قصة حقيقية مريم كاملة شجعوني على نشر القصص كامله🌷 برنس 💖

قصة حقيقية كاملة شجعوني على نشر القصص كامله🌷 برنس 💖

#قصه مريم 

انا مريم عمري 55سنة رح احكيلكن قصتي من وقت تزوجت لليوم 

تزوجت كان عمري 18سنة لشب اسمه بشير كان يشتغل عند عمي اخوه لابي ب محل اقمشة بالحميدية هو يلي زوجني لان بابا كان ميت وهو المسؤول عني وعن اخواتي البنات يلي هن سمر ونور وفاطمة وامي 

كنا حمل تقيل ع كتافه وبس بدو يزوجنا ويخلص منا مع العلم امي كانت تشتغل خياطة وحالتنا ع ادها بس ع قولة المثل هم البنات للممات ونحنا كنا هم على قلبه 

تزوجت بشير ببيت اهله بغرفة ع السطح كانت احوالنا المادية عدم احيانا ننام بدون اكل لان اهله مابدن ياني ويعاملوني معاملة الخدامة ومايتعرفوا علينا بشي 

وعمي كان بخيل كتير ومايعطيه حقه لبشير بحكم صرله زمان عم يشتغل عنده 

وظروفنا كانت قاسية كتير 

بعد سنة حبلت وجبت ابني محمد وكل مالها احوالنا داقت صرت روح لعند امي واشتغل معها كانت كتيرتساعدني و مقهورة على زواجي من بشير بس النصيب وجبروت عمي كانت اقوى منا 

وصرت صمد ليرة فوق الليرة حتى قدرت جيب ماكينة واشتغل فيها بالبيت 

وصرت اشتغل للجيران ورجعت حبلت ومرت الايام... 

كنت بالشهرالتاسع عم خيط بالليل لان بالنهار دوبني اشتغل بالبيت مع بيت حماي وانتبه لابني سمعت صوت حماتي عم تعيط بصوت عالي طلعت لشوف شوفي كانت عم تتخانق مع بشير ال صوت الماكينة عم تزعجن ومنها كلمة ومنه كلمة قلعتنا من البيت وصفينا بالشارع والدنيا شتي والبرد بقص البسمار ومطر مالقيت حل غير ان روح لعند اهلي رحت انا وبشير وقت شافتنا امي فوتتنا بسرعة وبلشت تلطش حكي كانت باطلة ومحولة هالجوازة اضرب ع حظك يابنتي ع هالعيشة 

بشير ما تحمل الحكي حمل حاله وراح مابعرف لوين بكيت لنشفو دموعي فوق ماعم ساعدن بمصروف البيت قلعونا وصفينا بالشارع 

فجاة طقت مية راس وصار يجيني مغص ضليت ساكتة وابلع الوجع للصبح ماعد قدرت اتحمل فورا جابت امي الداية وخلال ساعة كنت ولدانة جبت بنت مثل القمر بتاخذ العقل سميتها قمر ع جمالها 

وهي امي عم تحممها قالتها للداية تعي شوفيلي شبها البنت شافتها الداية قالتلي ع شو توحمتي فيها قلتلها ع العنب ومااكلته جابتها لعندي ورجتني سفل ضهرها وحمة ع شكل عنقود عنب احمر 

لبسوها وجابولي ياها رضعتها ونيمتها وغفلت وماعد حسيت ع شي فقت لقيت بشير عم يستناني لفيق 

وكان مدايق ومقهور ع هالبنت يلي اجت بهالظروف

قلي لقيت غرفة بحارة بعيدة شوي واستاجرتها ورايح اخد الغراض من بيت اهلي وظبطها وارجع اخدك قلتله ماشي 

استنيته ماكان يجي هيك لتاني يوم الصبح دق الباب وفات وقلي يلا قومي وصلك قبل ماروح ع الشغل امي ماكانت تخليني روح وقالتلي قلبي مو مطمن عليكي قلتلها خليني روح نضفها وظبطها واتركن فيها انا وولادي 

