رواية مطلوب زوج فولاذي الفصل الثاني 2بقلم زهرة الربيع حصريه في مدونة قصر الروايات
رواية مطلوب زوج فولاذي الفصل الثاني 2بقلم زهرة الربيع حصريه في مدونة قصر الروايات
الثاني مصطفى اتصدم جدا لما رفعت السلاح عليه وقال باستغراب ...انت مجنونه يا بنت انت ولا ايه نزلي الزفت اللي في ايدك ده احسن لك حمام ايه اللي هدخله وادخل ليه اصلا
مياسين بصيتله بغضب شديد واخذت ملايه ومخده وحطيتهم بين ايدي وقالت...علشان هتنام في البانيو
مصطفى قال بسرعه وغيظ ...واستحمى في السرير
مياسبن قالت بغضب...انت بتتريق
رد و قال بسرعه ...اعمل لك ايه يعني هنام في الحمام ليه اتجننت
مياسين بصتلو بعصبيه وقالت... هي مش نور قالتلك شروطي
وانت وافقت بتعترض ليه دلوقت
مصطفى اتسعت عنيه بزهول وقال...شروط ايه...هيه قالتلي انك عايزه تشتغلي وانا قلت لها ما عنديش مشكله
مياسين قالت بضيق.... والباقي
رد بخنقه وقال... معلش فكريني يمكن نسيت
مياسين قالت ... اول شرط انك تنام في الحمام لاني ما بحبش حد ينام جنبي في الاوضه ولا بحب اسمع صوت نفس حد ثاني ...تاني حاجه ودي الاهم انك هتبقى مجرد ديكور قدام عيلتي يعني هنا لما ندخل الاوضه مهيبقاش فيه بينا اي حاجه وطبعا متفكرش تلمس. ني لو مجرد تفكير ...هو دي كل شروطي من قبل الجواز
مصطفى اتفاجأ و ضحك جامد على كلامها وقال... وفين الجواز بقى في كده ....يعني ايه الكلام ده يعني احنا متجوزين ولا لا
مياسين بصيت له بغيظ وقالت ...بس انت وافقت على كده
مصطفى ابتسم بسخريه وقال ....لا معلش... اول حاجه اختك خمتني وما قالتليش كده ثاني حاجه حتى لو قالتلي مكنتش هوافق على الحاجات دي...فتستهدى بالله و تنزلي اللعبه اللي في ايدك دي وتفكي على نفسك شويه حاولي تغيري مود اقلعي البدله دي هتلاقي حالتك النفسيه اتحسنت انا متاكد
مياسين بصتلو بخنقه وقالت..اممم... فهمتك ...يعني مش ناوي تجيبها لبر انا من اول ما شوفتك عرفتك عيل لبط ونصاب بس للاسف ما عنديش خلق اتساير معاك هتسمع الكلام كان بها مهتسمعش الكلام بدل ما هتنام في البانيو هتنام في الحجز النهارده ايه رأيك
مصطفى بص لها بدهشه وقال... حجز ...عايز تحبس جوزك يا ياسين الناس تقول عليك ايه يا جدع
مياسين بصتلو بغضب وهو ضحك تاني بسخريه واخد شنطته وبقى يحط هدومه في الدولاب
مياسين بصيت له بغضب شديد وقربت عليه وقالت... انت بتعمل ايه ما تحطش هدومك في دولابي
مصطفى قال و هو متجاهلها تماما.... ما انا مش هحطه في دولابك كله وبعدين جدي قال لي اعتبر البيت بيتك حتى اساليه
مياسين قالت بخنقه شديده... عدي ليلتك على خير انا تعبانه وعايزه انام
مصطفى بصلها بضيق وقال... اسمع يا ياسين يا اخويا ...انت عيل جدع ومش هكدب عليك ...انا اتجوزتك علشان ارجع المطعم بتاعي
مياسين بصتلو بصدمه وهو بص لها وهز راسه بالموافقه وقال
...زي ما بقول لك كده والله ..اختك خدتني على اخوانه وقالت لي هترجع المطعم وتتجوزها وما قالتليش غير ان ليكي طلب واحد وانك تكملي شغل باقي الحاجات دي انا متفاجئ بيها... لو حابه تروحي بقى تهزئي اختك وتزعقي لها... انا تمام معاكي ننزل ونقعد جدي في الموضوع ونفهمه انت عايزه ايه وطلباتك ايه وهو يشوف بقى اذا كانت الطلباتك دي تنفع ولا لا اصل الراجل تقريبا معندوش علم واحنا طالعين كان بيلمحلي تنو عايز حفيد
مياسين بصتلو بصدمه وقالت... حفيد
