رواية حضن عشماوي البارت الثالث عشر 13بقلم حنان حسن كامله
رواية حضن عشماوي البارت الثالث عشر 13بقلم حنان حسن كامله
الجزء ..الثالث عشر
بعدما اتجرد جعفر من ملابسة تماما
خرج مسدس من جيب الجاكيت
وفتح الامان بتاع المسدس
وخيرني ما بين امرين
اولهم..اني اطلق النار علي محمد زوجي من خلال الشباك
واصيبة في مقتل وهو في الجنينة
والخيار الثاني
هو اني اترك محمد يطلع لغرفتة
واسلم نفسي لجعفر
واتجاوب معاه في الخطيئة تحت مسمي (دخلتة عليا)
بعقد زواج باطل
وفي اللحظة دي
شعرت بالقهر والرعب
فا رفضت الاختيارين
او بمعني ادق
رفضت الجريمتين
و اخترت جريمة ثالثة
اكثر عدلا
اصلي ببساطة ..
فكرت بموضوعية
وقلت لنفسي
لية اقتل محمد ؟
وهو ميستحقش الموت
الي لازم يموت هو جعفر
منا لازم ادافع عن شرفي
وبمجرد ما اقتلة هاخد العقد العرفي من جيبة
ولو سألوني
عن سبب قتل جعفر و وجودة في غرفتي
فا جسمة العاري
هيجاوب عن سبب قتلي له
وحتي لو اتحاكمت
وعدموني
افضل مليون مره
من الخضوع لبني ادم جبان زي ده
وفي اللحظة دي
سمعتة بيستعجلني
وبيقولي
انجزي قبل ما جوزك يمر من الجنينة
وقولي..
اخترتي اية؟
فا بصيت لجعفر وانا برفع في وجهة المسدس بتاعة
وقلتلة...
انا بقي اخترت حاجة تانية اسهل و اريح ليا وليك
وهي اني اخلص عليك يا زبالة
عشان اخلص منك ومن شرك يا عملي الاسود
فا برق جعفر عينة
من المفاجئة الغير متوقعة
وحاول يهجم عليا عشان ياخد المسدس من ايدي
لكن...قبل ما جعفر يقرب مني
كنت دوست علي الزناد بالفعل
وخرجت طلقة..استقرت في قلب جعفر
فا سقط جعفر علي الارض في الحال
وبقي عبارة عن جثة هامدة
في اللحظة دي
استغربت نفسي جدا
لان كان مفروض اني ابقي هايبة الموقف... او متوترة ومخضوضة
لكن الغريبة اني ساعتها كان عندي ثبات انفعالي غير عادي
وبدات افكر بسرعة
لان صوت ضرب النار كان عالي
ومن البديهي ان محمد واميرة هيجوا هنا علي صوت ضرب النار
عشان يشوفوا في اية؟
فا كان لازم اتحرك بسرعة واخد العقد العرفي من جيب الجاكت بتاع جعفر
واتخلص منه فورا
وبالفعل ..
اول حاجة عملتها هي اني اخدت العقد وخفيتة في صدري
وكنت بخبي العقد .. وانا برقع بالصوت
وبعد لحظات
اتفتح باب الاوضة
ولقيت ادامي محمد واقف يبصلي وهو مخضوض
وبعدها بلحظات ظهرت وراه اميرة
وساعتها انا كنت قاعدة علي الارض وفي ايدي المسدس وعاملة فيها اني منهارة
ولما محمد شاف منظر الجثة العريانة
فهم انا لية ضربت النار علي صاحب الجثة
وبدون ما يتكلم محمد
دخل واخد من ايدي المسدس و اخدني في حضنة
وفضل يطبطب عليا
وبعدها..
وجه كلامة لاميرة وهو بيلقي نظرة علي الجثة
وقالها...
واضح ان الكلب دا حاول انه يعتدي عليها
عشان كده دافعت عن نفسها وقتلتة
فا رديت وانا بعيط
وقلتلة...ايوه يا محمد
الحيوان دا دخل عليا فجاءة
وحاول انه يغت&صبني تحت تهديد الس&لاح...