اخدني بشير ورحنا فتت ع البيت عبارة عن حمام ومطبخ وغرفة وحدةوكانت ريحتها رطوبة ووسخة وبلشت نضف فيها واشتغل بقيت6ساعات لحتى خلصت انا وابني جوعانيين وعطشانيين ومافي لااكل ولاشرب وبنتي عم تبكي بدها ترضع وحليب مافي بصدري وماعد اعرف شو بدي اعمل حطيت البكي واعدت لحتى رجع بشير جايبلنا خبز ومي معه اكلنا خبز ونام محمد بقيت قمر عم تبكي ومااعرف شو اعمل صرت شربها مي لنامت 

اعدت انا وبشير نحكي قلتله قايمة كم ليرة ع جنب لهالايام خدن لحتى تجبلي شي اقدر اطبخ عليه كتير فرح بحكيي تاني يوم نزل من الصبح جبلي غاز صغير وطنجرة وشوية مونة لنمشي حالنا فيهن والحمدلله اجاني حليب ورضعت قمر لشبعت كان طاير عقلي فيها برغم الظروف يلي عايشين فيها بس قلبي من جوى بحن عليها وبحبها كانت متل الملائكة 

بعد يومين : 

كنت نايمة فقت ع تسكير الباب ما اخدت وعطيت عرفت ان بشير راح ع شغله 

ومحمد نايم قدامي والدنيا برد غطيته منيح ونمت فقت بعد ساعتين حسيت صدري محجر وحينفجر التفتت لاخد قمر رضعها مالقيتها قدامي وينها البنت بسم الله محمد وينها طلع في وماكان بيعرف يحكي وماله فهمان علي قلت اكيد بشير اخدها لعند عمي ويشوفها او لعند اهله بس ليش ماقلي قلبي مو مطمن 

رتبت الغرفة واعدت اشطر بشيروماكان يرجع بشير والحليب عم ينزل مني وحاسسني قلبي قمرعم تبكي وجوعانة صرت فكرليش اتاخر وماعد في انتظر اكتر لبست تيابي وبدي اطلع من البيت بجية بشير قلتله وين البنت .....يتبع 

👈((❤️🌹 الجزء الثاني🌹❤️))👉 

البنت حطيتها بمكان واجو ناس شافوها واخدوهااكيد حيديروا بالن عليها اكتر منا لان حياتنا صعبة مو قادر اصرف على ولدين ودار وجه عني وبدو يمشي مسكته من قميصه وصرت اضربه وطلعت فيه وقلتله انت شو ماعندك قلب ماعندك احساس كيف قدرت ترمي بنت عمرها اسبوع بهالبرد انت شوووو

لك هي بنتي يلي تعبت فيها 9شهور وتحملت وجعي لحتى شوفها ودعيت لربي تجي خلقة تامة وكانت احلى هدية وصبرتني ع يلي انا فيه 

بتجي بتقلي صارت عند ناس حيديروا بالن عليها لك ماحدى احن على بنتي مني بدي بنتي هلق بدك تجبلي بنتي فهمان اذا مارجعت البنت هلق ماحيصير خير هلق بدك تروح تجبلي بنتي 

فتح الباب بد يطلع قلتله رجلي ع رجلك بدي روح جيبيها بايدي ونزلت معه اخدني ع المكان يلي حطها فيه واعدت دور عليها ومتل المجنونة وقف العالم واسالن عليها 

بشير اعد بنص الشارع يبكي ويضرب حاله ويقول شو عملت بحالي انا وضيعت بنتي من ايدي يارب سامحني يارب استودعت عندك قمر بنت مريم يامن لا تضيع عنده الودائع هو يحكي لك بعد شو وانا عم اصرخ وابكي وقله شو عملت فيني يابشير 

اه يابنتي ياعمري 

اكيد بتكوني جوعانة لك ياامي سامحيني هاد المجرم ماعد سامحه بحياتي 

تركت بشير بالطريق وانا عم ابكي واخدت محمد ومشيت ومشيت لقيت حالي قدام بيت اهلي دقيت الباب وفتت ووقعت بالارض 

واجاني حمى النفّاس سخونة وحمى فيق 5 دقايق عيط وقول بدي بنتي وارجع غط بالنوم وحس قلبي عم يرجف من البرد قلن بردانة غطوني ولاحدى عرف ليش هيك صار معي نادت امي لعمي ووقت شاف حالتي اخدني ع المشفى و لحقوني ع اخر نفس 

ضليت اسبوعين ع هالحالة وكل مااتذكر قمر ابكي وقت عرفت امي شو عمل بشير كرهته بزيادة وماعد قدرت تشوفه ولا سامحته ع هالشي يلي عمله 

وانا ماعد قدرت شوف وجه لبشير ابدا فكر ان اذا عمل هيك بكون ووفر ع حاله الله ياخد حقي منه طول مو اعدة ادعي عليه لان حرق قلبي من جوى دمرني كيف طاوعه ضميره يعمل هيك 

اجا بدو يصالحني وقال هو ندمان ع عملته بس انا ماقدرت ارجعله ابدا وطلبت منه الطلاق وطلقت منه 

وصرت اشتغل مع امي بالخياطة ومرت 5سنين بلمح البصر صارو العالم يطلبونا بالاسم ع اد ماكان شغلنا حلو ومتقن 

وبلشت هالخطابين لاخواتي والحمدلله تجوزو كلن وبقيت انا وامي وابني محمد عم اشتغل معها وربي ابني لحالي لان بشير بعد عملته السودة ببنته وطلاقي منه جن وصار يسوح بالشوارع وكل مابشوف بنت صغيرة يركض ياخدها لحتى العالم اشتكت عليه وحطوه بمشفى الامراض العقلية والنفسية 

وبيوم كنت عم خيط لزبونة عندي سالتني مو ناوية تتزوجي قلتلها انا مافي اترك ابني واتزوج وامي مافي غيرها ومتل مالك شايفة صارت كبيرة ع ترباية الولاد واهله ابني اذا شافوا بالطريق مابيعرفوه 

قالتلي في حولي شب ابن عالم وناس وح يعيشك عيشة منيحة واكيد ماحيقول لا اذا عرف وضعك منيح لان هو شايفتك عدة مرات وحاطط عينه عليكي قلتلها والله ماعم فكر بالموضوع بجية امي شوفي اي موضوع عن شو عم تحكو طلعت بالزبونة ان تسكت ماتحكي لامي شي بس ماردت علي وحكتلها فورا قالتلها امي اي بتتزوج ليش لا اذا الشب رايدها خليه يتفضل بدي اطمن عليها قبل ماموت ماصفي بالعمر اد يلي راح 

طلع العريس ابن اخوها للزبونة يلي اسمها ام حسام وابن اخوها اسمه بسام كمان مطلق كان طويل وابيض عيونه عسلي امه متوفية وعنده 3 اخوات بنات متزوجين ومسافرين برات البلد وابوه بارك وهو عم يعتني بابوه وشافني عدة مرات وانا رايحة ع السوق لان عنده محل مفروشات واحواله المادية منيحة 

اجاشفته وافقت واتفقنا سبحان الله ع النصيب وعملنا كتب الكتاب والعرس بنفس اليوم وتركت الخياطة وصرت دير بالي ع ابوه البارك وربي ابني...

👈((❤️🌹 الجزء الثالث🌹❤️))👉:

والحمدلله الله عوضني فيه عن الايام يلي شفتها وكان يعامل ابني كانه ابنه وخاصة وقت عرف اديش عانيت وتعبت لوصل لهالعمر وحملت من بسام وجبت صبي سميته امجد اول ماولدت كل مااطلع ب امجد ابكي واتذكر بنتي قمر يلي ماراحت عن بالي ابدا كيف صارت ياترى ياقلبي شو اشتقت لريحتك الله يحميكي ويجمعني فيكي ياقلب امك 

توفى عمي ابوه لبسام وبعد بفترة توفى عمي اخولابي والله ماكتبله ان يجيب ولاد وتقسمت الورتة علي وعلى اخواتي ومرته 

خبيت حصتي وطلبت من بسام ان افتح مشغل خياطة وارجع اشتغل احسن من اعدة البيت الله يخليلي ياه ماحرمني من شي وماعارض ابدا خلال فترة كان المشغل جاهز وقت زبايني عرفوا فورا صار يجيني شغل وحملت كمان وجبت تؤام بنتين نغم ورغد يلي عوضوني شوي عن النار يلي بقلبي والفقدان يلي حسيته بعد قمر يلي ماحدى قدر يعبي مكانها 

وصار شغلي يكبر وصرت اتعامل مع اشهر الماركات بالبلد وكبرت المشغل وصار معمل وكتير كنت مبسوطة ومرتاحة بس الغصة بقلبي ماراحت وكل ليلة كنت اتسطح وابكي وابكي ع فراقها يلي ماشبعت من حليبي ماشبعت من حناني يارب هي بحفظك يارب احميها من كل شر وبعد عنها ولاد الحرام وجمعني فيها 

والغصة التانية كانت امي يلي توفت وكان كل املها تشوف قمر لان هي يلي حملتها اول ماخلقت وضلت تقول متل قمر انا ماشفت 

وصار عندي جرحين بحياتي قمر يلي مابعرف وين اراضيها وامي الله يرحمها ومرت الايام وكبرو الولاد محمد عم يدرس طب سنة 3 

وامجد بكلوريا 

ونغم ورغد بالتاسع 

وانا بشغلي وزوجي بشغله كنا الحمدلله مأمنين حياة ولادنا من كل شي 

وولادي يلي من بسام مابيعرفوا ان محمد مو اخوهن من ابوهن ومحمد كمان مابيعرف بناء على طلب بسام لان كان بحبه كتير لمحمد وحن عليه كتير لان ابني كان مظلوم من اول يوم خلق فيه والله جبر خاطره لان بعتلي بسام لحتى يحبه ويحن عليه 

ومحمد كان يحبه كتير ومايعمل شي من دون اذنه 

وبعد فترة سمعت ان ابوه توفى بالمشفى 

وقررت احكيله الحقيقة 

وحكيتله كل شي لمحمد صار يبكي وقت عرف شو عمل ابوه باخته ومارضي يروح ع الدفن وصار يبوس ايدي ويعانقني ويبكي ويقلي انت مافي متلك ام بالدنيا كلها الله لايحرمني منك يانور عيوني 

طلعت فيه وقلتله يعني مازعلت مني قلي بالبداية زعلت بس وقت عرفت شوعمل مابدي قول ابي عذرتك وحسيتك اديه تعبتي بحياتك

الله يرضى عليك وع اخواتك ويجمعنا بقمر 

طلب مني ان اخواته مايعرفوا بشي ابدا 

ومتل مابده صار لان حتى بسام هيك بده 

امجد كان كتير يعذبني ويغار من محمد

من هو وصغير كان عنيد وعسر الله يرضى عليه ويهديه 

نغم ورغد الله يرضى عليهن حناين علي وع ابوهن كتير مابهون عليهن فينا 

اه من البنات شو حلوين البنت بالبيت هي يلي بتحليه بتخلق جو من الحنية والعاطفة الله لايخليهن من بيت ويطعم كل مشتهي الذرية الصالحة 

اجا رمضان والعيد 

حنيت وحسيت ان بدي حج قدمنا انا وبسام والحمدلله قبلونا حسيت رب العالمين ميسرلي ياها 

وطلعنا ع الحج اول ماشفت الكعبة حسيت بالشعور نفسه يلي حسيته وقت شفت قمر واول دعوة دعيتها ان ربي يجمعني فيها لو كانت وين ماكان 

وخلصنا من الحج ورجعنا كنت كتير مرتاحة ومبسوطة 

شغلي منيح وولادي مناح 

الف حمد وشكر لرب العالمين......

👈((❤️🌹الجزء  الرابع🌹❤️))👉

وبيوم من الايام كنت اعدة اجا لعندي محمد 

قلي امي في موضوع حابب احكي فيه معك قلتله امرني ياضو عيوني 

قلي في صبية معي بالجامعة بدي تروحي تشوفيلي ياها حابب اخطبها والحمدلله اموري منيحة وعم اشتغل بعد الجامعة شغل منيح (مسلمته لمحمد حسابات المعمل حتى ماينحرج مني او من بسام اذا كان بدو مصاري) وكنت مخصصتله مبلغ كل شهر واعطيه وامي الله يرحمها كانت كاتبة حصتها يلي ببيت ابي لمحمد وبعناه وواشتريتله بحصته بيت 

يعني ماكان ناقصه شي 

قلتله هاد يوم المنى يوم يلي بدي افرح فيك 

واخدت موعد من الجماعة ورحت شفتها سبحان الله هالبنت بتنحب كتير وافقوا اهلها وتاني مشوار رحت انا ومحمد وبسام وبنات حماي اجو من السفر مخصوص ليحضروا خطبة محمد وحددنا موعد كتب الكتاب 

عملتله حفلة بتاخد العقل وفصلت فستان خطيبته بايدي اسمها امل 

ونحن بالخطبة شفت بنت قلبي لهفلها مابعرف ليش بيضاء شعرها اسود عيونها فاتحة وجذابة وضحكتها واخلاقها بتاخد العقل

رحت سالت امها لامل مين هالصبية قالتلي هي اسمها ياسمين بتكون بنت جارتي ليش قلتلها لا مافي شي بس لفتت نظري ماشاء الله عليها

قالتلي اي وماشاء الله عنها مؤدبة كتير عم تدرس صيدلية

الله يخليلها لاهلها والله عم فكر اخطبها ليوسف اخوها لامل بس هو ماعم يفكر بهالخطوة لسا 

قلتلها هو لحاله بيجي لعندك وبيطلب 

وضلت صورتها معلقة براسي مابعرف شو السبب حبيتها 

واتزوج ابني محمد وكان عرسه متل عرس الاحلام... ومرت الايام 

وبعد سنتين 

اتصلت فيني ام يوسف حماة ابني وقالتلي قاصدتك بخدمة قلتلها اتفضلي 

قالتلي بدي اخطب ليوسف بنت جارتي ياسمين وبدي تروحي معي 

قلتلها هي البنت الحلوة يلي شفتها بخطبة وعرس محمد وامل قالتلي اي تذكرتيها 

قلتلها ولو والله لهلق صورتها مابتغيب عن بالي 

ورحنا وشفناها وكانت حليانة اكتر من قبل وتمت الخطبة 

وبيوم اعدة انا وامل وعم تحكيلي عن اخوها وخطيبته اديه مبسوطين وكيف امها كانت رافضة ان تزوجها لان بعد ولادتها

صار معها مرض وماقدرت تجيب غيرها ومتعلقة فيها هي وابوها كتير وكل العيلة بتحبها وكل همهن ان يشوفوها فرحانة 

قلتلها والله ماشاء الله عليها بيلبقلها ايمتة ناووين يتزوجوا

قالتلي هاد الشهر بتتخرج وبعد شهرين العرس هيك اتفقوا

وتخرجت وبلشت تجهز لعرسها 

واجت لعندي بدها تفصل فستان العرس 

واخدنا القيسات واختارت القماشة 

واختارت موديل كتير حلو 

ومابعرف ليش من بين كل البنات حبيت خيط فستانها بايدي 

وكانت تحت ايدي بنت وحدة تساعدني وهي يلي تاخدني القيسات 

وبلشت بفستانها وخلال اسبوع كان خالص

كان من احلى الفساتين يلي خيطتن 

وقت شافته انبسطت كتير ووقت عرفت ان انا يلي خيطته بايدي فرحت اكتر لان انا مابخيط بايدي لحدى الا لتكون غالية ع قلبي كتير 