قال بسرعه اه حفيد وضحك جامد وقال... مستنيكي تخلفي بيطلب المعجزات الراجل ده..طب افرضي انا نفسي حلوه وحاولت في الموضوع مع انها صعبه بس خليها تمت معقوله متخيل انت ممكن تبقي زي الستات وتحملي وتولدي هي دي اللي بيسموها هواجس ما بعد السبعين
مياسين بصتلو بغضب شديد من كلامه وقالت ... خلصت قله ادب اسمع بقى كل اللي دار في دماغك وفي خيالك تنساه لاني مستحيل اسمح لك تلمس. ني..ولو خلصت استظراف روح اتلقح في الحمام خلي ليلتك تعدي على خير...و رفعت السلاح بتاعها وقالت لان اكتر من كده ما لكش عندي غير ده
بس قبل ما تكمل اتصدمت لما مسكها من معاصم ايديها وخبطهم جامد في الدولاب وقع السلاح من ايدها
مياسين اتصدمت من اللي عمله وبقت تحاول تفك ايديها منه وبتقول بغضب ....سيبني اوعى.... سيبني يا حيواااااان
مصطفى بص لعيونها جامد و ابتسم وقال... غريبه عيونك قاعده شا. ذه بالنسبه لهيئتك فيهم هدوء ورقه مش طبيعيه
مياسين بصلتو بغضب شديد وقالت... بقول لك سيبني احسن لك
مصطفى قرب منها قوي وبص لعيونها وقال.... مش هقدر اسيبك انتي عجباني قوي
مياسين بصتلو بدهشه وهو بص لعيونها جامد وقال.... مستغربه ليه ...فاكره ان باللي عاملاه في شكلك ده هاشوفك وحشه... بالعكس انا شايف اجمل جمال طبيعي لا لمسه مشرط دكتور ولا فرشه مكياج حتى ....حاجه كده رباني والخالق ابدع فيها
مياسين بقت تبص له باستغراب من كلامه
وهو بلع ريقه برتباك من نظراتها وقال بتوتر ...احنا اتجوزنا يا ياسين يعني بلاش فضايح صلي على النبي كده وخليك متفهم
بقلم...زهرة الربيع
مياسين ما فهمتش قصده ولسه هتتكلم قرب منها بقوه
مياسين اتصدمت وبقت تضربه بقوه وبتحاول تبعده عنها بس مهما كانت قوتها هو بما انه راجل بنيته اقوى فضل لحد ما حس بسلاحها في جنبه
بعد عنها بسرعه وقال بارتبتك....اهدى يا جدع مش اتفقنا من غير فضايح
مياسين قالت بغضب شديد..ابعد عنيييي
مصطفى رفع ايديه بسرعه وقال.... تمام بعدت اهو ..اعقلي بقى وابعدي الزفت ده
مياسين قربت عليه وبصت له بغضب وحقد.... وحطت السلاح في دماغه بالظبط وقالت المره دي هسيبك هقول عيل وميعرفنيش و هفوت لك غلطتك دي لكن لو اتجرات عليا ولا لمستني تاني هاخلي الطب الشرعي نفسه يحتار في سبب الوفاه فهمت
وراحت ناحيه الحمام بغضب شديد
مصطفى اتنهد وقعد على السرير باستغراب شديد من نفسه وهو حاسس بانجذاب شديد من ناحيتها رغم معاملتها الجافه دي
مياسين دخلت تستحمى وهيه حاسه بغضب شديد من اللي عمله... وقفت قدام المرايه بتحاول تهدى و شافت علامات قربه حست بقلبها بيدق بسرعه لان دي كانت اول مره ا حد يقرب لهالطريقه دي
بعد شويه خرجت وهي لابسه بيجامه سوداء متقفله بص لها واتنهد وقال... هو في عزاء في الحمام ولا ايه...يعني لو المرحوم حد من قرايبك ادخل انا كمان اعزي
مياسين اتنهدت وقالت بضيق.... لا ما تدخلش تعزي ادخل اتخمد جوه وسيبني انام
مصطفى قال بخنقه ...اللهم طولك يا روح...يا رب صبرني... يا بنتي ادخل انام في الحمام لييييه عندي اسهال
احنا هنام هنا على السرير ده
مياسين بصت له وضحكت وقالت ...احنا... احنا دول اللي هم مين
مصطفى قرب منها وقال ..احنا يعني انا وانت... مش النهارده دخلتنا ولا ايه
مياسين بعدت ايده بضيق وقالت.... وانا قلت ايه من شويه مش قلت لك تنسى الموضوع اللي بتفكر فيه ده وياك تقرب تاني احسن قسما بالله اعمل لك محضر تحر. ش وابيتك في الحجز
مصطفي قال بدهشه... تعملي لجوزك محضر تحر. ش... على العموم انا ما عنديش مشكله يتعمل لي محضر بس ما دام كده كده هيتعمل يتعمل بفايده وووو
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا