في تساؤل
سليم: وإنتِ مامته مش كدة
مليكة معترضة: بس أنا مش م....
همت أن تخبره بأنها أنسة وأنها ليست والدته.....همت بالرفض ولكن قاطع حديثهما قدوم مراد وهو يفرك عيناه بطفولية ترغب بأكله أثرها محاولاً إزالة أثار النوم
مراد : مامي مين دا
وقف سليم مبهوتا فهو حقاً نسخة عن والدته
فقد أخذ لون بشرة والدته ولون عيناها وأخذ منه هو لون شعره.......كل ملامحه أنفه المستقيمة و شكل شفتيه.....أهدابه الطويلة ورسمة عينياه فمن يراه حقاً يظن أنه ابنيهما وليس ابن حازم
توجه إليه سليم وحمله جالساً به علي الأريكة
أخذ مراد ينظر إليه بعنين متفحصتين
لانت معالم وجهه المتعجرفة القاسية كثيراً هاتفاً بحبور
سليم : اسمك إيه يا حبيبي
مراد بتوجس : إثمي ملاد إنت مين
فإبتسم سليم وتطلع ناحية مليكة بحزم سائلاً بهدوء
سليم : قوليلي إيه اللي إنتِ عاوزاه بالظبط
أجفلت مليكة وذهلت من نبرته ولكنها تابعت بإحباط
مليكة : كنت عاوزة حازم بس بما إنه مش موجود فخلاص أنا هتصرف
صاح بها سليم بحدة
سليم : متنسيش إنه ابن اخويا يعني أنا أحق حد بيه وأعتقد إني هعرف أوفرله اللي إنتِ مش هتقدري عليه
شعرت مليكة بأنها كادت تفارق الحياة لمجرد التفكير أو الإفتراض أن أحداً ما سيأخذ منها مراد فقررت التملص من هذا المأزق
مليكة بعناد: بس أنا مش متأكدة إن كان ابن اخوك أو لا
شعر سليم بالتقزز والغضب فإحمرت عيناه صائحاً بها غاضباً مشمئزاً
سليم : يعني إيه مش عارفة أمال مين الي يعرف
إنكمشت ملامح مراد خوفاً وتركه مسرعاً وذهب ليختبأ خلف جسد والدته
مراد بخوف: مامي مين دا
إقترب سليم منه مُربتاً علي ظهره وهو يهدئ من روعه
تحدث سليم بهدوء لأجل مراد
سليم بإشمئزاز : أنا هريحلك ضميرك مراد ابن حازم الشبه بينه وبين عيلتنا واضح جداً ويوضح إنه ابنه وبدون أي شك
ثم أكمل بتقزز وإزدراء
سليم: ولا إنتِ من كتر الرجالة اللي عرفتيهم نسيتي شكل حازم
إبيض وجه مليكة غضباً من إهانته حتي كادت أن تخبره السبب الحقيقي لعدم تأكدها ولكن لا
يجب عليها أن تتحمل كل الإهانة لأجل مراد فهي لن تقدر علي العيش دونه ولو لثانية
مليكة بسخرية: وياتري بقي يا هتعمل إيه يا سليم بيه هتدفعلي فلوس علشان أسكت
أظلمت خضراوتاه وتابع بنبرة أرعبتها حد الموت
سليم: لالا بالعكس أنا مش ناوي أعمل كدة نهائياً الموضوع دا كان ممكن يعمله حازم إنما مش حازم مراد يبقي ابن اخويا وأنا مش هسيبه
ثم تابع بنبرة يشوبها الإزدراء والسخرية
يعني إنتِ واحدة ست ولو إديتك الفلوس أكيد هتصرفيها علي حاجات تانية علي الرغم من مشاعرك لمراد.......بس أنا متأكد إني هقدر أديه أكتر منك بكتير وأكتر بكتير كمان من اللي بتكسبيه من الرجاله اللي تعرفيهم
صفعته مليكة علي الفور وبدون تردد فكانت تريد أن تؤلمه كما ألمها
ثم إبتعدت عنه ترتعد ضامة مراد الي صدرها تلقائياً
مُردِفةً في صوت منخفض محاولة منها في السيطرة علي إرتعادة جسدها الهزيل الذي ظهر واضحاً للعيان
مليكة: بس أنا مش بس عندي مشاعر لمراد أنا
بحبه...... مراد هو كل حياتي تقريبا وممكن أعمل أي حاجة علشانه
ثم تابعت في حزم
ومحدش هياخده مني طول ما فيا النفس
هدأت نبرتها قليلاً وتابعت بحكمة
أنا متأكدة إنك تقدر تديله أكتر من اللي ممكن أديهولوا من الناحية المادية بس أنا بحبه .......هو حياتي كلها كل الكلام دا ميعنيلكش أي حاجة
هتف سليم ببرود
سليم : للأسف لا
ثم تطلع لمراد الذي كان علي وشك البكاء قلقاً علي والدته فربت علي رأسه مهدئاً وطلب منه الإنصراف للداخل
تطلع مراد ناحية والدته وكأنه يأخد إذنها فأومات اليه بهدوء
ثم تابع سليم بتفاخر بعدما تأكد من إنصراف الصبي
سليم: إنتِ أكيد عارفة إن عندي فلوس كتير أكيد حازم قالك وإنتِ عارفة برضوا إن دا الوقت المناسب علشان تلعبي ورقتك الكسبانة علشان كدة قررتي تبعتي وتعرفينا بوجود مراد يعني أعتقد إنك تعبتي من تربيته مش كدة؟
برقت عيناه بتقزز متابعاً في سخرية
ولا إشتاقتي لحياتك القديمة قبل ما حازم يقع في حبالك
حدقت به في دهشة وفزع كيف يمكن له أن يتخيلها بتلك الوضاعة والخسة
ولكنها إستمعت لعقلها الذي إحتج غاضباً
مليكة بغضب : دي أقل حاجة ممكن يقولهالك بعد ما قولتيله إنك مش متاكدة من باباها إنتِ لازم تقوليله الحقيقة
هتف قلبها باسي
مليكة: بس لو قولتله هياخد مني مراد ومش هشوفه
تاني .....لا مش هقولة
ثم تابعت في إصرار
مليكة : مراد كل حياتي ومتقدرتش تاخده مني
هتف سليم بتفاخر بعدما جلس واضعاً قدماً علي قدم وكأنه يريد أن يُعلمها منزلتها ومكانتها
سليم: مش هتقدري تمنعيني لو صممت
وخصوصاً لو الموضوع وصل للمحاكم مش هتعرفي تعملي أي حاجة وأنا ممكن وبكل سهولة أجيب شهود ضدك وأخلي المحكمة تتأكد إنك مش أم مناسبة لمراد وأخده منك دا لو حابة نمشي الموضوع قانوني وإنتِ أكيد عارفة إني أقدر
صاحت به مليكة بتقزز
مليكة: الفلوس مبتشتريش كل حاجة يا سليم بيه
إبتسم سليم بثقة وتطلع إليها بترفع
سليم: هي فعلاً مبتشتريش كل حاجة بس هتخليني أخد اللي أنا عاوزه
صاحت به مليكة بهستيرية
مليكة بغضب: إنتَ بني آدم حقير ووقح وبارد ومعندكش دم
ثم رفعت يدها وهمت بصفعه ولكنه هب واقفاً ممسكاً بيدها متمتماً بهمس يشبه فحيح الأفاعي أرسل الرجفة في جسدها الهزيل
سليم: أحسنلك مترفعيش إيدك تاني
رفع رأسه بكبرياء وتمتم بجمود
أنا همشي دلوقتي وهاجي تاني لما تكوني هديتي ونعرف نتكلم كلام ناس كبار عاقلين وأعتقد إن عندي حل هيكون مناسب لجميع الأطراف
مليكة بحدة : متجيش هنا تاني وإنسي إن ليكِ أي قرابة بمراد
رد سليم بهدوء وكأنه لم يسمع كلماتها الأخيرة
سليم : سلام مؤقتاً
وتركها وإنصرف فتهاوت أرضاً وهي تحتضن نفسها
باكية .........هي لا تستطيع تركه حتي إذا إضطرت الي العمل في عدة وظائف وعدم النوم حتي توفر له حياة
كريمة .........كيف يمكنه أن يتهمها بأنها تعبت من رعايته.......كيف يمكن لأي إنسان في العالم أجمع أن يكن بمثل هذه العجرفة والوقاحة والقسوة
خرج مراد علي صوت شهقات والدته راكضاً ناحيتها بفزع
مراد : مامي إنتِ ليه بتعيطي ....هو الراجل دا ثرير
إحتضنته مليكة بحب بعدما جففت دموعها بهدوء
مليكة: لا يا روح مامي مبعيطش متخافش
فتابع مراد بغضب بعدما نفخ أوداجه بطفولية
مراد : ملاد مبيحبث الراجل دا علثان هو ثرير
قبلته مليكة وإحتضنته بقوة وبعدما إستجمعت قوتها ونهضت عن الأرض عاقدة العزم ألا تترك مراد يضيع منها مهما كلفها الأمر
سمعت صوت هاتفها
عائشة بسعاة : كويس إنك رديتي بسرعة يا مليكة
مليكة بوهن : خير يا عائشة
عائشة بحماس : هاتي مراد وتعاليلي دلوقتي حالاً
تابعت مليكة بألم
مليكة : مش قادرة أروح في حتة والله يا عائشة
هتفت عائشة بحماس
عائشة : إسمعي الكلام بس وتعالي محمد لقالك شقة لقطة جمبي هنا وبإيجار 800 جنيه في الشهر
تهللت أسارير مليكة بسعادة وكأنها تُشبهُ سحابة على وشكِ أن تنهالَ بالمطر لكن عوض الله جائها كضوء الشمس ضمَّها ومنعها منَ الإنهيار
هتفت بها بسعادة
مليكة : إنتِ بتتكلمي جد
صاحت عائشة بحماس
عائشة : أه والله يلا بقي بسرعة
هتفت مليكة بحماس أكبر
مليكة: جايالك حالاً
أغلقت الهاتف وخرت ساجدة للمولي علي نعمته
فنثرت علي وجهها بضع قطرات من الماء وإرتدت ثيابها وأخذت مراد وتوجها مسرعين لعائشة
طرقت علي الباب ففتحته الأخيرة التي تغيرت ملامحها ما إن رأت مليكة
عائشة بهلع : مالك يا مليكة عينك مالها إنتِ معيطة
تنهدت مليكة بأسي
مليكة: مش وقته دلوقتي يا عائشة
فهتف مراد بضيق
مراد : كان في راجل ثرير عندنا وهو الي زعل مامي وخلاها تعيط ومراد مث بيحبه أبداً
ضيقت عائشة عيناها بريبة بعدما رفعت حاجبيها
ناظرة لمليكة بتوجس........فتابعت مليكة بوهن
مليكة: خلينا ندخل الأول يا عائشة وبعدين هحكيلك كل حاجة
وبالفعل دخلا سويا فكان محمد زوج عائشة جالساً مع صاحب المنزل يتفق معه علي التفاصيل ويحاول أن يخفض من نسبة الإيجار قليلاً.....وبالفعل كتبا العقد وإتفقا علي كل شئ
هبط محمد مع الرجل كي يوصله ويتوجه بعدها الي عمله
***********************
في المنزل
عائشة : خدي بقي أشربي اليمون دا وقوليلي فيكي إيه
إنفجرت مليكة باكية وأخذت تقص عليها كل ما حدث
عائشة بهدوء : إنتِ غلطانة يا مليكة في حد يقول لراجل صعيدي كدة
هتفت بألم
مليكة : خفت يا عائشة.........خفت لياخده مني
وتابعت بإنهيار
مليكة : مش هقدر........مش هقدر أسيبه والله يا عائشة
إنتِ عارفة إنه حياتي كلها وإننا وهو ملناش غير بعض دا هو الحاجة الوحيدة اللي بقيالي من تاليا الله يرحمها
ثم تابعت بغضب غلفه الكره
وبعدين عمه دا راجل قاسي ووقح ومعندوش قلب وحتي لو أخده مني مش هياخد باله منه إنتِ مشوفتيهوش كان بيتكلم إزاي ....كل كلامه فلوس وبيزنس بس
ثم تابعت بأسي وإحباط...... ولن يضر بعض الحنق أيضاً مما آلت إليه حياتها
أنا عارفة إني مش هعرف أوفرله ربع الحياة اللي هو هيوفرهالوا بس أنا بحبه وهعمل كل حاجة علشانه إنما هو معتقدتش
إحتضنتها عائشة محاولة أن تُهدئها قليلاً
عائشة : إهدي يا مليكة وبعدين دا عمه برضوا يا حبيبتي متخافيش معتقدتش أصلا إنه هياخده إهدي إنتي بس
زفرت مليكة بقوة وهي تحتضنها متمتمة بذعر
مليكة : معرفش يا عائشة أنا خايفة أوي
ثم إقترحت عليها أن تنتقل لمنزلها الجديد من هذه الليلة كيلا يستطع أن يصل إليها بعد الأن
لاقت تلك الفكرة إستحسناناً بالغاً لدي مليكة
التي توجهت فوراً لمنزلها القديم كي تحزم أشيائها بعدما تركت مراد لدي عائشة
بعد عدة ساعات حضرت شركة الشحن وحملت أشيائها وتوجهت الي منزلها
وبعد عدة ساعات أخري من الترتيب كان كل شئ قد تم إعداه فتوجهت بعد ذلك الي منزل عائشة لأخذ مراد
*************************
عادت مليكة الي منزلها وخلدت متعبة لفراشها بعدما وضعت مراد في الفراش
في صباح اليوم التالي إستيقظت مذعورة بسبب رؤيتها لكابوس يُؤخذ فيه مراد منها
تطلعت الي جوارها فوجدت مراد قد إستيقظ بالفعل وبدأ في روتينه اليومي في جذب شعراتها كي تستيقظ
تناولا الإفطار سوياً ثم ألبسته وإنطلقت الي منزل عائشة لتتركه بعهدتها حتي عودتها من العمل
مرت عدة أيام بعد إنتقال مليكة الي منزلها الجديد
مرت عليها وكأنها دهور كانت مذعورة من أن يعرف سليم هذا مكانها هي تعلم جيداً أن أمثال هذا الرجل لديه ما يكفي من السلطة لتقفي أثر فتاة مذعورة وطفلها......لهذا كانت تقفز فزعة عند سماعها جرس الباب
تخشي أن تفتحه ويكون الطارق سليم فيأخذ منها مراد وللأبد ولا تستطيع رؤيته مرة أخري
فحقاً تعبرك أيام ضجيج العالم فيها يبدو كالعدم....ولا يعد مسموعاً....إذ أن ضجيج داخلك يطغو على المشهد.... روح تصرخ....قلة حيلة....تخبط وحيرة..!
***********************
في أحد الأيام بعد عودة مليكة من العمل وصلت الي منزلها بعد أن مرت علي عائشة لأخذ مراد
وبعد تناول الغداء حملت مراد لتحممه بعد تلك الحرب الداهمة التي تقوم بينهما بسبب هذا الموضوع فهو يعتقد أنه أصبح رجلاً كبيراً الأن ولا يحتاج لمساعدة مليكة في تحميمه
دلفا سوياً للداخل وأخذا يلعبان بالماء والصابون وفجاءة سمعت جرس الباب
مراد: مامي الباب بيرن
هتفت مليكة بحنق
مليكة: مش وقته خالص يا عائشة
ثم التفت لمراد متابعة في حزم
مراد يا حبيبي متتحركش من هنا خالص ثواني ورجعالك
خرجت مسرعة لإحضار إزدالها فإرتدته و خرجت لفتح الباب
ففتحت الباب مسرعة وهي تتمتم في عجالة
مليكة: أدخلي يا شوشو بسرعة وإقفلي الباب علشان مراد
جائها صوته في نبرة حادة وحازمة
سليم: لا أنا مش شوشو
****************************
الفصل دا كان برعاية المثل المصري الشهير جالك الموت يا تارك الصلاة 😂😂😂💔
تفتكروا سليم هيعمل ايه ؟؟!!
وإية هيكون رد فعل مليكة
لايك قبل القراءة وكومنت بعدها حلوياتي 😍❤
الفصل الثالث
دلف الي الداخل مغلقاً الباب بقدمة
كادت مليكة أن تفقد وعيها خوفاً في هذا الوقت
فنظر سليم حوله بإزدراء وتمتم بعجرفة تتخلها سخرية بالغة
سليم: إنتِ فاكرة إنك كدة هربتي ومش هعرف مكانك......واضح إنك لسة متعرفينيش
تراقصت الكلمات علي شفتيها توتراً مهمهمة بكلمات غير مترابطة
مليكة بتوتر ظاهر: لا..... أنا..... يعني... قصدي
تابع سليم بغرور
سليم: أنا قولت أسيبك شوية بس تتعودي علي شقتك الجديدة وبعدين أبقي أجيلك علشان نكمل كلامنا
سكت هنية ثم تابع بإزدراء
سليم: إيه مش هتقوليلي أقعد
وهنا هتف مراد مستدعياً والدته
مراد: مامي..... مامي إنتِ روحتي فين
أجابته مليكة المضطربة بقلق
مليكة : جاية أهو يا حبيبي ثواني
تمتمت بإرتباك
مليكة : إتفضل ومعلش إديني ربع ساعة وهبقي معاك إعتبر نفسك في بيتك
فتابع باسماً بسخرية
سليم: أكيد براحتك
عادت مليكة الي المرحاض مرة أخري لمراد
الذي أخذ يضحك مستفسراً عن الشخص الموجود بالخارج.......بعد حوالي عشرون دقيقة كانت مليكة أنهت تحميم مراد وبدلت ملابسه ووضعته في فراشه ثم توجهت لسليم
إعتذرت منه بخجل
فتابع هو بعدم إهتمام
سليم: محصلش حاجة
ثم تابع بجدية إمتزجت بسخرية أو حتي إزدراء أو الإثنين معاً
لم تستطع مليكة التحديد وقتها
سليم: ياريت تكوني فكرتي بعقل في كلام المرة اللي فاتت ولو فاكرة إنك لما تمشي من البيت مش هعرف إنتِ فين تبقي غلطانة
ثم تابع بثقة
من أول ما شوفتك وأنا عارف إنك عنيدة وهتعملي كدة علشان كدة خليت حد يراقبك
إتسعت حدقتاها ثم شهقت فزعة حينما أردفت بصدمة
مليكة : أنا... أنا كنت متراقبة
نظرت إليه في حدة وتابعت بإزدراء
وياتري بقي اللي راقبوني دول قالولك كام راجل جالي الفترة اللي فاتت
رفع سليم حاجبه بعجرفة وتابع بسخرية
سليم : واحد بس ومكنش مبسوط لما نزل من عندك
شبكت ذراعيها أمام صدرها في حركة منها لحماية قلبها الجريح إهانة هاتفة بسخرية تحاول أن تبتلع بها غصة تكونت في قلبها
مليكة : بجد لا من الواضح إن مستوايا بقي في النازل أصل في العادة كلهم بينزلوا من عندي مبسوطين وبيرجعوا تاني
تحدث بحدة وبصوت هادر جعلها ترتجف خوفاً
سليم: متتكلميش بالطريقة دي معايا يا مليكة
لمعت عيناها بالغضب وصاحت بحدة أكبر
مليكة: وليه لا مش إنت فاكر إن الرجالة بيزوروني علشان كدة وبس ولا إيه
هتف هو جازاً علي أسنانه بنفاذ صبر
سليم: أنا مقولتش كدة
صاحت به بغضب حانقة
مليكة : كلامك معناه كدة
هز رأسه في نفاذ صبر
سليم: لو كنت شاكك لواحد في المية كنت أخذت مراد فوراً
زفرت بحنق ثم سألته في حزم
مليكة : ممكن أفهم إنت ليه جاي دلوقتي
تمتم بأريحية
سليم: جاي علشان نكمل مناقشتنا
صاحت به بحدة
مليكة: وأنا قولت كل اللي عندي يا أستاذ سليم
هتف سليم بجمود
سليم: بس أنا لا
تابعت بضيق
مليكة : ياريت تقول إنت عاوز إيه بالظبط
جلس بأريحية علي تلك الأريكة المتهالكة الموجودة في غرفة الصالون وتابع بهدوء
سليم: عاوز إيه دا سؤال كويس وأنا هجاوبك عليه
أنا عاوز أعمل لمراد مستقبل وأبنيله بيت ويبقي عنده عيلة كاملة.....