واجا يوم العرس وكانت طالعة ملكة وكانها القمر ب ليلة اكتماله 

والفستان طلع عليها حلو بشكل لا يوصف 

وهي عم ترقص وعم تتمايل وانا بكل حركة طلع فيها وعيوني مانشالو عنها 

بعدين التهيت بالحديث مع ام يوسف 

بعد شي نص ساعة اجت لعندي امل 

قالتلي معك ابرة وخيط قلتلها اي دايما معي ليش شوفي 

قالتلي علقت الطرحة بالسحاب تبع فستان ياسمين ونحن عم نشدها انتزع قلتلها خديها ع غرفة تبع العروس وانا لاحقتك فتت لعندها وبلشت زبط فيه ماكان يزبط 

طلبت منها تشلحه لاعرف اشتغل فيه 

دارت وجها وساعدتها لتشلحه 

وصلحت السحاب ومشي حاله لبساتها ياه واجيت بدي ارفع السحاب 

طلعت نظرة سريعة ع أسفل ضهرها كان في علامة حمرا ’’’

 :👈((❤️🌹الجزء الخامس🌹❤️))👉

رجعت شفت كان وحمة 

سالتها شو هاد يلي بسفل ضهرك ياسمين

قالتلي خالتو هي وحمة ع شكل عنقود عنب سكرت السحاب تبع الفستان ورجعت اعدت ع الطاولة وانا عم اتذكر وين شايفة متل هالوحمة 

واتذكر فجاة تذكرت بنتي قمر الها وحمة متل عنقود العنب بسفل ضهرها 

صرت اطلع حولي متل المجنونة وقلن بنتي قمر والكل يطلع فيني ان شو صرلي

وانا اصرخ بنتي قمر ودموعي عم ينزلوا من عيوني ونسيت كل النّاس يلي حولي 

وانا عم اطلع فيها وقلن هي بنتي قمر 

ركدت لعندها عانقها وشم ريحتها وقلن هي قمر 

طلعت فيني وهي مذهولة مالها فهمانة شو عم احكي 

طلعت بامها لقيتها عم تبكي 

ركدت لعندها وصرت وقلها قولي لي الحقيقة هي بنتي صح قولي ابوس ايديكي 

طلعت فيني مصدومة هي تبكي وانا ابكي وقلها قولي لي وين لقيتوها والعالم كلها كانت ساكتة وعم تطلع علينا مذهولين من يلي عم يشوفوه 

قربت علي امها قالتلي ابوس ايدك انا خلينا نحكي جوى سحبتني من ايدي وفتنا لجوى 

ع الغرفة وقالتلي 

من 20سنة كنت انا وزوجي رايحة ع المشفى وعم ابكي لان كان معي مرض والدكتور قلي لازم نشيل الرحم ومحددلي العملية 

صرت اسمع صوت بيبي صغير عم يبكي ورجال حامله وعم يتلفت حوليه ضل نص ساعة هو عم يفتل ويشوف البيبي عم يبكي تركه ع الرصيف وركد طلعت ع زوجي وقلتله شفت شو عمل وركدنا انا وزوجي حملت البيبي وطلعت فيه كان متل الملاك نايم من كتر ما بكي اخدته ورحت ع اقرب صيدلية جبت حليب وببرونة وعملت الببرونة وشربته ياها ورحنا ع المشفى وفحصه الدكتور وساعتها قلي ان هي بنت 

وصحتها جيدة واتفقت انا وزوجي ان نربيها ناخدها ونسافر والله بعتلي ياها لحتى تواسيني وتعوضني عن يلي صار معي 

وعملت العملية وقويت كرمالها لان كانت الملاك يلي كرماله بدي عيش حبيتها وكان انا يلي ولدتها حنيت عليها وماعد قدرت بعد عنها ابدا وسميتها ياسمين وربيتها ودرت بالي عليها اكتر من عيوني 

قالتلي انت كيف قدرتي تتخلي عن قطعة من روحك انت ماعندك مشاعر ولا احساس مارح اسمحلك تاخدي ياسمين مني 

قلتلها بس انت لازم تسمعي مني انا متت وعشت بعد مابشير اخد البنت حسيت روحي طلعت خربت الدنيا ورجعت دور محل ماتركها وقلي ان في ناس اخدوها وهو عم يراقب من بعيد ماخليت مكان مادورت عليها ورحت ع الشرطة ودور الايتام بس مالقيتها وطلقت من زوجي وجن واخدوه ع المشفى 

بس انا مافقدت الامل وكنت متاكدة ان حلاقيها 

طلعت في وقالتلي على جثتي بتاخديها 

ياسمين مابتعرف شي ومارح اسمحلك تخربي حياتي 

مسكتها من ايديها وقلتلها هي بنتي انا يلي حملت فيها وقلبي شافها قبل عيوني كانت احلى هدية من ربي وبشير حرمني منها طول هالسنين ومارح اسمحلك تمنعيني 

إطلعت فيني و قالتلي ابوس ايدك خلينا نمشي هالعرس ع خير ومنشوف شو بدنا نعمل وكيف بدنا نخبرها بس اذا عنجد بتحبيها لا تنزعيلها فرحتها 

قلتلها لك كيف بدي اتحمل هي واقفة قدامي وماعانقها وشم ريحتها رح حاول ماانزع فرحتها بس وعديني ماتحرميني منها ابوس ايدك 

مسحت دموعي وطلعت من الغرفة ورحت لعند ام يوسف قلتلها قولي لهم مافي شي وسوء تفاهم بسيط 

اعدت ع الكرسي وعيوني مالها مصدقة ان قمر قدامي ومو قادرة احضنها وبوس ايديها واطلب منها تسامحني بس يلي منعني الفرحة يلي بعيونها 

خلص العرس ورجعت ع البيت وحكيت لبسام ومحمد يلي صار 

فرحوا كتير ان لقيت قمر 

وبلشت انا وامها نجتمع كل يوم ونتفق ع كل شي واتفقنا ان اعزمن ع الغدا لحتى نعد مع ياسمين ونحكيلها يلي صار وصرت عد الايام والساعات ليوم العزيمة

👈((❤️🌹الجزء السادس والاخير🌹❤️))👉

اجت ياسمين ويوسف وابوها وامها يلي ربوها 

وتغدينا واعدنا واطلع فيها وانا ماسكة حالي وخايفة تنزل دمعتي بعدين ماعد في صبر نظرت إليها وقلتلها في موضوع لازم نحكي فيه 

وهي نظرت إلي وقالتلي وانا حابة اعرف شو صار يوم عرسي ليش صرتي تبكي وتعانقيني وتقولي بنتي 

بلشت بالقصة وحكيت كل شي صار 

وامها كملت القصة 

وهي ساكتة وعم تطلع فينا ودموعها ماوقفت لحظة 

فجاة وقفت وصارت تصرخ وتقول بكفي ماعد بدي اسمع شي تركوني بحالي وطلعت من البيت لحقها يوسف 

ومرت فترة وهي رافضة تحكي مع حدى 

وقت عرفوا ولادي امجد ونغم ورغد زعلو مني ليش خبيت عليهن كل هالسنين ان محمد مو اخوهن وعندي بنت وخاصة امجد وبعد فترة تاقلمو مع الوضع 

وبلشت افقد الامل ان ياسمين تتقبلني وماتسامحني بشي انا مالي ذنب فيه 

مر شهرين وهي رافضة تتواصل معي 

ليوم كنت اعدة عم اشرب قهوة اندق الباب وقت فتحت كانت ياسمين طلعت في وعانقتني وصارت تبوس ايدي 

دخلنا وجلسنانا نحكي طلعت فيها قلتلها اول ماخلقتي كنتي ملاك وسميتك قمر لان جمالك ماكان في شي بيوصفه حبيتك من كل قلبي ومانسيتك لحظة وقت فقت ومالقيتك حدي فقدت عقلي وبقيت مريضة فترة وابوكي ظلمني وظلمك الله يرحمه ويغفرله 