لكن انا غفلتة واخدت منه المسدس وهو بيقلع هدومة
وضربتة طلقة من المسدس
فا مات
بعدما استمع محمد لكلامي
ضمني لحضنة تاني
وقالي..
متخافيش يا ملك
انتي اتصرفتي صح
وانا لو كنت شوفتة وهو داخل عندك هنا
كان زماني عملت معاه نفس الي انتي عملتية
فا رديت وانا برتعش
وسالتة
وقلتلة...انا كده اقتلت؟ يعني انا هتسجن يا محمد صح؟
فا رد محمد وهو بيطبطب عليا
وقالي...لا يا قلبي
انتي معملتيش حاجة
انا هطلب البوليس حالا
وهقولهم اني انا الي ضربت النار علي المجرم لما شوفتة وهو بيتهجم علي مراتي
فا بصت اميرة لمحمد بدهشة
وقالتلة...
انت كدة ممكن تودي نفسك في داهية وانت بريئ
هي الي لازم تدفع ثمن غلطتها
لان ملك هي الي قتلت وهي الي تتحمل نتيجة تصرفها المتسرع دا
فا بصلها محمد بغضب
وقالها...انا استحالة اعرض ملك للحبس والبهدلة ولو ليوم واحد او حتي لساعة واحدة
وبسرعة اخد محمد من ايدي المسدس
ومسح بصماتي من علية
وفضل ممسك بالمسدس
لغاية ما وصل ضابط المباحث
وفي التحقيقات
اعترف محمد علي نفسة بالفعل
وقالهم انه اضطر لقتل المجرم بعدما اتفاجئ بوجوده في غرفتي
وهو بيحاول يغت&صبني
وطبعا الضابط حقق معايا انا واميرة
وبعدما فريق المعمل الجنائي قام بعملة
اخدوا جثة جعفر للمشرحة
واخدوا محمد لقسم الشرطة
وفضلت انا واميرة في الفيلا
وبصراحة استغربت من موقف اميرة ...
وكنت قلقانة منها في نفس الوقت
فا بالرغم من سكوتها
الا انها كانت بترمقني بنظرات غريبة
وبصراحة كنت خايفة منها
عشان كده
فكرت اتصل بيمني صاحبتي عشان تيجي تقعد معايا
لغاية ما اعرف مصير محمد هيكون ايه؟
وبالفعل استجابت يمني لطلبي بمجرد ما عرفت اني اتعرضت لمحاولة اغتصاب
واول ما يمني وصلت
سالتني
وقالتلي...اية الي حصل بالظبط
فا رديت باسف
وقلتلها...جعفر خطيب صاحبتك منال هجم علي الفيلا هنا وحاول يغتصبني
واول ما محمد شافة ضربة بالرصاص
فا بصتلي يمني بدهشة
وسالتني
وقالتلي..الي بتقولية دا استحالة يكون حصل فعلا
فا رديت
وقلتلها .. مش مصدقة ان محمد يقتل صح؟
فا ردت يمني
وقالتلي...لا مش مصدقة ان يكون جعفر هو الي اتهجم عليكي
قلت...لية انتي شايفة ان جعفر كان انسان شريف اوي كده؟
فا ردت يمني
وقالتلي...لا ..جعفر خطيب منال مجرم فعلا
لكن.. جعفر مات في الحبس من اسبوع
دا حتي منال نشرت صورة جعفر وتحتها خبر وفاتة الاسبوع الي فات
علي صفحتها ع الفيس بوك
وفتحت يمني الموبيل بتاعها
وجابت خبر وفاة جعفر عشان تأكدلي كلامها
فا بصيت علي صورة جعفر
واول ما شوفت صورة جعفر
اكتشفت مصيبة جديدة
عارفين اكتشفت اية.......؟؟؟
يتبع
اكتب في بحث جوجل مدونة قصر الروايات
اللي عاوز البارت الجديد يعمل انضمام من هناااااااااااااااا
الرواية كاملة من هنااااااااا
تعليقات
إرسال تعليق
فضلا اترك تعليق من هنا