ثم تابع بنبرة يحاول فيها إستعطافها ومخاطبة غريزة الأمومة لديها
يعني أكيد لو أخدته البيت معايا كابن حازم كل الناس هتعرف الحقيقة ومراد طفل جميل يعني يستحق يعيش حياة أفضل من إنه يكون مجرد غلطة
إعتدل في جلسته وهتف حازماً
وعلشان كدة أنا دلوقتي بتقدم لمامته وهكتبه بإسمي ويبقي ابني
حدقت مليكة فيه برعب وهتفت بعدم تصديق
مليكة: إيه... لالالالا إنت أكيد بتهزر مينفعش أصلا تكون بتتكلم جد
إرتفع حاجبيه بعجرفة وأطبق شفتيه تعبيراً عن عدم رضاه
سليم: لا أنا بتكلم جد وفي الأخر الإختيار ليكي يا إما هاخده يا إما نتجوز
نظرت مليكة الي الوجه القمحي لهذا الرجل الكريه الذي له القدرة علي تدمير حياتها فلم تلاحظ أي لين لديه فمن الواضح أنه يعني ما يقول ومن الواضح أكثر أنه يريد مراد وبشدة فهو يشبهه كثيراً فمن يراه يؤكد أنه ابنه لا محالة
وإذا أخبرته الأن أنها ليست والدته سيأخذه حتماً وبلا رجعة فمن الأفضل لها في الوقت الراهن إبقاء هذه المعلومة لنفسها
أحست بشفتيها جافتان وأنه من الصعب أن تنطق بتلك الكلمات
مليكة : ليه..... يعني أقصد عاوز تعمل حاجة زي دي ليه
حرك كتفاه بعدم إهتمام مطبقاً شفتاه بتعبيراً يدل علي سهولة الموضوع لديه بعدها أردف ببرود
سليم ببردو: وليه لا
صمت هنية ثم تابع يطالعها بتوجس
أوعي تكوني فاكرة إننا بعمل كدة علشانك
تابع ساخراً.....محتقراً إياها
لا أنا بعمل كدة علشان مراد إنما إنتِ كشخص متعنيليش بالمرة
رمقها بإزدراء سمح له بوضوح أن يطل من عينيه
أنا أصلي مبحبش الحاجة المستعملة
إبتلعت الغصة التي كادت أن تمزق قلبها لأشلاء
وأجادت رسم القوة بوضوح علي معالم وجهها متابعة في سخرية
مليكة: وياتري بقي سليم بيه متعود علي إيه
ثبت بصره عليها في تحدي وهتف بسخرية أكبر
سليم : أكيد حازم قالك قبل كدة
إحمرت غضباً من لهجته الساخرة
مليكة: مفتكرش إننا إتكلمنا عن حياتك الشخصية
رمقها بإزدراء وهتف بنبرة عزم فيها أن يقتل أخر ما تبقي لها من كبرياء
سليم: فعلاً عندك حق إزاي تفتكري كلام راجل إنتِ أصلا مش فاكراه
لم تجيبه مليكة فقد شعرت بغضب شديد وكادت أن تصفعه ولكنها تراجعت في اللحظة الأخيرة كيلا تغامر بفقدان مراد
إكفهر وجهه غضباً وإشتدت خضرة عيناه وهتف بسخرية أكبر
سليم : من الواضح إن حازم الله يرحمه كان مهمل في علاقاته الفترة الأخيرة أنا مسمعتش عنك خالص منه ......إنتِ بتشتغلي إيه
تابعت مليكة في هدوء
مليكة: بشتغل سكرتيرة
تابع باحتقار وسخرية
سليم: واضح إن البنات اللي من النوع دا كانوا بيشدوا حازم الله يرحمه
أحست مليكة بالتوتر للهجته المحتقرة
سليم: وإنتِ أكيد حابة ترجعي لشغلك
مليكة بصدق : لا خلاص دلوقتي الوقت إتاخر وعندي مراد هو كل حياتي
بدأ علي سليم الضجر لحديثها
سليم: إنتِ مش مضطرة علي فكرة إنك تمثلي إن مراد هو كل حياتك وإنك مكرسة كل حياتك ليه
همت مليكة بالتحدث فرفع يده ليصمتها
سليم: أنا دلوقتي إديتك فرصة بين إختيار ابنك وبين إنك تسيبيه
أخذت مليكة تروح وتجئ أمام شرفتها
ثم توققت محدقة به في ضيق إمتزجت به الدهشة
مليكة: إنت ليه بتتعامل مع الوضع ببساطة أوي كدة علي فكرة الموضوع مش سهل زي ما إنت فاكر
سليم : أه فهمت إنتِ مخطوبة
أردفت بدهشة وهي تطالعه بإحتقار
مليكة: لا
سليم بسخرية: يبقي مصاحبة
مليكة بغضب: لا طبعاً
نفض سليم يديه متعجباً وهتف بتفاجؤ
سليم: بجد إنتِ كل شوية بتفاجئيني
تطلعت إليه مليكة وكأنه يمتلك سبع رؤوس
مليكة: أكيد يعني متتوقعش مني إني أتجوز واحد معرفوش غير من كام يوم ومعرفش عنه أي حاجة غير إنه عم مراد
صاح بها سليم بضيق
سليم: متتصرفيش بهستيرية يا مليكة عاوزة تعرفي عني معلومات........... بسيطة جداً
ثم تابع في عجرفة
اسمي وعرفتيه
أعذب أكيد........ عندي 35سنة...... عندي شركات في كل حتة تقريباً والحقيقة إن نصهم بتاعي وفي 3 بس بتوع العيلة وأنا أخدتهم وكبرتهم وفتحت لهم فروع في كل حته وطبعاً بيساعدني ابن عمي ياسر
وأكيد بحكم شغلي........بسافر كتير بس عندي بيت هنا بقعد فيه لما بنزل القاهرة.......لما بنزل القاهرة بنزل كام يوم كدة الصعيد علشان أشوف أهلي وأشوف أمور الكفر
لما نتجوز هتقعدي إنتِ ومراد في البيت اللي هنا وكمان هجيب لمراد مربية مقيمة علشان تقعد معاه وتخلي بالها منه
صاحت مليكة محتجة
مليكة: ودا اللي لا يمكن أوافق عليه أبداً يعني لو وافقت علي فكرة جوازي منك اللي هي في حد ذاتها مُنافيه لأي عقل أصلاً فهفضل أنا الي هَرَبي مراد وهاخد بالي منه
زفرت في غضب وضيق
مليكة: أنا لو عاوزة أعمل كدة كنت رجعت إسبانيا وجبتله مربية وكملت شغلي
كل الفكرة إننا مش مؤمنة بإن الأهل يستخدموا دادة ولا مربية أياً كان المسمي علشان يربوا ولادهم دا غير إني هبقي بظلم مراد لو عملت معاه كدة في الوقت دا لأنه إتعلق بيا جداً
سليم بسخرية: واضح إن معندكيش اختيار
الكلام اللي بتقوليه دا ميسبلكيش أي فرصة إنك تختاري
نهض سليم فسارعت ملكية بالقول
مليكة بتوسل: طيب إحنا ممكن نوصل لحل وسط إنت عرفت عنواننا خلاص.... ومراد ابن اخوك ومش همنعك عن زيارته في أي وقت تقدر تيجي تشوفه وتبقي أخدت بالك منه وإهتميت بيه من غير جواز
تابع سليم بنفاذ صبر لحماقتها
سليم: أكيد لو كان ممكن كنت عملتها من غير ما تقترحي لكن شبه مراد بعيلتنا واضح أوي فهو ياما ابني ياما ابن حازم الله يرحمه وفي الحالة دي من الافضل إنهم يفتكروه ابني أنا......حازم أه كان متجوزك بس كان عنده خطيبة في الصعيد وهتضايق لما تعرف إنه كان خاطبها هناك ومتجوزك هنا
يمكن يكون دا عادي هنا بس عندنا الخطوبة زي الجواز بالظبط
مليكة بغضب: لو كنت ناسي فأحب ألفت نظرك إن اخوك هو اللي جه وإتجوزني يعني مينفعش تلوم الست علي وضع هي إتحطت فيه أبداً
رد سليم بحزن
سليم: أنا عارف علشان كدة من واجبي إني أخلي بالي منك ومن مراد
زفر بأسي وكسي الحزن نبرته
وبما إن حازم مبقاش موجود علشان يواجه مسؤلياته فأنا هعمل كدة بالنيابة عنه
مليكة بحنق: إنت ليه بتتكلم عن الموضوع كأنه غلطة أو بيزنس مش حب مثلاً
سليم بإزدراء : إنتِ عاوزة تفهميني إنك حبيتي حازم
تابعت بثقة محاولة أن تستفزه لتجعله يكرهها بل ويقرر أنها ليست الزوجه المناسبة
مليكة: يعني أعتقد إن مراد أفضل دليل علي الموضوع دا يعني أصل مفيش واحدة ست هتدي لطفل فرصة إنه يعيش ويخرج للدنيا ويشوف النور إلا لو كانت بتحب باباه.......يعني علي الأقل هي مش مضطرة لو مبتحبش باباه وخصوصاً في الأيام دي الموضوع بقي سهل جداً
رمقها سليم بإزداء أصابها في مقتل وتابع بإحتقار
سليم: دا بالنسبالكم إنما بالنسبالي أي طفل سواء كان جاي نتيجة لحب أو خلافه ليه حق إنه يعيش ويشوف النور
صمت هنية ثم تابع
سليم: يعني إنتِ بتقولي إنك كنتي بتحبي حازم مع إنك برضوا مكنتيش عارفة إذا كان مراد ابنه ولا لا
علي كدة بقي إنتِ حبيتي كل الرجالة اللي كانوا في حياتك
ردت مليكة بخشونة وغضب
مليكة: لو كان رأيك فيا حقير بالشكل دا يا سليم بيه مش هتبقي مخاطرة منك إننا نتجوز ولا إيه
ثم تابعت بسخرية
يعني مش خايف علي سمعتك
أمسك سليم ذراعها في قوة وشراسة
سليم: ومين قالك إني هسمحلك تعملي أي حاجة إنتِ هتعيشي في بيتي تحت عيني
صاحت به بنبرة تحمل الغضب والإحتقار معاً
مليكة : أه وإنت بقي هتعمل إيه
سليم بتلقائية: هكون بشتغل يا إما برة يا إما هنا يا إما مسافر وهبقي أجي أزوركوا من وقت للتاني
يعني متفتكريش إني هتصرف كزوج مثالي علي طول في البيت جمب عيلته أنا عندي شغل
مليكة بدهشة : إيه؟؟!
تابع بهدوء
سليم: احنا بس هيبقي مطلوب مننا إننا نوري الناس اننا بنحب بعض وخلاص
هتفت بغضب قد بلغ منها مبلغه
مليكة : لا مش بالنسبالي
أنا مش هعمل كدة.......أنا مش مضطرة إني أبين إني بحب واحد أنا بك.........
صمتت هي فتابع هو
سليم: سكتي ليه بتكرهيه مش كدا
عاوزك تكوني واثقة إن الشعور متبادل
تابع بلهجته المحتقرة إياها
سليم: أنا متاكد إن اخويا كان بيحبك بس أكيد مكنش يعرف نوعيتك إيه
نهض مرة اخري
سليم : أنا همشي دلوقتي علشان أبدأ أجهز إجراءات الجواز وهجيلك علي السبت
مليكة بتوسل: لو سمحت سيبني أفكر شوية الموضوع كله مفاجئ
سليم بسخرية: مفاجئ؟؟؟؟؟؟
إنتِ متوقعتيش إن دا اللي هيحصل وإنتِ بتكتبي رسالتك ولا إيه
أردفت بصدق
مليكة: لا أكيد لا.....أنا توقعت إن حازم الله يرحمه لسه عايش وهيساعدني بس لحد ما أتصرف
تابع سليم متسائلا بدهشة
سليم: وليه إحتاجتي المساعدة دلوقتي بالذات ومراد داخل علي أربع سنين زي ما قولتي.......ليه مطلبتيش المساعدة من ساعة لما إتولد
أه صحيح إفتكرت مكنتيش واثقة إن حازم باباه
حتي لو كدة برضوا ليه كانت رسالتك مستعجلة
تابعت مليكة غاضبة
مليكة: البيت اللي كنت قاعدة فيه صاحبته طلبت مني أسيبه في خلال أسبوع ووقتها مكنش عندي مكان تاني أروحه فقررت إني أبعت لحازم علشان يساعدني مؤقتاً بس لحد ما ألاقي بيت تاني
ثم تابعت في أسي بنبرة قتلته في الصميم
ولو كنت أعرف إن كل دا هيحصل مكنتش بعتت الرسالة
نفض عن رأسه كل تلك الأفكار بضمها إليه ومواساتها وتابع بجمود
سليم: دلوقتي لازم تختاري بين إنك تخسري مراد ابنك او إنك تتجوزي واحد بتكرهيه .....أصلا انتي اللي عملتي كدة في نفسك كان لازم تعرفي من الأول إن ملكيش مستقبل مع حازم
******************************
سليم شكله ناوي لمليكة علي نية سوداء وشكله كدة بيلعب في عداد عمره إنتوا إيه رأيكوا 😂😂😂💔
لايك قبل القراءة وكومنت بعدها❤😍
الفصل الرابع
رفعت حاجبها بدهشة وتابعت بتساؤل
مليكة: وليه كان لازم أعرف من الأول وليه مليش مستقبل معاه
إستطرد سليم شارحاً بهدوء
سليم: أولاً لأنه كان خاطب وزي ما قولتلك الخطوبة عندنا زي الجواز بالظبط
ثانياً حازم مات قبل فرحه بإسبوع ومتفتكريش إنك إنتِ الوحيدة اللي كنتي في حياته
تنهد بعمق وتابع بأسي مرفرفاً بأهدابه في ضيق
للأسف كان في غيرك كتير
تابعت هي بثقة
مليكة: ودا يدل علي إنه محبش خطيبته أبداً
حدق بها بسخرية وكأنها تأتي من الفضاء وهتف بدهشة
سليم: حب؟حب إيه ومسخرة إيه ؟؟؟ وإيه علاقته بالموضوع
أردف متابعاً بآلية
فرحة بنت طيبة ومن عيلة كويسة وكانت هتجيب لحازم أولاد كتير يشيلوا اسم عيلتنا
ضحكت مليكة بسخرية
مليكة : وطبعاً صفاتها دي مش عندي
رمقها بإحتقار وإزدراء وتابع بسخرية
سليم: من الواضح إن صفاتك التانية كانت مهمة ليه أكتر في الوقت دا
نظر الي ساعته ثم هب واقفاً في شموخ
سليم: أنا عندي ميعاد مهم جداً ولازم أمشي هجيلك تاني ويا إما نتجوز يا إما هاخد مراد وحياتك إنتِ حرة فيها
وأنا لو منك أوافق يعني إحنا هنتجوز وهتيجي تعيشي في بيت كبير مش هتعملي فيه أي حاجة
رمقها بإحتقار وتابع ساخراً
أعتقد إن دي فرصة كويسة جداً ليكي
***************************
شعرت مليكة بفراغ كبير في غرفتها بعدما رحل وقامت بمهاتفة عائشة لإخبارها بما جري
فهتفت تسألها وماذا بعد .....ذلك السؤال الذي إحتاجت مليكة وبشدة لأحد ما كي يعطيها إجابته
أردفت مليكة بضياع
مليكة: مش عارفة أي حاجة المشكلة إنه مصمم
تابعت عائشة بهدوء
عائشة : إنتِ لازم تقوليله كل حاجة يمكن وقتها يغير رأيه
أردفت مليكة بثقة مما إستطاعت تكوينه عن شخصيته
مليكة: سليم إستحالة يغير رأيه وأنا لو قلتله دلوقتي يبقي بسلمه مراد بإيدي
زمت عائشة شفتيها بإضطراب ثم أردفت متسائلة
عائشة : طيب وهتعملي إيه
تنهدت مليكة بعمق بعدما رفرفت بأهدابها بحركة دليل علي عدم إرتياحها وإضطرابها العارم
مليكة: مش عارفة بس هفضل أحاول لحد أخر نفس
أغلقتا الهاتف وتوجهت مليكة لتحضير طعام الغداء
لم تعرف لما تشعر بالراحة الأن فلقد كانت تشعر بأنها تكاد تفقد عقلها في الأيام الماضية وراحت تتسائل
أ حقاً إستراحت بعدما عرف سليم بمكانها.....فحقاً وقوع البلاء أفضل من إنتظاره
************************
في صباح اليوم التالي
أخذت مراد الي الحديقة المقابلة لمنزلهما
وقضيا اليوم كله سوياً في الخارج فكان كلاً منهما يحتاج الي ذلك........فلقد أخذت مليكة وقتها في التفكير بهدوء......أما مراد فلقد إستنشق بعض الهواء النقي الذي كان يحتاجه في هذه الفترة
أخذت مليكة تطالع مراد يلعب من حولها وهي تفكر بأنها لن تكون أنانية لتلك الدرجة لتحرم مراد من أن يكن له والداً فهي أكثر شخصاً في هذا العالم يمكنه الشعور بمدي قسوة ألا يكن لك والداً أو حتي عائلة تستمد منها الحب والأمن والقوة في لحظات الضعف والإنكسار ....ولا يمكنها أن تحرمه من أن يكن له عائلة يعيش داخلها.....عائلة ترعاه وتهتم به وتحبه....... وأسرة دافئة يترعرع وسطها
هي تعرف كل المعرفة أن سليم سيوفر لمراد المستوي المعيشي الذي لا يمكنها أن تحلم بتوفيره لها علي الأقل في الوقت الراهن وهي يمكنها أن تعطيه كل الحب والحنان الذي يحتاجة
لهذا ستوافق وتضحي بكل شئ لأجله
*********************
في صباح اليوم التالي
ذهبت الي عملها متأخرة بعض الشئ ويبدوا عليها التعب والإرهاق
جلست الي مكتبها في هدوء لتتابع عملها
فتابع مدير عملها يسأل في هدوء بعدما جلس مقابلها بأريحية علي أحد المقاعد
ابراهيم: شكلك مرهق يا مليكة قبل حتي ما تبدأي شغل
جفلت لكلماته وتسألت في سخرية أ حقاً تبدو مثيرة للشفقة لهذه الدرجة حتي أن الارهاق يظهر بذلك الوضوح علي قسماتها......فعيناها البائستين لم تحظيا حتي بدقائق لتغمض أمساً من كثرة ما تشعر به من قلق فاليوم هو اليوم الوعود.....اليوم يوافق السبت
هتفت في أسف تحاول البحث عن أعذار واهية
مليكة: أسفة جدا والله بس مراد
إبتسم إبراهيم ضاحكاً بهدوء
إبراهيم: إيه المرة دي
لقد مر ابراهيم بهذه التجارب مرتين لطفلين مختلفين أحدهما في العاشرة والأخر في الثالثة عشر ويعلم كم هو ممتع هذا الأمر للأطفال ومرهق للأباء
مليكة: قرر الساعة 3الفجر إن دا وقت اللعب وشوف بقي إزاي هتقدر تقنع طفل إنك تعبان وإن الساعة 3الفجر مش وقت مناسب للعب أبداً
وضع يده بأريحية علي قدماه وأردف ضاحكاً
ابراهيم: إنتِ هتقوليلي أنا أكتر حد عارف الموضوع دا
إعتدل في جلسته وهتف متسائلاً في توجس
إبراهيم: مليكة هو فين بابا مراد يعني مسمعتكيش بتجيبي سيرته قبل كدة
جفلت لسؤاله وإرتفع رجيفها إضطراباً ولكنها تمتمت بهدوء جاهدت أن ترسمه علي ملامح وجهها ثم أردفت محاولة إخفاء توترها
مليكة : لا عادي بس هو مسافر
حدق بها متسائلاً في دهشة
ابراهيم: مسافر وسايبكوا
زمت شفتاها بتعبير عن عدم رضاها.....فأكثر ما يزعجها هو التطفل الذي تلاقيه من بعض الناس
مليكة: مسافر علشان مشغول بشغله
وأخيراً قرر حظها أن يساندها بالوقوف جانبها فنهض ابراهيم ناظراً في ساعته متمتماً في عجالة
ابراهيم: أنا عندي إجتماع دلوقتي ولما أرجع نبقي نكمل كلامنا
إبتسمت مليكة في صمت وهي تومئ برأسها في هدوء وحمدت الله في داخلها أنه رحل الأن ولن يكمل إستجوابها
حضر ابراهيم بعد إستراحة الغداء......كان في حالة مزاحية مرحة بعد عودته
وبدون أن تتفوه بحرف حضرت له فنجان قهوة مرة ووضعتها أمامه
صاح بها متسائلاً بدهشة
ابراهيم: بس أنا مطلبتش قهوة
فتابعت هي بحزم
مليكة: أشربة يا أستاذ إبراهيم هيفيد حضرتك جداً
حدق بها بدهشة هاتفاً بغضب
ابراهيم: إنتِ بتلمحي إني سكران
لم تعرف بما تجيبة فرأت أن الإبتعاد عن طريقه في هذا الوقت سيكون من أفضل الحلول التي يمكنها تنفيذها لأنه في هذه الحالة يصبح مزعجاً هكذا أخبرتها سكرتيرته السابقة ولكنها لم تلحظ يده التي امتدت سريعاً لتجذبها كي تجلس علي ركبتيه
صاحت به مليكة في صدمة ورعب
مليكة: إيه اللي إنت بتعمله دا
نهض بها وهو مازال يمسكها
ابراهيم: إيه يا ميمي مالك معترضة ليه يعني أهو إعتبريه تعويض عن الحمار جوزك اللي مسافر وسايبك هنا لوحدك
صرخت به مليكة بإحتقار وهو تحاول الفكاك من بين قبضتيه بإستماته
مليكة: إخرس وإياك تتكلم معايا كدة أبداً إنت إتجننت
هتف بها ابراهيم بهدوء محاولاً إستمالتها
ابراهيم: إيه بس يا ميمي مالك
صرخت مليكة وقد بلغ منها الغضب مبلغه
مليكة: إخرس ومتقوليش يا ميمي وسيبني أمشي
وأخيرا إستطاعت الفكاك منه فركضت مسرعة نحو الباب ولكنها إصطدمت فجاء بجسد طويل عريض وصدر قاسي
****************************
تفتكروا مين الي جه ؟؟!
لايك قبل القراءة وكومنت بعدها حلوياتي❤😍
الفصل الخامس
رفعت نظرها الي العينين الخضراوتين الناظرتين إليها في إشمئزاز والي الشخص الأخر في غضب
لم تعرف لما ولكنها فجاءة إختبأت خلفه فقد كانت حقاً تشعر بالرعب الذي شعر به هو من إرتعادة يديها الممسكتين بثيابه..........لانت عيناه ناحيتها وإزدادت نظراته الغاضبة تجاه ذلك الشخص الأخر
إنفجر إبراهيم غاضباً وهتف به في سخرية
إبراهيم: إنت مين بقي إن شاء الله وبتعمل إيه في مكتبي
زم شفتاه دليلاً علي عدم الرضي ثم أردف في غرور بنبرته الرجولة المرعبة
سليم: أنا سليم الغرباوي.....وإنت اللي مين وكنت بتعمل إيه لمراتي
نظر إبراهيم لمليكة مدهوشاً وكذلك كانت هي
هاتفاً به في دهشة
إبراهيم : مراتك!!!!!