كنت ادعي ربي تكوني مبسوطة وفرحانة بحياتك ويجمعني فيكي 

وتسامحيني 

نظرت  إلي وقالتلي من انا وصغيرة حس في شي بقلبي غامض وحاسة في قصة بحياتي انا مابعرفها 

كنت كل يوم بالليل حس بشعور فاقدته ومااعرف شو هو بس ماكنت متوقعة ان تكون قصتي انا هيك 

انا زعلانة كتير ومقهورة من بابا وماما يلي ربوني وماقالولي الحقيقة 

بس من محبتن الي ماتوقعت للحظة ان مو بنتن من لحمن ودمن بس مابقدر اتركن بعد ماربوني وحنو علي وفنوا عمرهن ليكبروني ويعلموني انا حياتي اتخربطت بعد هالشي 

وانت امي يلي حملتيني 9شهور وحرمني منك وانحرمتي مني مابعرف شو بدي قول عنه كيف قدر يعمل فيني هيك معقول ماحن قلبه علي انا عم ابكي بين ايديه مافي اي مبرر ليرميني وصارت تبكي بقلب محروق 

طلعت فيها وعانقتها وقلها سامحيني ياقطعة من روحي بذنب مالي فيه 

باست ايدي وقالتلي انت مظلومة متلي واكيد سامحتك ولاتفكري ان حقدت عليكي ابدا لان من اول كلمة حكيتيها حسيت بحرقة القلب يلي عندك بهالفترة يلي غبت حاولت ان ارجع اتاقلم مع حياتي الجديدة 

بس انا مالي مسامحته لبشير ومابدي حدى يذكره قدامي لو شو ماصار مافي اب بيرمي بنته هيك انا ماعندي اب غير بابا محمود بس صار عندي مامتين ماما مريم وماما سحر 

وقت سمعتها قالت ماما مريم فرحت من قلبي وضميتها وشميتها 

بعد ماخلصنا حكي وبكي اتصلت بمحمد واجا اول ماشاف ياسمين ركض عليها يبوسلها ايديها وراسها وصارو يبكو وقت شفتن هيك ماقدرت ركضت لعندن عانقتن هني التنين وصرت ابكي معهم

سجدت لرب العالمين وشكرته على نعمه يلي لا تحصى ولا تعد يلي اكرمني وجمعني ببنتي بعد هالعمر 

عم حاول اد مافي عوض بنتي ياسمين عن السنين يلي فرقتنا وبناتي نغم ورغد حبوها كتير 

حتى امجد يلي كنت متوقعة منه غير هيك حبها كتير لدرجة ان صارت ياسمين بيت اسراره 

وصرنا نحن واهلها متل الاهل لان مابنسى فضلن ابدا يلي ماحرموا بنتي من شي وعاملوها كانها بنتن يلي من لحمن ودمن 

هلق ياسمين صار عندها وصبي سمته عمر وبنت سمتها قمر 

ومحمد صارعندو3 ولاد 

ونغم ورغد بالجامعة 

وامجد سافر ع فرنسا يكمل دراسته هنيك 

بسام كان كتير مبسوط بلم شملي مع بنتي 

ويلي اعتبرها متل نغم ورغد 

بشير ظلم بنتي قمر وقضى حياته ندمان ومن ندمه فقد عقله 

بس اكيد ارادة وحكم رب العالمين كانت اقوى مني ومن بشير 

لو يدرك الانسان كيف يدبر الله اموره لذاب قلبه بحبه 

واصبر لحكم ربك فإنك بأعيننا 

لنثق بحكم الله فالعبد بالتفكير والرب بالتدبير

السلام عليكم ورحمة الله وبركاته 

👈👈👈👈النهاية.

نشرت القصة كاملة على رغبتكم

💔🌿❤️🌹🌷برنس 🌷💛💕♥️💕