نظر لمليكة بدهشة ثم تابع يسألها
بس إنتِ...... يعني...... أقصد إنك قولتيلي إن جوزك مسافر
نظر سليم بتكبر الي الرجل المحمر وجهه وتابع بإزدراء
سليم: مكنتش أعرف إن مليكة لازم تقولك وتبررلك اللي بيحصل في حياتها الخاصة.......إلا طبعاً ليه هي هتقدم إستقالتها دلوقتي
نظرت إليه في ذهول فسرورها لقدومه وتخليصها من هذا الوضع السخيف تحول الي ريبة
تري ماذا سيفعل وكيف وصل إليها فلا أحد يعرف عملها إلا عائشة......لكن مستحيل أن تكن قد أخبرته أحست أنه لن ينتظر أكثر ليسمع قرارها
حقيقة لديه كل الحق فإبراهيم كان مُهيناً لها للغاية وملاحظاته وتصرفاته أوقح من أن تكمل في عملها لديه
هتف إبراهيم يسأل في دهشة
إبراهيم: إستقالة.......إستقالة إيه
رد عليه سليم في برود
سليم: الإستقالة اللي هتكون علي مكتبك النهاردة يا أستاذ بس تصرفاتك خلت حتي الاستقالة ملهاش لازمة
نظر لمليكة قائلاً بحزم
سليم: يلا علشان نمشي
تحركت في توتر وإلتقطت حقيبتها وهاتفها
ولحقت بسليم الذي تحرك ناحية الباب
وقف إبراهيم معترضاً طريقها وهم كي يمسك بيدها فامسكها سليم قبل حتي أن توضع علي يد مليكة
لابد أن عجرفة سليم كانت أقوي من القهوة المرة في إعادة إبراهيم الي صوابه
فهتف بها أسفاً تبدو علي ملامحه الخزي
إبراهيم: أرجوكي يا مليكة سامحيني أنا فعلا أسف أنا مش عارف أنا عملت كدة إزاي أنا أسف سامحيني
تراجع عنها مخافة تلك النظرات الشرسة الذي كانت تنبعث من عيني سليم تجاهه
ففتح الباب قبل أن يتفوه إبراهيم بحرف أخر وجذب مليكة من يدها وأخذها ناحية سيارته الفارهة الرابضة أمام المبني
أما إبراهيم فوقف مذهولاً كيف يمكن لفتاة في رقة مليكة أن تتزوج هذا الشيطان الأرستقراطي الوسيم
كما يطلقون عليه في عالم الاعمال فهو رجل أعمال بلا قلب......... آلة لديها عقل بشري
*************************
فتح سليم السيارة وأجلسها داخلها وهتف بسخرية
سليم : دلوقتي تقدري تتكلمي
همست بخفوت وهي تحاول إستعادة رباطة جأشها
مليكة: بس أنا معنديش حاجة أقولها
نظر إليها سليم بإهتمام
سليم: لو اللي إنتِ بتقوليه دا بجد يبقي إنتِ ست مميزة جداً......إنتِ أول ست أقابلها مبتحبش تتكلم
تابعت بسخرية وهو تحاول السيطرة علي إرتعادة جسدها وطرد تلك التخيلات المرعبة من عقلها
مليكة: يبقي إنتَ متعرفش حاجة يا سليم بيه أنا أعرف ستات كتار جداً بيحبوا الهدوء
رفع حاجبه الناقم في دلالة علي عدم إعجابه بكلامها نهائياً وتابع بهدوء
سليم: دا غير دا.......أه في ستات كتير بيحبوا الهدوء بس دا ميمنعش إن عندهم كلام كتير جداً
أما بقي بالنسبة لأني معرفش حاجة فدا أشك فيه لأني موصلتش لعمري دا من فراغ يا مدام مليكة يعني ممكن نقول إن عندي معارف كتير زيك بالظبط
كانت هذه الكلمة السهم الأخير الذي إخترق كبريائها ليكسر أخر جزء فيه ويتحول كل ذلك الي أشلاء إخترقت قلبها لتسبب لها غصة آلم
فحقاً طفلتي إنه قَلبُكِ اشدُ البِلادِ خراباً
فهتفت بآلم
مليكة : أخدت بالي وفهمت دا كويس أوي يا سليم بيه
حرك رأسه يمنة ويسرة بشرود وتابع بضيق
سليم: لا مفهمتيش أي حاجة بس مش مشكلة
واسمي سليم من غير أستاذ أو باشمهندس أو بيه
اسمي سليم وبس
وجدت نفسها تهمهم بألم غير واعيه
مليكة : لو بس كنت أعرف إن الرسالة كانت هتقع في إيدك إنت وإنك إنت اللي هتيجي مكنتش كتبتها أبداً.....طلبي إني أشوف حازم كان غصب عني مش بإرادتي
سمعته يجيبها بصوت عميق أرسل إرتعادة خفيفة في جسدها
سليم: وياتري بقي موت حازم وإنه خلاص مبقاش هينفع يساعدك دا بيقلل من أهمية حاجتك للمساعدة ......ياتري كنتي ناوية تكملي حياتك كدة وإنتِ يادوبك عارفة تصرفي علي مراد
وتابع بغضب وإحتقار
أه لا أنا نسيت إنتِ أكيد كنتي هتعدي اللي الكائن المريض اللي فوق دا بيعمله علي أمل إنه يزودلك مرتبك
لم تشعر مليكة بحالها إلا ويدها مستقرة علي وجنته في صفعة مدوية شعرت بها تخترق أذنيها وتكاد تحطم زجاج سيارته الفارهة...... إرتفع صدرهما وإنخفض بسرعة دليلاً علي إنفعالهما وتوتر الأجواء بينهما بينما تجمعت الدموع في عينيها ولكنها أبت أن تترك لهم العنان
صرخت في آلم وغضب وهي تشير بإصبعها في حزم أمام وجهه
مليكة: إياك تتكلم معايا كدة تاني أنا ساكتة بس علشان مراد إنما إياك تقولي كدة تاني
إلتفتت تتطلع أمامها بعدما إستقام جزعها مشبكة يدها أمام صدرها وأردفت بحزم
إعمل حسابك يا سليم لو إنت أخر راجل في الدنيا مش هتجوزك
لم يتفوه سليم بحرف فقد كان يشعر بألم يقتله في الصميم ينبع من عينيها فتغاضي عن فعلتها تلك
وهتف بها بدهشة
سليم: ولا حتي علشان مراد
أردفت بحزم يتخلله ثقة
مليكة: ولا حتي علشانه
أدار وجهه ناحية المقود وتوجه ناحية منزلها بدون أي إرشادات منها......وصلا الي البناية القابع بها منزلها بعد وقت قصير
فتوجهت مليكة الي منزل جارتها لأخذ مراد ثم عادت الي منزلها
دلفت هي ومراد وسليم خلفهما
وكأن مراد أراد أن يؤلمها أكثر فمد ذراعيه الي ذلك الرجل القادم مع الماما وهو يبتسم له بضحكته الساحرة التي لأجلها تحملت الكثير والكثير بعدما وبخه بألا يحزن والدته مرة أخري
وضعته مليكة بين ذراعيه وإستدارات دامعة
وقفت تشاهدهما يلعبان ويضحكان وقفت تشاهد تبدل تلك الملامح المتعجرفة القاسية الي ملامح حانية تفيض بالحب والحنان.....هي لن تكون أنانية أبداً وتحرم مراد من أن يكن له والد كما حرمت هي
لن تستطع أن تحرمه من العيش في حياة كريمة
لن تقدر أن تحرمه من مستقبل أفضل
سمعته يناديها فجفلت وهي تحاول بائسة أن تمسح دموعها التي هبطت عنوة......أحست بنفسها تُدار بلطف شديد........فإرتجف جسدها الهزيل لملمس يديه القويتين
هتف بها بدهشة ......بنبرة تخللت أذناها الي قلبها مباشرة لتجعل وجيفها يرتفع في تتاغم محبب
سليم : مليكة!! إنتِ بتعيطي
هزت راسها بلطف يمنة ويسرة دليلاً علي رفضها
مليكة: لا مبعيطش....في حاجة دخلت في عيني
أخرج سليم منديل من جيبه وتابع باسماً بحبور جعل قلبها يخفق بعنف كطبول في عرس إفريقي
سليم: طيب خدي منديل علشان تمسحي بيه دموعك الي نزلت مش علشان إنتِ بتعيطي لا علشان في حاجة دخلت في عينك
إبتسمت مليكة بهدوء وإلتقطت منه المنديل وشرعت في تجفيف دموعها هامسة في خفوت
مليكة: شكراً
شردت قليلاً تفكر فأردف يسألها في حيرة
سليم: إيه سرحتي في إيه
أطرقت مفكرة ثم أردفت بهدوء محركة رأسها بحركة تنم عن تفكيرها البالغ
مليكة: كنت بفكر إني في الأخر لازم أتجوزك يعني علشان مراد بس عندي شرط
رفع رأسه متكبراً وتابع باسماً بأرستقراطية
سليم: معتقدتش إنك في وضع يسمح لك بإنك تحطي أي شروط
هزت مليكة كتفيها دليلاً علي عدم إهتمامها
مليكة: طبعاً براحتك توافق أو ترفض.....وعلي العموم أنا شرطي بسيط جداً كل اللي عاوزاه إنك مترميناش علي هامش حياتك وكأنك مكسوف مننا وكأننا غلطة أو عار .....فلو كنت هوافق علي الجواز لازم نعيش في نفس البيت
هتف بغضب
سليم : إنتِ مش هتلزميني بحاجة إنتِ تعملي اللي بقول عليه وبس
ثم تابع بإحتقار يتبعه سخرية
إنتِ عارفة كويس إني مش عاوز أعيش معاكي في نفس البيت إلا بقي لو إنتِ ناوية تغريني مثلاً
تخضبت وجنتاها بحمرة الخجل صائحة بغضب
مليكة : لا طبعاً دي أخر حاجة ممكن أفكر فيها في حياتي كلها
و أكملت بهدوء
بس يعني إذا كنا ناوين نتجوز علشان نعمل عيلة وبيت مستقر لمراد من الأفضل ليه إنه يشوف إن بابي ومامي بتوعه متفاهمين وعلي الأقل لو مش بيحبوا بعض بيحترموا بعض وبيقدروا بعض....يعني يشوف إنه عايش في بيت طبيعي جداً باباه ومامته عايشين مع بعض......ولا إنت ناوي تبقي ليه بابا نويل تيجي كل 6شهور شايل ومحمل هدايا وميشوفكش تاني غير بعدهم
أردف سليم بحدة
سليم : أكيد مش قصدي كدا.......وبرضوا مش هينفع نعيش سوا لازم تفهمي إن دا مستحيل
إبتسمت داخلياً ولكنها تابعت بثبات تُحسد عليه حقاً لبداية نجاح خطتها
مليكة: أنا أسفة جدا بس كدا جوازنا محققش أي حاجة لمراد
هتف سليم بنفاذ صبر ساخراً
سليم : يالله إنتي بتكلميني وكأني أنا المسئول عن حالتك
صاحت بعصبية .....حزن وضيق
مليكة : مش حازم دا يبقي اخوك مش كان المفروض هو يعمل كل دا لو كان لسة عايش
تصلبت ملامح وجهه في حزن
سليم: أنا عمري ما هربت من مسؤلياتي وأكيد إنتِ عارفة إن حازم لو كان يعرف كان وفرلك كل اللي إنتِ محتاجاه
هتفت مليكة بإستهزاء
مليكة: ولو أنا اللي مكنتش عاوزة مساعدته
زم سليم شفتيه وحرك كتفيه دليلاً علي عدم إهتمامه
سليم: يبقي أحب أقول إنك مش بس عندية لا إنتِ كمان غبية ومهما كان برضوا مستحيل نعيش سوا
كافحت بإستماته ألا تظهر إبتسامة الإنتصار التي صدحت بداخلها علي وجهها وتابعت بثبات
مليكة: كنت عارفة إن دا هيكون ردك وعلشان كدة إحنا للأسف مش هينفع نتجوز وإن كنت عاوز ترفع قضية إرفع قضية بس خليك متأكد إني هفضل أحاربك لأخر نفس.....ومعتقدتش إنك هتحب الشوشرة اللي هتحصل
إعتدل في جلسته وأردف بثقة
سليم : يمكن مش هحبها بس إنتِ عارفة إني هكسبها في الأخر
رفعت حاجبها بثقة وتابعت في إبتزاز لمشاعره التي تعلم وبشدة أنها تكونت تجاه مراد
مليكة: أكيد......بس ياتري بقي إنتَ مستعد إنك تبهدل مراد في المحاكم وسيرة حازم تبقي علي كل لسان
نظر إليها بغضب ونفاذ صبر لإبتزازها
سليم : ماشي يا مليكة تمام جداً إحنا هنعيش سوا في نفس البيت
ذهلت مليكة وكادت تبكي فلقد إنقلب السحر علي الساحر كما يقولون.....فشلت خطتها فشل ذريع فهي لم تتوقع
قبوله .....فقد ظنت أنه سيرضخ في نهاية الأمر الي ترك مراد.....ويقبل فقط بأن يراعيه وأنهما لن يتزوجا......والأن أصبحت أمورها أكثر سوءاً عن ذي قبل......فهي لن تتزوج من تكرهه فحسب بل سيعيشان في نفس المنزل......إرتجف جسدها الهزيل لتلك الفكرة وأخذت توبخ نفسها
"يالله ماذا فعلت انا بحماقتي كم أنا غبية"
حاولت الخروج من هذا المأزق بشتي الطرق
فأردفت بنبرات متوترة متقطعة تحاول جاهدة رسم ثباتها
مليكة: إنت معاك حق يا سليم إحنا مينفعش نعيش في بيت واحد
لم تعلم لما رأت ذلك البريق في عيناه......نعم إنها تعرفه جيداً بريق التحدي.......أو حتي بعض التشفي.......متابعاً في حزم
سليم: لا إنتِ فعلاً معاكي حق إحنا لازم نعمل كدة علشان مراد
شعرت بهبوط يبعث السقم في معدتها وراحت تتسائل
الي ماذا تراها إنقادت
نهض سليم ناظراً في ساعته متابعاً في آلية شديدة
سليم: أنا عندي إجتماع مهم وهعدي عليكوا بعد بكرة الصبح إن شاء الله تكونوا جهزتوا هنطلع علي الماذون وبعدين البيت ويومين كدة ونسافر الصعيد علشان تتعرفي علي أهلي ويتعرفوا عليكي ويشوفوا مراد
هتفت بهستيرية سَبْبَّها الذعر
مليكة: يومين... يومين إيه.......طيب وهنقولهم إيه ومراد
أمسك سليم بذراعيها في قوة وحنان في أن واحد وتابع في ثبات ناظراً لعيناها بقوة
سليم: ششششش إهدي يا مليكة وخدي نفس
أنا ميهمنيش حد أصلاً أنا بس رايح علشان يتعرفوا علي مراد ويعترفوا بيها......أما بقي هنقولهم إيه
فهنقولهم إننا إتقابلنا في مؤتمر وإتعرفنا علي بعض وحبينا بعض وإتجوزنا من حوالي خمس سنين بس إنتي كنتي بتدرسي برة ومستنيكي تخلصي ......وسيبي الباقي عليا
أومأت براسها وهي لاتزال تشعر بالضياع الذي تلاشي قسماً كبيراً منه في الحقيقة بعد كلماته المطمئنة
*****************************
تفتكروا مليكة هترضخ للامر الواقع ولا هتحاول تعمل حاجة؟؟!
اتمني الفصل يعجبكوا يا فرولاتي ❤😍
تعليقات
إرسال تعليق
فضلا اترك تعليق من هنا